Wafilipi 2:17 - Kishambala New Testament 2005

¹⁷ Hata vikinitala kukoṅwa, viya ni ṅombe ya mviko, nikimitumikila, kangwe kutozesha kwenyu kuisiize, niyatamilwa, kangi niyatamilwa na inywi nyoshe.

Wafilipi 2:17 ပူးပေါင်းရင်းမြစ်များ

Ntuṅwa 20:24

Miya naγamba: Nkavina mbuli, ṅwenye nikibanika, ntoγo nibontoleze ntambo yangu na ija ndimangwa, niinkiγweyo ni Zumbe Yesu, nilongele ulau wedi wa mbazi ya Mulungu uwona.

Ntuṅwa 21:13

Ne Paulo aholandula: Muγosholai mkilila, mkinilumiza moyo? Hambu imi niikiteγile, so kushungwa du, hata kufa kuja Yelusalemu kwa mbuli ya zina ja Yesu.

Waloma 12:1

Namihimila, inywi wanduγu wangu, kwa mbuli ya utungu wa Mulungu, mγalushe mili yenyu ṅombe ṅazi za mviko ze moyo zemtamila Mulungu, ivi viγaluke mviko wenyu weivana na viyuγo vya kweli.

Waloma 15:16

kangwe nimtumikile Kilisito Yesu ndima ya wamzimu nikibilikila kiṅazi ulaungwa wedi wa Mulungu, kangwe tulo, wamzimu wajomwiγaila, jimtamile Mulungu jikiṅazwa ni mpeho ṅazi.

2. Wakolinto 12:15

Imi nakundisha kulavya vyangu, kangi nezenilaviγwe ṅwenye, kwa mbuli ya inywi; nikiisa kumikundisha, ne nihoshekundwa vyedi?

2. Wakolinto 4:12

Kwa ivyoho kifa chatenda nguvu kwetu, miya nkalamo kwenyu.

2. Wakolinto 6:10

viya titeihiziγwa, kangi vyosheni tina nyemi navyo; viya ti wakiwa, kangi liyaγalusha wangi wazuli, viya nkatina kintu hata, kangi vyoshe tina navyo. Inywi Wakolinto!

2. Wakolinto 7:4

Naisiiza kumialila, kangi namitogola kwa mbuli nyingi; moyo wangu uishangalale vitana, nyemi yangu yaisiiza kuγenela, hata ukiwa ukioneka ungi kwetu.

Wafilipi 1:20

Ne vyeleka, nikiafiza, nikialila kuti: Sezenibimkuke mwe mbuli ṅwenga du, miya sa kale hoshe hata ivi lushe nezevimanyike vyedi kuti: Kilisito agimbikwa ni unu ṅwili wangu, ati ni moyo, ati niyafa.

Wafilipi 2:18

Vivyoho hata inywi tamilwai! Netitamilwe toshe kiṅwe!

Wafilipi 2:30

Hambu kwa mbuli ya ndima ya Kilisito azabuza kufa akikiinkila ṅwenye, kangwe amibontwele ziya ndima, mshiγazezo kuniγoshwela.

Wafilipi 4:18

Vyoshe vyeniagiza nina navyo na kuzinka, nizaγenyeza kabisa nikiletelwa ni Epafulodito viya vyenyu, vina mzingo wa mulile, viya ni ṅombe ntana ya mviko yemtamila Mulungu.

Wakolose 1:24

Lushe naona nyemi na viya, nivyolumiziγwa kwa mbuli ya inywi, kangi viya vya ukiwa, Kilisito ashiγazevyo, na ṅwili wangu nivibontolezeza ṅwili wakwe, ni kuγamba bumbangwa, hambu ne nijotumikila kwa uja ufuṅwa,

1. Watesalonike 2:8

Kwa ivyoho ne tiina luzwi na inywi, kwa kuti tizakunda kumipangila ulau wa Mulungu haṅwe na kuminka myoyo yetu, kwa kuti tiitamilwe ni nywiyo.

2. Timoteyo 4:6

Hambu imi nizabulizwa lushe kuγalushwa ṅombe ya mviko, mushi wangu wa kushungulwa u hehi.

1. Petelo 2:5

Mkimubwila lekai, hata inywi mzengwe vikilo ja kimpeho, viya mu mawe ye moyo, wenye mγaluke wavikizi waṅazi weiγala ṅombe za mviko za kimpeho zemtamila Mulungu kwa mbuli ya Yesu Kilisito!

1. Yohana 3:16

Ne tihotaila Iukundisho, yuja akikiinkila ṅwenye kwa mbuli ya ishwi, vivyoho hata ishwi vyatiagiza kukiinkila kwa mbuli ya wanduγu wetu.