Waefeso 4:32 - Kishambala New Testament 2005

³² Mγendelane na uhozu na utungu na mbazi, sa Mulungu amifilevyo mbazi na Kilisito!

Waefeso 4:32 ပူးပေါင်းရင်းမြစ်များ

Mateyo 6:12

Utiushilize masa yetu, sa ishwi tivyowaushiliza weshu masa!

Maliko 11:25

Kangi mkiγoloka na kuvika ushilizanyai mbuli, ati muna masa na wenyu, kangwe ishe ywenyu mwe uko mwe lwingu yohe amiushilize muvyobana!

Luka 1:78

Tikiviona iviho, ni kwa ungi wa utungu wa Mulungu ywetu; unu ne weleka,

Luka 11:4

Utiushilize masa yetu! Hambu hata ishwi tamwushiliza kila muntu atibanilevyo. Ushetiingize mwe miγezo! Miya utivunile mwe vibada!

Luka 17:4

Ati mushi muṅwe akubanila kamfungate, kangi akikutimila kamfungate akikuti: Navoteka, vimwushilize!

Luka 6:35

Miya kundishai wankulu wenyu! Γosholai vitana, kangi kundai kukopiγwa ni waja, mushiwoalila kuti: Watazamiuziza! Ne ndivyo upokezi wenyu uγenele, ne ndivyo mγaluke wana wa yuja mwe uko ulanga, hambu ṅwenye ana mbazi na wabada washiwomtogola.

Luka 6:37

Mshelahe wenyu, kangwe mshezalahiγwa! Msheifye wenyu, kangwe mshezaifiγwa! Ushilizanyai, kangwe nezemwushiliziγwe! Inkilai, kangwe nezemwinkwe!

Ntuṅwa 28:2

Waja wantungwa we kuja wazaisiiza kutifa mbazi: Wazaasha moto, wazatihokela toshe na kwawe kwa mbuli ya fula ikigwa, na kwa mbuli ya mpeho.

Waloma 12:10

Kundishanai kinduγu kwa myoyo, mvotane kinduγu na kushimilana!

1. Wakolinto 13:4

Lukundisho luγenda haṅwe na uzizimizi na uhozu, lukundisho nkaluna wizu na mhembo, lukundisho nkaluna hiku,

2. Wakolinto 2:10

Ndiye mumwushilize masa, hata imi; kangi imi nami niushilizevyo, ati nizaviushiliza, nizaviγoshola kwa mbuli ya inywi, niiolelwe ni Kilisito,

2. Wakolinto 2:7

Vikibinda vyamiagiza lushe kumfila mbazi na kumshikiza, kangwe ashevivilwe, ukiwa ukimwisiiza.

2. Wakolinto 6:6

Tiyalonda uṅazi, viyuγo, uhozu, utana, mpeho ṅazi, lukundisho lwe kishiulongo, mbuli ye kweli, nguvu ya Mulungu;

Waefeso 5:1

Mwiγei Mulungu, sa wana wekundishiγwa ndiye!

Yakobo 5:11

Mizizimizize ya Iyobu mzaiiva, mwataila, Zumbe abontolavyo, hambu Zumbe akuza utungu na mbazi.

2. Petelo 1:7

inu nyemi ya Kimulungu ileke, mkundishane, kunu kukundishana kuleke, mkundishe wantu woshe!

1. Yohana 1:9

miya tikilaviliza uhuza wetu, ṅwenye ni mkweli na mtanda, atatiushihza uhuza, atatiṅaziza vyoshe vishivyoagiza.

1. Yohana 2:12

Namigondela inywi wana, kwa kuti mzaushiliziγwa uhuza na zina jakwe.