Waefeso 2:14 - Kishambala New Testament 2005

¹⁴ Uyu ni mwivano wetu, hambu yaja mabumba maili azayaγalusha iṅwe akichakula luja lukindo, ndilo lwiwatanyize akiusha nkulu yawe,

Waefeso 2:14 ပူးပေါင်းရင်းမြစ်များ

Luka 1:79

tikilawilwa ni langaila jeanduka uko ulanga, jimulikile waja weikala mwe lwiza na mwe kizuli cha kifa, jigwize milundi yetu sila ya utondolo.

Luka 2:14

Utana ni wa Mulungu mwe lwingu, mwe shi utondolo kwa wantu wemtamila!

Yohana 10:16

Kangi nina ngoto ntuhu zishizo za iji dewa, zoshe shuti nizilete, ziive kanwa changu, ziγaluke ifyo iṅwe, mulishi muṅwe.

Yohana 11:52

kangi so kwa mbuli ya mbalingwa du, miya hata kwa mbuli ya wana Mulungu waasakanyiγwewo wohena awaunganyanye hantu haṅwe.

Yohana 16:33

Izi mbuli nizazimiγambila, kangwe mwonele mwangu mpolele. Mwe inu shi munaukiwa, miyatoγwai nimyoyo! Hambu nizaivota inu shi.

Ntuṅwa 10:28

azawati: Inywi mwataila kuti: Muntu ywa Kiyuda ana ṅwiko wa kuangilana na kuingila mwa muntu ywa mbali ntuhu, miya imi Mulungu azanionyesha, nishezaγamba: Muntu ana kisitama ao ṅwiko!

Ntuṅwa 10:36

Mbuli yakwe azaituma kwa wana Isilayeli, akiwabilikila mpolele ionekeyo mwe Yesu Kilisito, uyu ni Zumbe ywa vyoshe.

Waloma 5:1

Kwa kuti tiinkiγwe utanda kwa mitozesheze yetu, ne tizaivanyiγwa na Mulungu ni Zumbe Yesu Kilisito;

Wagalatiya 3:28

Nkakuna Muyuda na Mgiliki, nkakuna mtuṅwa na ṅwana vyale, nkakuna mγoshi na mvyele, hambu nyoshe mu muṅwe, kwa kuti muna Kilisito Yesu.

Waefeso 2:15

hambu na ṅwili wakwe azausha nguvu ya ija milomo yeγenyeza vitigo na miko, kangwe waja waili awaγalushe muntu muṅwe muhya akiwaivanya.

Waefeso 2:17

Kangi akilawila azamibilikila mwivano wedi inywi, ndiwo mwi hale, sa amibilikilevyo mwivano wedi waja, ndiwo wai hehi.

Waefeso 3:15

ati ni kunu shi, akiitangwa late,

Waefeso 4:16

Hambu uyu ne mweleka, ṅwili woshe ukigombekeziγwa, ukitoγeshiγwa ni vinko vyoshe vyeugela nguvu, sa kila fungu iṅwe jivyoliγanyiziγwa ndima yakwe; ne ṅwili uvyokula, uvyozifiγwa kwa kukundishana.

Wakolose 1:20

vyoshe vikombolwe ndiye, viuye na kwakwe, hambu na mponie yakwe iitikeyo he muti azavitundwaza, ati ni viya vye kunu shi, ati ni viya vye mwe lwingu.

Wakolose 2:20

Ati mzafa haṅwe na Kilisito mkitowa hulu viya, inu shi ivyotoγeshiγwa navyo, nini mkikunda kugelwa miko vituhu, viya mkeanga na inu shi?

Wakolose 3:11

Ne nkahana aho Mgiliki na Muyuda, kushengwa na kusheshengwa, mubabashi na Msikita, mtuṅwa na ṅwana vyale, miya vyoshe mwe mbuli zoshe ni Kilisito.

Wakolose 3:15

Mpolele ya Kilisito ifanyanyize myoyo yenyu! Hambu ne mwitangilweyo na uja ṅwili muṅwe, mγaluke wantu welavya ntogolo.

Waebuleyo 13:20

Zumbe ywetu Yesu Kilisito, yuja mulishi mkulu ywa ngoto, Mulungu ṅwenye utondolo azamlavya ha wafilewo kwa nguvu ya mpome ya kilaγa chekalama.

Waebuleyo 7:2

Abulahamu azamupangila fungu ja kumi ja mitahe yoshe. Bosi aitangwa zumbe mwe utanda, vikibinda aitangwa zumbe ywa Salemu, ni kuγamba: Zumbe mwe utondolo;