Waefeso 2:3 - Kishambala New Testament 2005

³ Hata ishwi toshe ne tikiangilana nawo tikitongela kihelehele choshe cha mili yelu, tikiγoshola vyoshe tivyokundilwa ni mili yetu na ntongonyezi zetu; kwa viya, ndivyo tilivyo, ne tii wana wemkweza maya sa waja watuhu.

Waefeso 2:3 ပူးပေါင်းရင်းမြစ်များ

Maliko 4:19

miya sungu za inu shi na lwufyo lwa mali na luzisho lutuhutuhu lwaingila lohena, lwafuwa mbulingwa, ishevyale.

Yohana 1:13

Awa nkawavyelwe ni mpome ao kwa mikundile ya kimuntu ao kwa ntongonyezi za mγoshi, miya wavyelwe ni Mulungu.

Yohana 8:44

Nini mkishetaila milongele yangu? Kwa kuti nkamdaha kuiva mbuli yangu. Inywi mwaanduka kwa ishe ywenyu, ni yuja ṅwenye leba, kangi mwakunda kuγoshola, ishe ywenyu avyoheheleziγwa ndivyo; yuja ne mkoma wantu hata kale, na viya vye kweli nkaikala navyo, kwa kuti ṅwenye vye kweli nkana navyo. Akilonga vye mambeza, alonga vyeanduka kwakwe ṅwenye, hambu ni mumambeza, ni ishe ja mambeza.

Ntuṅwa 14:16

Mishi izinkileyo azaleka, wamzimu woshe watongele sila zawe.

Waloma 1:24

Kwa inu mbuli Mulungu azawainkila, watongele kihelehele cha myoyo yawe, waγoshole usaba wa kubanilana mili wenye na wenye;

Waloma 11:30

Sa inywi: Kale ne mkimupapalika Mulungu, miya lushe mzafilwa mbazi kwa mbuli ya upapala wawe.

Waloma 13:14

miya muvutei Zumbe Yesu Kilisito! Pikilai mili yenyu, komo ishetende tamaa!

Waloma 2:14

hambu ati wamzimu nkawataila mulomongwa, kangi waγoshola milaγihzo yakwe, awa hata nkawana mulomongwa, wenye wakiγalukiia mulomongwa,

Waloma 5:10

Hambu timtemekelwe Mulungu ni kufa kwa ṅwanae, tike wankulu wakwe, lushe ivyo tatemekelwavyo, titahoufyiγwa ni nkalamo yakwe.

Waloma 5:9

He ivi lushe, tiinkiγweho utanda kwa mpome yakwe nkatitavunilwa ndiye masa ya mayangwa?

Waloma 6:12

Lushe uhuza ushezaγuwa uzumbe mwe mili yenyu yeunga kubanika, mkiitika kihelehele chakwe, kangi mshezaleka,

Waloma 7:18

Hambu nataila, kuti uko ndai kwangu, ni kuγamba mwe ṅwili wangu nkakuikala mbuli ntana; ati ni kukunda, nina nako, miya ati ni kuγoshola viya vitana, lushe sina nako.

Waloma 9:22

Kweli Mulungu azakunda kuonyesha maya, azakunda kulaviliza nguvu zakwe, kangi azavizizimiziza na uzizimizi ungi vyumbo vya maya viikiγwevyo, vibanike.

1. Wakolinto 4:7

Hambu u mwombozi ywa ndai? Una mbwai ushiinkiγwevyo? Ati uzaviinkwa, nini ukihikuka viya nkuteviinkwa? Mwiiγute? Mwiγenyeze?

2. Wakolinto 7:1

Weyangu niwokundisha! Kwa kuti tiiikilwe misuhi yeinga aha, netikihoze kwa mbuli zoshe zigezilezo mili yetu na mpeho zetu kisitama, kangwe tibontoleze kukiṅaza kwa viya tivyomwogoha Mulungu!

Wagalatiya 3:22

miya lushe uwo ugonde uzagwiza woshe na kwe uhuza, kangwe kumtozesha Yesu Kilisito kuleke, waja wetozesha wainkwe uwo msuhi.

Waefeso 2:2

mwangilewo nawo kwa misimo ya inu shi na kwa nguvu ya yuja mwena ufuṅwa kunu shi, ni ija mpeho yehimila nguvu yakwe mpaka inu mishi kwa wanangwa wepapalika.

Waefeso 4:22

Kwa viya mwangilevyo kale, mwashei muntu ywa, kale mwekihosa na kutongela tamaa za lwufyo!

Wakolose 1:21

Hata inywi kale ne mwi waγeni naye, kangi ne mwi wankulu wakwe, kwa mifanyanyize yenyu mzaanga na mbuli mbada.

1. Watesalonike 4:13

Miya nkatikunda, wanduγu, mkishetaila mbuli ya waja wehita kwa sisila, kangwe mshejiγwe ni lusoyoyo, sa waja watuhu washinawo kialilo.

1. Watesalonike 5:6

lushe tishesisile sa waja watuhu, tigone mesho, tizile vyetengeza!

1. Timoteyo 6:9

Miya wekunda kuγenyeza mali wagwilwa ni mγezo na mteγo na tamaa nyingi zishinazo bontokelo, zehosa zikigwiza wantu na kubada, wakobanikila.

Tito 3:3

Hambu hata ishwi aho kale ne tii wababashi na wapapala, ne tikiazaγanyiγwa, ne tikitumikila kihelehele na uhalami ungi, ne tii wabada na wawizu, ne tikishukwa, kangi ne tikishukana wenye na wenye.

1. Petelo 1:14

Sa wana weitika msheange na luja luzisho lwenyu lwa aho kale, ndiho mkiikala tumala!

2. Petelo 2:14

Mesho yawe yaimemile utesi, nkawadila kubana, wahosa waja washiwotozesha vyedi, myoyo yawe iitaile mizungu yoshe ya kuonela mali, ni wanangwa wa kilano.

2. Petelo 2:18

Walonga mbuli za mahiku du zishinazo bontokelo, na uhalami na upepe na uhambanyi wawe wahosa waja waandiilewo kunyilika waja weanga na kuaγilwa,

1. Yohana 2:16

hambu vyoshe vye mwe inu shi, uhalami wa mili, uhalami wa mesho, mahiku muntu ayoanga nayo, nkavianduka kwa Tate, vianduka mwe inu shi.

1. Yohana 2:8

Kangi namigondela mulaγilizo muhya, kweli yuja ana nawo, miya hata inywi, kuγamba: Lwiza lwaomboka, langaila je kweli jizaandiila kuaka.