Wakolose 1:9 - Kishambala New Testament 2005

⁹ Ne vyeleka, hata ishwi, vivyo timiivilevyo, nkatidila kumivikila na kumihembelezeza, kangwe mwisiize kutaila avyokunda, mγenyeze viyuγo na unyanyi wa kimpeho,

Wakolose 1:9 ပူးပေါင်းရင်းမြစ်များ

Yohana 7:17

Ati muntu akunda kuγoshola, yuja avyokunda, atataila mifuzize yangu, ati ianduka kwa Mulungu, ati nilonga yangu ṅwenye.

Ntuṅwa 12:5

Petelo azaγojiγwa muja mwe chumba; miya Mulungu azahembeleziγwa ni bumbangwa na kushedila kwa mbuli yakwe.

Waloma 12:2

Mshekifanyanye na inu shi! Miya hitukai mkiγuwa ntongonyezi ntuhu, kangwe mdahetaila Mulungu avyokunda, kuti ni vitana, vyaziha vina bontokelo.

1. Wakolinto 1:5

Hambu ivyo muvyoanga naye mzaγaluka wazuli mwe mbuli zoshe, milongele na mitailile yoshe,

Waefeso 1:8

Izi mbazi zakwe zizatilawila hata ishwi nyingi, zizatinka viyuγo vyoshe na lutwi lwoshe,

Waefeso 5:10

Fanyanyai, ati ni mbwai vyemtamila Zumbe!

Waefeso 5:17

Kwa ivyoho msheγaluke wababashi, miya tailai, Zumbe avyokunda!

Waefeso 6:6

Mshezifye ndima mwiolelwe du, viya mtakunda kutamila wantu, miya kwa kuti mu watuṅwa wa Kilisito, γosholai kwa moyo, Mulungu avyokunda!

Wafilipi 1:4

hambu mishi yoshe nihokamihembelezeza inywi nyosheni nivika na nyemi,

Wakolose 1:6

Sa ivyoγenda mwe ngulu ngima ikivyala kuwo, kangi ikikula, vivyoho izatenda hata kwenyu, izaandiila uja mushi mwandiilewo kuiva na kutaila mbazi za Mulungu,

Wakolose 3:16

Lekai, mbuli ya Kilisito iγaluke uzuli wenyu, muwoikaila mkikihinya haṅwe na kukishunda na viyuγo, mkimwimbila Mulungu mwe myoyo yenyu mazumo na maimbo na mawila ya kimpeho, kwa kuti mzafilwa mbazi!

Wakolose 4:12

Mwaluγushiγwa ni Epafula mweanduka kwenyu; ni mtuṅwaywa Kilisito Yesu, amigombela nkondo na kumihembelezeza, mγaluke wantu webontoleza, mtaile vyoshe, Mulimgu avyokunda.

Wakolose 4:5

Waja we se angilanai nawo na viyuγo! Manyai mishi mwinkiγweyo!

1. Watesalonike 1:3

nkatidila kukumbuka tii ha Mulungu, Tate yweshu, ndima yenyu, muyoγoshola na kutozesha, na lulali lwenyu, muloona kuγamba: Tikundishane!, na uzizimizi wenyu, muwomwalila nawo Zumbe Yesu Kilisito he mesho ya Mulungu, Tate yweshu.

1. Watesalonike 5:17

Mshedile kuvika!

2. Watesalonike 1:11

Kwa inu mbuli tamihembelezeza mishi yoshe, kangwe Mulungu ywetu aleke, myangile yenyu iivane na mwitango, niwisiize kutamilwa ni vitana vyoshe, mγoshole ndima zoshe zeanduka mwe kutozesha kwe nguvu,

Filemoni 1:4

Namlaviliza Mulungu ywangu ntogolo nihokakufukila nikivika,

Filemoni 1:6

Nakuhembelezeza, mitozesheze yako itinkileyo mwangilano itende nguvu kwa viya, uvyotaila kuti: Vitana vyoshe, muvyona navyo, vyamiagiza kuvimwuziza Kilisito.

Waebuleyo 10:36

Mwaagiziγwa ni uzizimizi, mγoshole viya, Mulungu avyokunda, mdahebontola kikundile cha Mulungu, kangwe nezemwonele viya, mulongiγwevyo.

Waebuleyo 13:21

Uyu Mulungu aminke vitana vyoshe, mdaheγoshola avyokunda! Hambu aakaleka, titende viya vyemtamila ṅwenye kwa mbuli ya Yesu Kilisito; uyu atogolwe kale na kale!

Yakobo 1:5

Ati kwenyu kuna mweshowa viyuγo, avilombeze kwa Mulungu mweviinka wantu woshe kwa mbazi na kushetenda kinyuma! Ne ndivyo avionele.

Yakobo 3:17

Miya kiyuγo cheanduka ulanga hosi china shoni, vikibinda china mwivano na uhozu, chashundika, chaγenyeza utungu na kuwo tana, nkachina mbuli nyingi, nkachina mambeza.

1. Petelo 2:15

Hambu ne Mulungu avyokunda: Mwushe tumala ya wantu wababashi na kuzifya,

1. Petelo 4:2

lushe mishi yakwe, ndiyo aje kunu shi, nkezeaije kwa uhalami wa kimuntu, miya kwa kikundile cha Mulungu.

1. Yohana 2:17

Kangi inu shi yabanika na uhalami wakwe, miya mweγoshola kikundile cha Mulungu atakalama kale na kale.

1. Yohana 5:20

Tataila kuti: Ṅwana Mulungu azaiza, azatinka lutwi, timtaile yuja mwe kweli. Kangi taanga na yuja mkweli na ṅwanae Yesu Kilisito. Uyu ni Mulungu mwe kweli na nkalamo ya kale na kale.