Wakolose 1:12 - Kishambala New Testament 2005

¹² kwa kuti azamiliγanya, mdahepangilwa kifu cha waṅazi che mwe langaila!

Wakolose 1:12 ပူးပေါင်းရင်းမြစ်များ

Mateyo 25:34

Vikibinda Zumbe atalonga waja we kulume kwakwe kuγamba: Izai, inywi waṅazi wa Tate, mupale uzumbe mwikilwewo inywi aho, shi ikiumbiγwa!

Yohana 14:6

Angwe ni Yesu: Imi ni sila na ukweli na nkalamo; nkakuna ndiye abule kwa Tate, akishenitongela.

Yohana 20:17

Yesu amuti: Ushenidowe! Hambu sizati nikwele kwa Tate. Miya hita kwa wanduγu wangu, uwaγambile kuti: Nakwela kwa Tate na kwa ishe ywenyu, kwa Mulungu ywangu na kwa Mulungu ywenyu!

Yohana 4:23

Miya nehabule, kangi ivi lushe ha haha, ndiho waja wevika kweli wamvike Tate kimpeho na kikweli; hambu Tate yohe alonda wemvika ivyoho.

Ntuṅwa 20:32

Ivi lushe namiinkila na kwa Zumbe kwa mbuli ya mbazi yakwe yedaha kumizifya na kuminka chiya kifu haṅwe na waja woshe waṅaziγwewo.

Ntuṅwa 26:18

uwaγubwile mesho, walawe kwe lwiza, wahituke na kwe langaila, walawe kwe ufuṅwa wa Satani, wahituke na kwa Mulungu, waushiliziγwe mahuza yawe, wohe wapangilwe kifu cha waṅazi, wakinitozesha.

Waloma 11:17

ati matambi kuṅwe yazabondwa, miya iwe ndiwo ui mshuza, uzaingiziγwa na haja, uzapangilwa nkolo ya uja mchungwa yevyaza vitana,

Waloma 15:27

wazakunda wenye, kangi ni wadeni wawe, hambu wamzimu wakipangilwa ndiwo viya vyawe vya kimpeho vyaagiza, wakiwatumikila na viya vyawe vya kiinushi.

Waloma 8:17

Miya ati ti wana, ti wapazi, kweli ti wapazi wa Mulungu wepala haṅwe na Kilisito; ati talumizwa haṅwe naye, nezetigimbikwe haṅwe naye.

Waloma 9:23

Vituhu azalaviliza ungi wa utana wakwe na viya vyumbo vya mbazi,

1. Wakolinto 8:6

miya ishwi Mulungu ywetu ni muṅwe, ni Tate; kwa uyu ne vintu vyoshe vikoauduka, hata ishwi ti wakwe; vivyoho Zumbe ywetu ni muṅwe, Yesu Kilisito, uyu ne vintu vyoshe viumbiγwevyo ndiye, hala ishwi tiumbiγwe ndiye.

1. Wakolinto 9:23

Miya vyoshe niviγoshola kwa mbuli ya ulaungwa wedi, kangwe nami nezeniupangilwe.

2. Wakolinto 11:14

Kangi icho so kimaka, hambu Satani ṅwenye akionyaonya, viya ni mlau ywa langaila.

2. Wakolinto 5:5

Atiliγanyeye kwe inu mbuli ni Mulungu atinkileye guha, ni mpeho yakwe.

Waefeso 1:11

Kwa mbuli ya uyu tapangilwa kifu hata ishwi chifanyanyiγwecho kale kwa viya, aikilevyo uko kale, hambu vyoshe avihontoleza, sa avyokunda ṅwenye.

Waefeso 1:18

Kangi aṅaze mesho ya myoyo yenyu, kangwe mtaile, mwitango wakwe tiwoalila ulivyo, utana wa kifu uvyokula, aikilacho waṅazi, mtaile,

Waefeso 2:18

Ne tivyoonela mwakwe toshe waili luhitile kwa Tate na mpeho ṅwenga.

Waefeso 3:6

Wamzimu wohe niwapazi, kuti: Wohe wa mumo mwe ṅwiliwakwe, kuti: Wohe niwantuwa kilaγa, Kilisito Yesu atinkilecho na uja ulau wedi.

Waefeso 4:6

Mulungu ni muṅwe, ni ishe ja woshe, ne mweγoshola woshe, ne mwetenda nguvu kwa woshe, ne mweikala mwe woshe.

Waefeso 5:11

Miya mshekigele mwe ndima za lwiza zishinazo kuwo, shuti mzibunkule.

Waefeso 5:20

mkimwimbila Zumbe, mkimtowela mazumo mwe myoyo yenyu, mkimlaviliza Mulungu Tate ntogolo mwe zina ja Zumbe ywetu Yesu Kilisito mishi yoshe kwa mbuli zoshe!

Waefeso 5:4

Miya mbuli za kilanga na za usaba woshe na za ubuγe zishezalangwa kwenyu, sa vivyoagiza waṅazi, hata mbuli za lukanko na za mhembo na za ufyosi ubada nkaziagiza, zeagiza ni za ntogolo du.

Waefeso 5:8

Angai vivyoagiza wana wa langaila!

Wakolose 2:2

kangwe myoyo yawe ishangalaziγwe, igelwe nguvu na lukundisho, wamote uja uzuli woshe, muntu awona nawo akiγenyeza viyuγo, wataile icho kihili cha Mulungu na cha Kilisito.

Wakolose 3:15

Mpolele ya Kilisito ifanyanyize myoyo yenyu! Hambu ne mwitangilweyo na uja ṅwili muṅwe, mγaluke wantu welavya ntogolo.

Wakolose 3:17

Vyoshe, ndivyo mγoshole, ati ni vya longa, ati ni vya ndima, vyoshe viγosholei mwe zina ja Zumbe Yesu mkimlaviliza Mulungu Tale ntogolo navyo!

Tito 2:14

uyu azakiinkila kwa mbuli ya ishwi, atikombole mwe upuna woshe ushiwoagiza, akihozeze mbali yakwe ṅwenye yekihima ndima utana.

Waebuleyo 12:23

he makulija na makulija ya walau, he bumba gima jiungananejo he nyemi ya wana nteluka wagondiγwewo mazina mwe lwingu; vikibinda muzamubwila Mulungu mwewalaha woshe masa na mpeho za wafanda wabindilewo kukombolwa.

Waebuleyo 3:1

Kwa ivyoho, wanduγu waṅazi, mweitangwa haṅwe na imi na mwitango wa kilwingu, mtongonyezei Yesu, kuti ni ntuṅwa na mvikizi mkulu, tiyemtogola!

Waebuleyo 3:14

Hambu tizaγaluka weyae wa Kilisito, ntoγo titozeshe kialilo chetu cha kivoko, chishetiaγile mpaka bindilizo.

Yakobo 3:9

Tamtogola nalo Mulungu, Tate yweshu, kangi nalo talana wantu waumbiγwewo na shula ya Mulungu.

1. Petelo 5:1

Waγolokezi we kwenyu nawahimila imi, kuti nami ni mγolokezi, kangi ni mwona ywa milumilwe ya Kilisito, kangi napangilwa uja utanda weunga kulawila:

1. Yohana 1:3

Lushe viya, tienevyo, tiivilevyo, tavimibilikila hata inywi, kangwe inywi nenywi mtende mwangilano na ishwi; kangi mwangilano wetu una Tate na ṅwanae Yesu Kilisito.

Mfumbulo 21:23

Unu muzi nkauagiziγwa ni zuwa ao ṅwezi, vikiaka mumo, hambu utana wa Mulungu waupwinkula, taa yakwe ni yuja ṅwangoto.

Mfumbulo 22:14

We nyemi ni waja wetozesha milomo yakwe, kangwe nezewashungulwe kuja muti wa nkalamo na kuingila mwe nkili za muzingwa.

Mfumbulo 22:5

Kilo nkezemugwe, nkawaagiziγwa ni langaila ja taa ao langaila ja zuwa, hambu Zumbe Mulungu atawapwinkukila, watatoza uzumbe kale na kale.