Wakolose 1:5 - Kishambala New Testament 2005

⁵ Hambu mwatozesha kialilo cha viya, muvyoikilwa mwe lwingu; mzaiva kale mkibilikilwa mbulingwa ye kweli, muyona nayo mishi inu.

Wakolose 1:5 ပူးပေါင်းရင်းမြစ်များ

Luka 12:33

Taγai viya, muvyona navyo, muviinkile kwa mbazi du! Kiγoshwelei misipi ishiyoshakala, mtende mali mwe lwingu ishiyobaiγwa, hambu ne kushikobulwa ni mubavi, ne kushikojiγwa ni visaga.

Ntuṅwa 10:36

Mbuli yakwe azaituma kwa wana Isilayeli, akiwabilikila mpolele ionekeyo mwe Yesu Kilisito, uyu ni Zumbe ywa vyoshe.

Ntuṅwa 13:26

Waγoshi, wanduγu, mu wanangwa wa chengo cha Abulahamu, kangi wemwogoha Mulungu muna nawo, lushe inywi mzatumilwa mbuli ya uja uvunizi.

Ntuṅwa 23:6

Paulo akitaila, kuti waja bumba iṅwe ni ja Masadukeyo, bumba tuhu ni ja Mafaliseyo, azawalonga waja wafuṅwa na kuinula kanwa: Wanduγu, imi ni Faliseyo, kangi ni ṅwana Faliseyo; nifyalimilwa kialilo cha ufufuki wa wafilewo.

Ntuṅwa 24:15

Kangi kwa Mulungu nina kialilo, awa wenye wachoafiza wohe, kuti nezekuoneke ufufuki wa watanda na wa wahuza.

Waloma 10:8

Lushe vya kweli ni vihi? Ni kuja kuγamba: Mbulingwa i hehi na iwe, i mwe kanwa chako, kangi i mwe moyo wako, inu ni mbuli ya kutozesha, tiyobilikila.

1. Wakolinto 13:13

Lushe vyekalama ni kutozesha, ni kualila, ni kukundisha, ivi vitatu du; miya vyeisiiza vikulu ni kukundisha.

1. Wakolinto 15:19

Ati Kilisito ni kialilo chetu mwe mishi inu ike du, anga ti wakiwa kuzinka wantu woshe.

2. Wakolinto 5:19

Mulungu alivyo mwe Kilisito azatemeka wa inu shi, waivane naye, nkawatazile mabano yawe, kangi azatiikila icho kilaγa cha uja mtemeko.

2. Wakolinto 6:7

tiyavota na mata ya utanda kulume na kumosho. Ati tagimbikwa, ati tabelwa;

Wagalatiya 2:14

miya nikiona kuti: Myangile yawe nkaiivana na ukweli wa ulaungwa, nizamlonga Petelo, woshe waiivile: Iwe u Muyuda, kangi waanga kimzimu, nkuanga Kiyuda, lushe wamzimu uwakundila zeze kuanga Kiyuda?

Wagalatiya 2:5

Awa nkatiwavotekele na kuwaitika hata hadodo, kangwe uwo ulau wedi utailikane kwenyu kale na kale, kuti ni wa kweli.

Wagalatiya 5:5

Miya ishwi kwa nguvu ya mpehongwa taafiza na kutozesha uwo utanda, tiwoalila.

Waefeso 1:13

Hata inywi mzaiva mbulingwa ye kweli, ni uja ulau wa uvunizi wenyu; aho mkitozesha mzainkwa ndiye lwitangilo, ni Mpeho mṅazi mwebontola kilaγa;

Waefeso 4:21

Hambu mzaiva, mzafuziγwa mbuli yakwe kuti: Kweli ṅwenye ioneke mwe Yesu.

Wakolose 1:23

Ntoγo mwikale na kutozesha sa wantu wena shikizi jetoγa, msheushiγwe he kialilo cha ulaungwa, mwivilewo, webilikilwa kwa woshe we moyo kunu shi, niwotumikila imi Paulo.

Wakolose 1:27

Hambu ne Mulungu akundilewo kuwaonyesha, utana uvyokula wa chiya kihili, akundilecho kuγoshola kwa wamzimu; chizabontoka, Kilisito akiingila mwenyu, uyu ne utana wealilwa.

Wakolose 3:16

Lekai, mbuli ya Kilisito iγaluke uzuli wenyu, muwoikaila mkikihinya haṅwe na kukishunda na viyuγo, mkimwimbila Mulungu mwe myoyo yenyu mazumo na maimbo na mawila ya kimpeho, kwa kuti mzafilwa mbazi!

1. Watesalonike 2:13

Kwa inu mbuli nkatidila kumlaviliza Mulungu ntogolo kuti: Mzaiva mbulingwa ya Mulungu, tikiibilikila, mzaihokela, viya so mbuli ya muntu, miya ivyo kweli mbulingwa ya Mulungu mwetenda nguvu kwenyu, mkitozesha.

2. Watesalonike 2:16

Miya Zumbe Yesu Kilisito ṅwenye na Mulungu, Tate yweshu, mwetikundisha, mwetinka kwa mbazi du mhembulizo wa kale na kale na kialilo kitana,

1. Timoteyo 1:15

Iuu mbuli ni ya kweli, yaagiza kutozeshiγwa ni wantu woshe kuti: Kilisito Yesu azaiza mwe inu shi, shonye wahuza; mwe awaywa bosi ni miyo,

2. Timoteyo 4:8

Nishiγazevyo ni kuinkwa linga jetala watanda, niikilwejo. Mushi uja Zumbe mwelaha na ulanda atazajininka, miya si miyo du, ni woshe ndiwo wakialila kulawila kwakwe.

Tito 1:2

vyeleka, wamwitika Mulungu na kualila nkalamo ya kale na kale, hambu ne msuhi, Mulungu ashihenyaye atiikilewo mishi ya kale ṅwenye,

Waebuleyo 7:19

ne kuhoingiziγwa kialilo chetama kuzinka, ichi ne ndicho timubwile Mulungu nacho. Kangi nkaviγosholwe na kushekilisha;

1. Petelo 2:2

Sa vizana vivyelwevyo mishi inu, timilai mele ya kweli yashiyohosa, mkuziγwe ndiyo, mpaka mvunilwe, ati mzaandiila kuona kuti:

1. Petelo 3:15

Mgimbikei Kilisito Zumbe mwe myoyo yenyu! Kiteγei hosheni mdahemlandula na uhozu na woγa kila mwemiuza kwa mbuli ya kialilo chenyu, muchona nacho!

2. Petelo 1:12

Kwa ivyoho nitamikumbusha mishi yoshe izi mbuli, hata mwizitaile, hata mwitendile nguvu na ivi vye kweli.

1. Yohana 3:3

Kila muntu mwena ichi kialilo naye akiṅaza kwa viya, yuja avyo mṅazi.