Waefeso 4:14 - Kishambala New Testament 2005

¹⁴ Tishezaikala tumala kinkebe tikivuviγwavuviγwa, tikizungulushiγwa ni mbuli, wantu wazohinya, zikihitukila sa mpeho yekunta, hambu ni za lwufyo na za mihembo ya wantu, kangwe watiazaγanye na minyanyi.

Waefeso 4:14 ပူးပေါင်းရင်းမြစ်များ

Mateyo 24:11

Wateγanyi wangi wa ulongo watainuka, wataazaγanya wangi.

Mateyo 24:24

Hambu Wakilisito wa ulongo na wateγanyi wa ulongo watazainuka, watazaγoshola vilozo na vimaka vikulu, waazaγanye, ati vyadahikana, hata waja washaγulwewo.

Ntuṅwa 23:21

Lushe iwe ushewaitikile! Hambu kuna wantu kuzinka milongo mine wemnyatila, wazakilisha, washeje, washenywe, washizati wamkome; awa waikiteγile, waafiza du kilaγa, ndicho uwainke.

1. Wakolinto 12:2

Mwataila kuti: Ne mwi wamzimu, kuti: Ne mkibasha vinyuwa vishilongavyo, sa muvyohuniγwa na γuko.

1. Wakolinto 14:20

Wanduγu, mitongonyezeze yenyu isheγaluke ya kinkebe! Uhambanyi mufanane na wankebe, mitongonyezeze itende ija ya wantu wagima!

1. Wakolinto 3:19

Hambu viyuγo vya inu shi ni ubabashi kwa Mulungu. Hambu kuigondiγwe: Agwila wakiyuγo na unyanyi wawe, kangi vituhu vyalongwa:

2. Wakolinto 2:17

Hambu ishwi nkatifanana na wangi watuhu wechuluza na mbuli ya Mulungu, miya tivyoanduka na ukweli, tivyoanduka kwa Mulungu, ne tivyolonga na kumwalila Kilisito, titaile kuti: Mulungu atiolela.

2. Wakolinto 4:2

miya mbuli zena shoni zekafishiγwa tizazitowa hulu, nkatianga na minyanyi, nkatibana mbuli ya Mulungu, miya tikilaviliza mbuli ze kweli tabunkula wenye myoyo yetu, itailwe ni moyo wa kila muntu mweanga na Mulungu.

Wagalatiya 3:1

Inywi Wagalatiya, mu wadashi! Mdahiγwe ni uγanga ani? Muzamwonyeshiγwa Yesu Kilisito, mumwone na mesho yenyu, avyokontelwa mwe muti.

Waefeso 6:11

Tozai mata yoshe ya Kimulungu, mdahe kuikila lwufyo lwoshe lwa Satani nkani!

1. Timoteyo 3:6

Muntu abatizweye viya lushe, asheγaluke mwolezi, kangwe ashezahikuka, hambu ne ndivyo akigele masa kwa yuja ṅwenye leba.

2. Timoteyo 1:15

Wataila, kuti woshe weikala mwe shi ya Asiya wazaniasha, waja wakina Figelo na Hemogene.

2. Timoteyo 3:13

Miya wantu wabada weazaγanyg weyae wawe wataγesa mbuli yawe na habada, hambu kwa viya wavyohosa, wohe watazakihosa.

2. Timoteyo 4:3

Hambu hana, ndiho nezewashwikile mifuzize yeinka ugima; kwa viya, wavyolongela tamaa zawe, watazakilondela wafuzi wangi, sa mashikilo yawe ndivyo yatamilwe.

Waebuleyo 13:9

Msheazaγanyiγwe mkihinyiγwa mbuli nyingi ngeni! Hambu vyatamisha, moyo ukitenda nguvu kwa mbazi, so kwa miko ya nkande, hambu waja waibashizewo nkawana waonelevyo navyo.

Yakobo 1:6

Miya alombeze na kutozesha, ashekalakashe! Hambu mwekalakasha afanana na imbi ja bahali jeinulwa, jeasiγwa ni mpeho.

Yakobo 3:4

Kangi olelai, melikebu zivyokula, zivyoγesiγwa ni mpeho nkulu! Kangi zigwiziγwa ni kabala kadodo koshe, ndiko yuja mtakutoza akunde.

2. Petelo 2:18

Walonga mbuli za mahiku du zishinazo bontokelo, na uhalami na upepe na uhambanyi wawe wahosa waja waandiilewo kunyilika waja weanga na kuaγilwa,

1. Yohana 2:19

Wazalawa kwetu, miya nkawaanduka kwetu; hambu atiwaanduka kwetu, anga wazaikala na ishwi; miya kangwe wabunkuke, kuti nkawaanduka kwetu.

1. Yohana 2:26

Ivi nizamigondela kwa mbuli ya waja wekunda kumiazaγanya.

1. Yohana 4:1

Wanduγu, mshetozeshe mpeho zoshe, miya γezai mpeho, ati zianduka kwa Mulungu! Hambu kunu shi kuzalawila wabilikizi wangi wa ulongo.

Yuda 1:12

Awa ne weja haṅwe na inywi nkande za mbazi na kusheogoha, miya ni wapepe, wakilisha wenye, ni mazunde yashinayo fula, yeasiγwa ni mpeho du, ni miti ishinayo mahungo, ishivovyaia, ifileyo kaili, ibindileyo kuṅofuka.

Mfumbulo 19:20

Ne ihogwilwa ija nyama haṅwe na mubilikizi ywa ulongo, ndiye akiγoshola viya vilozo he mesho yakwe, aazaγanyevyo navyo waja wakigezilewo nyindi ja ija nyama na kuvika kinyuwa chakwe. Wake moyo, awa waili wazatambikwa na mwe ziwa ja moto uvanganewo na vibilitibiliti.