Waefeso 4:16 - Kishambala New Testament 2005

¹⁶ Hambu uyu ne mweleka, ṅwili woshe ukigombekeziγwa, ukitoγeshiγwa ni vinko vyoshe vyeugela nguvu, sa kila fungu iṅwe jivyoliγanyiziγwa ndima yakwe; ne ṅwili uvyokula, uvyozifiγwa kwa kukundishana.

Waefeso 4:16 ပူးပေါင်းရင်းမြစ်များ

Yohana 15:5

Imi ni mzabibu, inywi mu matambi; mweikala kwangu, nami nikiikala kwakwe, yuja aleta kuwo jingi, kwa kuti mwishina imi, nkakuna muvyodaha kuγoshola.

Waloma 12:4

Sa viya vya ṅwili vilivyo: Mwe ṅwili muṅwe tina madango mangi, miya madango yoshe nkayana ndima ṅwenga.

1. Wakolinto 10:17

Kwa kuti mgate ni muṅwe, hata ishwi wangi ti ṅwili muṅwe, hambu toshe tipangilwa uja mgate muṅwe.

1. Wakolinto 13:13

Lushe vyekalama ni kutozesha, ni kualila, ni kukundisha, ivi vitatu du; miya vyeisiiza vikulu ni kukundisha.

1. Wakolinto 8:1

Mbuli ya nyama za fika nataila kuti: Ija toshe taitaila. Kangi kutaila du kwahikula, miya lukundisho lwazifya.

Wagalatiya 5:22

Kuwo ja mpehongwa shiji: Kukundishana, kutamilana, kuivana, kuzizimiza, kulonga na ukuwi, kufilana mbazi, kutozesha,

Wagalatiya 5:6

Hambu tikianga na Kilisito, vyetinka nguvu so kushengwa, so kusheshengwa, miya ni mitozesheze yebontoka na kukundishana.

Waefeso 1:4

Hambu ngulu ngima ishizati itulwe, azatishaγula, tiγaluke wakwe, kangwe tiγaluke waṅazi weanga kishimasa, akiwaolela;

Waefeso 3:17

kangwe Kilisito aikale mwe myoyo yenyu kwa viya muvyotozesha, kwa kuti mzakundishiγwa, msheleze mazindo, mshikiziγwe ndiyo,

Waefeso 3:7

Ne niwotumikila kwa ludahile lwa nguvu yakwe, ne mbazi Mulungu anifileyo.

Waefeso 4:12

kuṅwe walishi nawafuzi, kangwe waṅazi waliγanyiγwe, wadaheγoshola ndima ya kutumikila, kangwe ṅwili wa Kilisito uzengwe mpaka toshe

Waefeso 4:15

Miya ishwi netiγambilane vye kweli kwaviya tivyokundishana, mwe mbuli zoshe timkulile yuja Kilisito, kwa kuti ni mutwi wetu!

Wafilipi 1:9

Nahembeleza inu mbuli ṅwenga, kukundishana kwenyu kuisiize kuγenela vivyoho vivyoho haṅwe na utalizi kwa viya, muvyotenda viyuγo na shoni zoshe,

Wakolose 2:19

Miya nkatozesha uja mutwi; kangi ne weleka, ṅwili woshe wegelwa nguvu wetoγeshiγwa ni nkonyoko na nyuge ukule na mikulile ya Kimulungu.

Wakolose 2:2

kangwe myoyo yawe ishangalaziγwe, igelwe nguvu na lukundisho, wamote uja uzuli woshe, muntu awona nawo akiγenyeza viyuγo, wataile icho kihili cha Mulungu na cha Kilisito.

1. Watesalonike 1:3

nkatidila kukumbuka tii ha Mulungu, Tate yweshu, ndima yenyu, muyoγoshola na kutozesha, na lulali lwenyu, muloona kuγamba: Tikundishane!, na uzizimizi wenyu, muwomwalila nawo Zumbe Yesu Kilisito he mesho ya Mulungu, Tate yweshu.

1. Watesalonike 2:13

Kwa inu mbuli nkatidila kumlaviliza Mulungu ntogolo kuti: Mzaiva mbulingwa ya Mulungu, tikiibilikila, mzaihokela, viya so mbuli ya muntu, miya ivyo kweli mbulingwa ya Mulungu mwetenda nguvu kwenyu, mkitozesha.

1. Watesalonike 3:12

Inywi, Zumbe amiγenyezeze mbazi zena mpaγatishi, mkundishane wenye na wenye, kangi mkundishe woshe watuhu, sa ishwi tivyomikundisha inywi,

2. Watesalonike 1:3

Vyatitala kumlaviliza Mulungu ntogolo mishi yoshe kwa mbuli ya inywi, wanduγu, sa vivyoagiza, kwa kuti mitozesheze yenyu yakulisha, kangi inywi nyoshe kila muntu aisiiza kumkundisha ṅwiyae.

1. Timoteyo 1:5

Bontokelo ja unu mlaγilizo ni lukundisho lweanduka mwe moyo weṅala ushiwotaila vibada wetozesha na kushehenya.

1. Petelo 1:22

Ṅazai myoyo yenyu mkiitika mbulingwa ye kweli, mkundishane na kushehenya, mwisiize kukundishana kwa moyo kila muntu na ṅwiyae!

1. Yohana 4:16

Ishwi tizataila, tizatozesha lukundisho, Mulungu alotikundisha nalo; Mulungu ni lukundisho, lushe muntu mwe lukundisho aikala na Mulungu, kangi Mulungu aikala naye.