Wakolose 1:23 - Kishambala New Testament 2005

²³ Ntoγo mwikale na kutozesha sa wantu wena shikizi jetoγa, msheushiγwe he kialilo cha ulaungwa, mwivilewo, webilikilwa kwa woshe we moyo kunu shi, niwotumikila imi Paulo.

Wakolose 1:23 ပူးပေါင်းရင်းမြစ်များ

Maliko 16:15

Azawati: Hitai mwe shi zoshe za ngulu ngima, mubilikile ulaungwa wa nyemi kwa woshe we moyo!

Luka 22:32

Miya imi nizakuhembelezeza, mitozesheze yako isheaγe; kangi iwe aho, ndiho nezeuhitukile, ugele wanduγu wako nguvu!

Luka 6:48

Afanana na muntu mwezenga nyumba na kuifukila na ndai vitana, adaheika shikamilo jakwe mwe kungu; mazi yakiγenela, hwazi jitalawa, jibule he ija nyumba na kufuka haho, miya nkajidaha kuichakula, kwa kuti izengiγwe vitana.

Yohana 15:6

Ati muntu asheikala kwangu, aashiγwa, sa tambi jivyoashiγwa jikikalaγala, vikibinda wantu wayaumbika haṅwe, wayaasha mwe moto, yahye.

Ntuṅwa 1:17

Kangi ne akitalwa haṅwe na ishwi, yohe azapangilwa unu ufuṅwa wetu.

Ntuṅwa 1:25

umshaγuleye, aγuwe unu ufuṅwa na ntuṅwa, Yuda aashizewo, kangwe ahite na haja hantu hakwe ṅwenye.

Ntuṅwa 1:8

komo mhokele nguvu ya mpeho mṅazi aho ndiho nezeimiizile, mγaluke waona wangu uko Yelusalemu na mwe shi ngima ya Yudeya na ya Samaliya na kosheni mpaka kwe mihelo ya shi.

Ntuṅwa 11:23

Akibula, akiona ija mbazi ya Mulungu azatamimilwa, azawahimila woshe, waike inu mbuli mwe myoyo yawe, waandakane na Zumbe.

Ntuṅwa 14:22

wakigela myoyo ya wahina nguvu na kuwahimila, waikale na kutozesha vivyoho, kangi wazawaonyesha kuti: Vyatitala kuona ukiwa ungi, tikiingila mwe uzumbe wa Mulungu.

Ntuṅwa 2:5

Miya kuja Yelusalemu kuikala Wayuda wemwogoha Mulungu waandukewo mwe mbali zoshe kimu shi.

Ntuṅwa 20:24

Miya naγamba: Nkavina mbuli, ṅwenye nikibanika, ntoγo nibontoleze ntambo yangu na ija ndimangwa, niinkiγweyo ni Zumbe Yesu, nilongele ulau wedi wa mbazi ya Mulungu uwona.

Ntuṅwa 26:16

Miya inuka, uγoloke na milundi yako! Hambu ne vilekilevyo, nikikulawila, nikuliγanye, utumikile na kulongela uwona viya, uenevyo, na viya, ndivyo nezeuone!

Ntuṅwa 4:12

Kuluhu akakuoneka uvunizi, kangi ishwi wantu kunu shi nkatiinkiγwe zina tuhu, ndijo tihonywiγwe najo.

Waloma 10:18

Miya niγambe: Nkawaivile? Kuiva wazaiva, nguma yawe izagisa ngulu ngima, mbuli zawe zizabula he mihelo ya shi.

Waloma 15:16

kangwe nimtumikile Kilisito Yesu ndima ya wamzimu nikibilikila kiṅazi ulaungwa wedi wa Mulungu, kangwe tulo, wamzimu wajomwiγaila, jimtamile Mulungu jikiṅazwa ni mpeho ṅazi.

Waloma 2:7

Washiwotibuka kuzifya mbuli wakilonda utana na kugimbikwa na kushebanika, awa ne weinkwa nkalamo ya kale na kale, miya weγenyeza nkumbizi,

Waloma 5:5

kialilo chaleka, tishevivilwe, kwa kuti myoyo yetu iigezilwe lukundisho lwa Mulungu ni mpeho ṅazi tiinkiγweyo.

1. Wakolinto 15:58

Kwa ivyoho, wanduγu wangu, niwokundisha, toγai vitana, mshevuwanike! Isiizai kukihima ndimaugwa ya Zumbe mishi yoshe! Hambu mwataila kuti: Lulah, muloona kwa mbuli ya Zumbe, so lwa bule.

1. Wakolinto 3:5

Kuna Apolo na Paulo? Toshe ti wandimangwa tilekilewo, mkitozesha, kila muntu sa Zumbe avyomfila mbazi.

2. Wakolinto 10:1

Namishunda na uhozu na uzizimizi wa Kilisito, imi Paulo ṅwenye nekaγaluka mnyonge kwenyu nikimiona, nekamihimbila nii hale!

2. Wakolinto 11:23

Wamtumikila Kilisito? Nalonga vishivyoteγana: Nawazinka! Nizapisha kuwazinka, nizatowiγwa kuwazinka, nizashungwa kuwazinka, nizaoaia kangi muno nkondo zekoma kuwazinka.

2. Wakolinto 3:6

Uyu Mulungu azatiγalusha waluγojo wedi wa kilaγa kihya; ichi so cha ugonde, ni cha kimpeho, hambu ugonde wakoma, miya vya kimpeho vyainka nkalamo.

2. Wakolinto 4:1

Kwa kuti tina unu uγolokezi, sa tivyofilwa mbazi, ishwi neshwi nkativotwa,

2. Wakolinto 6:1

Kwa kuti taambizanya na inywi, tamihimila, kangwe mshefilwe mbazi ya Mulungu bule.

Wagalatiya 4:11

Naogoha kwa mbuli ya inywi kuγamba: Hangi kwenyu nifile muku wa bule.

Wagalatiya 5:5

Miya ishwi kwa nguvu ya mpehongwa taafiza na kutozesha uwo utanda, tiwoalila.

Wagalatiya 5:7

Ne mkianga vitana; ni ndai amifingizizeye, msheitike vye kweli?

Wagalatiya 6:9

Tishetibuke kuγoshola viya vyetama! Hambu hakizabula, titazavionela, ati nkatihelele gati.

Waefeso 1:18

Kangi aṅaze mesho ya myoyo yenyu, kangwe mtaile, mwitango wakwe tiwoalila ulivyo, utana wa kifu uvyokula, aikilacho waṅazi, mtaile,

Waefeso 2:21

Hambu mwe uyu ne zengo joshe gima jimokisanyiγwa, jikule, jiγaluke vikilo ṅazi ja Zumbe.

Waefeso 3:17

kangwe Kilisito aikale mwe myoyo yenyu kwa viya muvyotozesha, kwa kuti mzakundishiγwa, msheleze mazindo, mshikiziγwe ndiyo,

Waefeso 4:16

Hambu uyu ne mweleka, ṅwili woshe ukigombekeziγwa, ukitoγeshiγwa ni vinko vyoshe vyeugela nguvu, sa kila fungu iṅwe jivyoliγanyiziγwa ndima yakwe; ne ṅwili uvyokula, uvyozifiγwa kwa kukundishana.

Wakolose 1:25

niinkiγwewo ni Mulungu, nimibontwele mbulingwa ya Mulungu.

Wakolose 2:7

Mwikize mazindo mumo, mzengwe, mgelwe nguvu ni ija mitozesheze mufuziγweyo, mwisiize kulavya ntogolo!

1. Watesalonike 3:3

kangwe kusheoneke mweaγilwa mishi inu ya ukiwa, hambu wenye mwataila kuti: Mbuh tiyoikilwa ni iyo.

1. Watesalonike 3:5

Kwa inu mbuli sidahile kunazizimiza, miya nizaiuma, kangwe nitaile, mitozesheze yenyu ilivyo, ati yuja mtakuγeza azamiγeza, ati muku wetu uzaγaluka wa bule.

1. Watesalonike 5:8

Ishwi wa mushi tizile vyetengeza tiitozize mata ya kutozesha na ya kukundishana, tiizwikile nkofiya ya nkondo, ni kialilo cha uvunizi.

2. Watesalonike 2:16

Miya Zumbe Yesu Kilisito ṅwenye na Mulungu, Tate yweshu, mwetikundisha, mwetinka kwa mbazi du mhembulizo wa kale na kale na kialilo kitana,

1. Timoteyo 1:12

Namlaviliza Zumbe ywetu Kilisito Yesu ntogolo, hambu azaninka nguvu, azanifanyanya kuti: Ni mkoolezi, ne ahonigimbika, nimγoshwele ndima,

1. Timoteyo 2:7

Imi nami nizaugimbikilwa mubilikizi na ntuṅwa, nalonga kweli, sihenya, ni mfuza wamzimu kwa viya, nivyotozesha, nivyotaila vye kweli.

1. Timoteyo 3:16

Woshe waivana kuγamba: Kihili kikulu cha waja wemwitika Mulungu shichi: kuna alawileye mwe ṅwili wa kimuntu, azalesiγwa kuti aha mpeho, kuti ni mtanda, azalawila walau, azahilikilwa kwa wamzimu, azaona wemtozesha kunu shi, azainulwa na mwe utana wakwe.

Tito 3:7

vikibinda tiγaluke wapazi wa nkalamo ya kale na kale, sa tivyoalila. Inu mbuli ni ya kweli.

Waebuleyo 10:38

Kangi mtanda atazatenda nkalamo na kutozesha kwakwe, miya muntu akiuya na nyuma, moyo wangu nkautamilwa ndiye.

Waebuleyo 3:14

Hambu tizaγaluka weyae wa Kilisito, ntoγo titozeshe kialilo chetu cha kivoko, chishetiaγile mpaka bindilizo.

Waebuleyo 3:6

Miya Kilisito azaitika viya ni ṅwenye nyumba, kuti ni ṅwanangwa. Kangi ishwi ti nyumba yakwe, ati tatozesha kweli mpaka bindilizo nyemi na ntogolo, tiyoalila.

Waebuleyo 4:14

Tina mvikizi mkulu akwezileye mwe lwingu, ni Yesu, ṅwana Mulungu, kwa ivyoho netitoze tivyolonga!

Waebuleyo 6:19

Ne tichona nacho, viya ni kitozezo cha moyo chishichochopoka, chetoza vitana, chetiingiza na muja ndai, ndimo tikifingiziγwa ni jiya shuke.

1. Petelo 1:3

Atogolwe Mulungu, ishe ja Zumbe ywetu Yesu Kilisito! Hambu kwa ungi wa utungu wakwe azativyala ka mbili, titende kialilo che moyo, kwa kuti Yesu Kilisito azafufuka kwa wafilewo,

1. Petelo 1:5

mweγolokelwa na nguvu ya Mulungu, mtozeshe, mwone uja uhonya weunga kulawila mishi ya kushilikiza. Ne ndiho mulinge;

1. Yohana 2:27

Mpehongwa, muhokeleyo kwakwe, yamiikaila, nkamshindahinyuγwa ni muntu muntu; miya sa mpeho yakwe ivyomihinya, ikalai nayo!

Mfumbulo 2:10

Usheogohe viya, ndivyo ulumiziγwe! Kaula, yuja ṅwenye leba inywi kuṅwe neamigele mwe chumba, kangwe mγeziγwe, nezemwone ukiwa mishi kumi. Tozesha mpaka kufa! Ne ndivyo nikunke linga ja nkalamo.