Waefeso 2:8 - Kishambala New Testament 2005

⁸ Hambu ni mbazi, kuti mwivunilwe aho mkitozesha, kangi nkavianduka kwenyu, mteviinkwa ni Mulungu vivyoho;

Waefeso 2:8 ပူးပေါင်းရင်းမြစ်များ

Mateyo 16:17

Yesu azamwitikila angwe: Simoni, ṅwana Yohana, una nyemi! Hambu vye nyama na mpome nkavikufumbwile inu mbuli, ni Tate mweikala mwe lwingu.

Mateyo 20:9

Kukiiza waja wa saa kumi na ṅwenga, wazainkwa sumuni sumu

Maliko 16:16

Mwetozesha akibatizwa atazavunilwa; ndiye ashetozeshe atazalahwa.

Luka 7:50

Azamγamba yuja mvyele: Mitozesheze yako izakuvunila; hita mpeho!

Yohana 3:36

Mwemtozesha ṅwanangwa ana nkalamo ya kale na kale; mwemupapalika ṅwanangwa nkeaone nkalamo, miya maya ya Mulungu yatamwikaila.

Yohana 4:10

Yesu azamhitula, azamuti: Ati wataila, Mulungu avyowainka wantu, ati wataila, kuti ni ndai uyu mwekuti: Ninka vya nywa!, wangamlombeza iwe, akakunka mazi ye moyo.

Yohana 5:24

Kweli namiti: Mweiva mbuli yangu na kumtozesha anitumileye, ana nkalamo ya kale na kale, nkaingila mwe masa, miya kwe kifa azakulawa, azabula kwe nkalamo.

Yohana 6:35

Yesu azawati: Imi ni nkande ya nkalamo; mweiza kwangu nkezeaone sala, mwenitozesha nkezeaone nkilu.

Yohana 6:37

Vyoshe, Tate avyoninka, vyaiza kwangu, kangi mweiza kwangu, senimubente na se.

Yohana 6:40

Hambu ivi ne Tate avyokunda: Kila mwemwona ṅwanangwa akimtozesha ainkwe nkalamo ya kale na kale, kangi imi nitamfufula mushi wa bindilizo.

Yohana 6:44

Nkakuna mwedaha kuiza kwangu, ati Tate anitumileye ashemhuna, nami nikimfukila mushi wa bindilizo.

Yohana 6:65

Azalonga: Kwa ivyoho nitamiγamba kuti: Nkakuna mwedaha kuiza kwangu, ati nkashungulwe ni Tate.

Ntuṅwa 13:39

kila mwetozesha aviushiliziγwa kwa mbuli ya uyu na kuinkwa utanda.

Ntuṅwa 14:27

Wakibula kuja wazaunganyanya bumbangwa, wazawaukwila vyoshe, Mulungu aγosholevyo nawo, avyozuγwila wamzimu luvi, wohe wadahetozesha.

Ntuṅwa 15:11

Miya tatozesha, kuti tihonyiγwa ni mbazi ya Yesu vivyoho, sa waja wohena.

Ntuṅwa 16:14

Kuna mvyele, zina jakwe ndiye Lidiya, ni mchuluzi ywa shuke ntana, aanduka mwe muzi wa Tiyatila, amwogoha Mulungu; azateγeleza, hambu Mulungu aimzuγwile moyo, atozeshe viya vyelongwa ni Paulo.

Ntuṅwa 16:31

Angwe: ndiwo: Mtozeshe Zumbe Yesu! Ne ndivyo uvunilwe lwe na chengo chako.

Waloma 10:14

Lushe wamkemele zeze, ati nkawamtozesha? Wamtozeshe zeze, ati nkawaivile mbuli yakwe? Wamwive zeze, ati nkawabilikilwa?

Waloma 10:17

Lushe kutozesha kuanduka kwe ubilikizi, kangi ubilikizi uletiγwa ni mbuli ya Kilisito.

Waloma 4:16

Kwa inu mbuli kupala kimbazi waja wetozesha, kangwe uja msuhi ubontokele wanae woshe, so waja ike wekihima mulomongwa, miya waja wohena wetongela mitozesheze ya Abulahamu; uyu ne ishe ywa ishwi toshe kwa viya vyagondwavyo kuγamba:

Waloma 4:5

kangi ashiye mndima, ati amtozesha yuja mwekanila wemubela Mulungu, Inu mitozesheze yakwe aitalilwa utanda.

Waloma 9:16

Lushe nkavina kukunda na kukihima kwa muntu, miya vina mbazi ya Mulungu.

Wagalatiya 3:14

Kwa ivyoho mṅazo wa mesho wa Abulahamu uzahita kwa wamzimu aho, Yesu Kilisito akilawila, kangwe tihokele na kutozesha uja msuhi wa mpehongwa.

Wagalatiya 3:22

miya lushe uwo ugonde uzagwiza woshe na kwe uhuza, kangwe kumtozesha Yesu Kilisito kuleke, waja wetozesha wainkwe uwo msuhi.

Waefeso 1:19

nguvu yakwe ivyokula, avyotinka ishwi tetozesha kwa viya, tivyohimilwa ni nguvu ya ufuṅwa wakwe.

Waefeso 2:10

Hambu ishwi ti ndima yakwe; Kilisito Yesu azaleka, tikiumbiγwa, kangwe tizifye ndima, Mulungu atifanyanyizezo, tiange nazo.

Waefeso 2:5

ne vilekilevyo, akitiuza moyo haṅwe na Kilisito ishwi tifilewo kwa mbuli ya mabano yetu; mzavunilwa kwa mbazi du.

Wafilipi 1:29

Mwakundiziγwa, so kumtozesha Kilisito du, miya hata kulumiziγwa kwa mbuli yakwe, mkiomanyiγwa iyo nkondo, mweneyo,

Wakolose 2:12

Aho mkibatizwa mzazikwa haṅwe naye, kangi mzafufulwa naye kwa nguvu ya kumtozesha Mulungu amwinuleye kwa wafilewo.

2. Watesalonike 1:9

Awa watazainkwa upokezi wawe, ni mubaniko wa kale na kale, hambu watazabentwa ha Zumbe na he utana wa nguvu yakwe uja mushi,

Waebuleyo 6:4

Hambu waja wabindilewo kulangazwa myoyo na kudomela viya vya kilwingu, tivyoinkwa na kupangilwa mpeho ṅazi, na kudomela mbuli ya Mulungu,

1. Petelo 1:5

mweγolokelwa na nguvu ya Mulungu, mtozeshe, mwone uja uhonya weunga kulawila mishi ya kushilikiza. Ne ndiho mulinge;