Waefeso 2:4 - Kishambala New Testament 2005

⁴ Miya Mulungu uzuli wakwe ni utungu, ne vyeleka, lukundisho lwakwe alotikundisha nalo ni lungi,

Waefeso 2:4 ပူးပေါင်းရင်းမြစ်များ

Luka 1:78

Tikiviona iviho, ni kwa ungi wa utungu wa Mulungu ywetu; unu ne weleka,

Waloma 10:12

Hambu sho nkahashaγulwa Wayuda na Wagiliki, hambu Zumbe ywa woshe ni uyu muṅwe, uyu ni mzuli kwa woshe wemkemela;

Waloma 2:4

Hambu utabela mbazi na uzizimizi na uhozu wakwe ungi? Nkutaila kuti: Uhozu wa Mulungu wakuonyesha luvotekele?

Waloma 5:8

Mulungu kikundishize chakwe ṅwenye, achotikundisha nacho, achilaviliza na aho kuti: Kilisito azafa kwa mbuli ya ishwi, tike wahuza.

Waloma 9:23

Vituhu azalaviliza ungi wa utana wakwe na viya vyumbo vya mbazi,

Waefeso 1:7

Hambu mwe mpome yakwe ne timoonela ukombozi, tidsheushiliziγwa tibanilevyo.

Waefeso 2:7

kangwe aonyeshe mishi, ndiyo ibule, uzuli wa mbazi zakwe uvyoisa kukula, akitiγendela na uhozu kwa mbuli ya Kilisito Yesu.

Waefeso 3:8

Imi ni mdodo ṅwenye kuzinka waṅazi woshe, kangi nizafilwa mbazi, nibilikile wamzimu uzuli wa Kilisito ushiwodosekana,

2. Watesalonike 2:13

Ishwi vyatiagiza kumlaviliza Mulungu ntogolo mishi yoshe kwa mbuli ya inywi wanduγu, mwekundishiγwa ni Mulungu, kuti Mulungu azamishaγula aho kale, mhonyiγwe, mṅaziγwe ni mpehongwa, mtozeshe vye kweli.

1. Timoteyo 1:14

miya mbazi ya Zumbe ywetu izaisiiza kuγenela, hata mitozesheze na mikundishize ilawileyo mwe Kilisito Yesu.

2. Timoteyo 1:9

Hambu ne atibonyizeye, ne atiitangeye na mwitango mṅazi, so kwa kuti tizazifya ndima, miya kwa kuti ṅwenye azakunda ivyoho kwa mbazi; izo mbazi sho kale ṅwenye tizaziikilwa mwe Kilisito Yesu,

1. Petelo 1:3

Atogolwe Mulungu, ishe ja Zumbe ywetu Yesu Kilisito! Hambu kwa ungi wa utungu wakwe azativyala ka mbili, titende kialilo che moyo, kwa kuti Yesu Kilisito azafufuka kwa wafilewo,