Wakolose 1:15 - Kishambala New Testament 2005

¹⁵ Uyu afanana na Mulungu ṅwenye ashioniγwaye, avyelwe, vyumbo vyoshe vishizati viteγwe,

Wakolose 1:15 ပူးပေါင်းရင်းမြစ်များ

Yohana 1:1

Kuandiila mbulingwa ne ii haho, iyo mbulingwa ne ii kwa Mulungu, kangi Mulungu ne mbulingwa.

Yohana 1:14

Mbulingwa izaγaluka muntu, izaikala kwetu; tizaona utana wakwe, ni utana viya wa ṅwana avyelweye ike ni ishe, hambu aigisize mbazi na kweli.

Yohana 1:18

Muntu nkamwene Mulungu kale hoshe; ṅwanangwa avyelweye ike, ndiye akiikala na kukaambatwa ni ishe, ne atiγambileye.

Yohana 14:9

Yesu amuti: Filipo, mishi yekuinga haja nizaanga na inywi, kangi nkunitaila? Anieneye imi azamwona Tate; ulonga ywai kuti: Tionyeshe Tate!

Yohana 15:24

Ati siγoshole kwawe ziya ndima, mtuhu ashiγosholezo, anga nkawana uhuza; miya lushe wazaziona, kangi wanishuka imi, hata Tate;

Yohana 3:16

Hambu Mulungu azaikundisha inu shi, akimwinkila ṅwanae mwe ike, kangwe ndiye amtozeshe ashezaaγa, miya nezeainkwe nkaiamo ya kale na kale.

Waloma 8:29

Hambu ndiwo akiwataila kale, ne azangilewo kale, wafanane na shula ya pwanae, kangwe ṅwenye aγalukile wanduγuze wangi ṅwana ywa nteluka.

2. Wakolinto 4:4

hambu Mulungu ywa inu shi azachusha myoyo ya waja washiwotozesha, kangwe washemuhilikilwe ni langaila jelawa kwe uja ulau wedi wa Kilisito mwefahana na Mulungu.

2. Wakolinto 4:6

Hambu Mulungu alongileye: Hena lwiza hapwinkuke langaila!, ne apwinkuleye myoyo yetu, kangwe timulikile waja washiwotaila utana wa Mulungu ulawilewo kwa Kilisito.

Wafilipi 2:6

Uyu ne aina shula ya Mulungu, kangi kuja kufanana na Mulungu nkakutozize viya ni mtalie,

Wakolose 1:13

Kwa kuti azatikombola mwe ufuṅwa wa lwiza, azatituliza na mwe uzumbe wa ṅwanae, ayemkundisha.

1. Timoteyo 1:17

Zumbe ywa ukalami woshe ashiyebanika, ashiyeoniγwa, ni Mulungu ike, agimbikwe, atogolwe kale na kale! Amini.

1. Timoteyo 6:16

uyu ike nkafa, aikala he langaila hashihobulikana, nkakuna muntu amweneye, kangi nkakuna mwedaha kumwona, uyu agimbikwe, kuti nguvu yakwe ni ya kale na kale! Amini.

Waebuleyo 1:3

Uyu atilangazishiza utana wakwe, kangi a vivyoho, sa ṅwenye alivyo, vituhu vyoshe avitoγesha na mbuli yakwe ye nguvu, akibinda kutihozeza mabano azahita kwa ikala kulume kwa ṅwenye nguvu uko ulanga.

Waebuleyo 1:6

Kangi aho akimwingiza ṅwanae ywa nteluka mwe inu shi aγamba:

Waebuleyo 11:27

Kwa mitozesheze yakwe azalawa Egiputa, nkaogohe maya ya zumbe; hambu yuja ashiyeoniγwa azamtozesha, viya atemwona.

Mfumbulo 3:14

Mlau ywa bumbangwa ja Lawodikiya umgondele kuγamba: Ne avyolonga mwamizi, yuja mwona mtanda na mkweli, chandilo cha vyoshe viumbiγwevyo ni Mulungu: