Waefeso 1:7 - Kishambala New Testament 2005

⁷ Hambu mwe mpome yakwe ne timoonela ukombozi, tidsheushiliziγwa tibanilevyo.

Waefeso 1:7 ပူးပေါင်းရင်းမြစ်များ

Mateyo 20:28

Sa muvyomwona ṅwanangwa ywa muntu: Nkakundile kutumikilwa, miya azakunda kutumikila, akiinkile ṅwenye, akombole wantu wangi.

Mateyo 26:28

Nywai nyosheni mumol Hambu inu ni mpome yangu ya kilaγa kihya yeitilwa kwa mbuli ya wantu wangi, ya kuushiliza masa.

Mateyo 6:12

Utiushilize masa yetu, sa ishwi tivyowaushiliza weshu masa!

Maliko 14:24

Azawati: Inu ni mpome yangu ya kilaγa kihya yeitilwa kwa mbuli ya wantu wangi.

Luka 1:77

ulamlongwela Zumbe na kumlulila sila yakwe; nezeuleke, wantu wa mbali yakwe wataile kuti: Uvunizi wawe uanduka mwe kuushiliziγwa uhuza wawe.

Luka 24:47

kuunga mwe zina jakwe mbali zoshe zibilikilwe, wahitule ntongonyezi zawe, kangwe masa yawe yadaheushiγwa; inu ndima iandiilwe Yelusalemu!

Yohana 20:23

Ndiwo muwaushilize uhuza, ne wazauushiliziγwa; ndiwo mshewauushilize, ne nkawauushiliziγwa.

Ntuṅwa 10:43

Uyu wateγanyi woshe wamlongela uwona kuti: Kila ndiye nezeamtozeshe, ataushiliziγwa uhuza kwa mbuli ya zina jakwe.

Ntuṅwa 2:38

Petelo azawati: Hitulai ntongonyezi zenyu! Kila ṅwenyu abatizwe mwe zina ja Yesu Kilisito, masa yenyu yaushiγwe, mdaheinkwa Mpeho mṅazi kwa mbazi du!

Ntuṅwa 20:28

Kiγolokelei wenye na ifyo gima, Mpeho mṅazi amigimbikilejo waolezi, mulishe bumbangwa ja Mulungu, amotilejo na mpome yakwe ṅwenye!

Ntuṅwa 3:19

Lushe hitulai ntongonyezi zenyu, kangi hitukai, uhuza wenyu uushiγwe, kangwe mishi idahekinta, wantu wahohemela he cheni cha Zumbe!

Waloma 2:4

Hambu utabela mbazi na uzizimizi na uhozu wakwe ungi? Nkutaila kuti: Uhozu wa Mulungu wakuonyesha luvotekele?

Waloma 3:24

wainkwa utanda bule du ni mbazi zakwe, kwa kuti Kilisito Yesu azabinda kulavya makombo.

Waloma 3:25

Mulungu azamwika uyu, mpome yakwe iγalukile hozezo waja wetozesha, aonyeshe, utanda wakwe ulivyo, akishetala mbuli zibanikezo mishi ija, Mulungu akezizimiza kubana kwa wantu,

Waloma 9:23

Vituhu azalaviliza ungi wa utana wakwe na viya vyumbo vya mbazi,

1. Wakolinto 1:30

Kwakwe ne mkoanduka nako hata inywi mwena Kilisito Yesu. Uyu ne viyuγo vyetu vya Kimulungu na utanda na uṅazi na ukombozi, kangwe vigondiγwevyo vibontoke kuti:

2. Wakolinto 8:9

Hambu mwataila izo mbazi zionekezo kwa Zumbe ywenyu Yesu Kilisito: Uyu ne al mzuli, miya azamiγalukila mkiwa, kangwe inywi mγaluke wazuli kwa nguvu ya ukiwa wakwe.

Waefeso 1:14

uyu ni mulimbulo wa chiya kifu, titaile kuti: Tiikombolwe, ti wakwe, kangwe nezetitogole utana wakwe.

Waefeso 1:18

Kangi aṅaze mesho ya myoyo yenyu, kangwe mtaile, mwitango wakwe tiwoalila ulivyo, utana wa kifu uvyokula, aikilacho waṅazi, mtaile,

Waefeso 1:6

kangwe nezetitongele mbazi zakwe ntana, atifilezo kwa uyu ṅwanae, ayemkundisha.

Waefeso 1:8

Izi mbazi zakwe zizatilawila hata ishwi nyingi, zizatinka viyuγo vyoshe na lutwi lwoshe,

Waefeso 2:4

Miya Mulungu uzuli wakwe ni utungu, ne vyeleka, lukundisho lwakwe alotikundisha nalo ni lungi,

Waefeso 2:7

kangwe aonyeshe mishi, ndiyo ibule, uzuli wa mbazi zakwe uvyoisa kukula, akitiγendela na uhozu kwa mbuli ya Kilisito Yesu.

Waefeso 3:16

amife mbazi kwa uzuli wa ulana wakwe, kangwe muntu ywenyu ywa ndai atende nguvu, atintimazwe ni mpeho yakwe,

Waefeso 3:8

Imi ni mdodo ṅwenye kuzinka waṅazi woshe, kangi nizafilwa mbazi, nibilikile wamzimu uzuli wa Kilisito ushiwodosekana,

Wafilipi 4:19

Mulungu ywangu amiγenyezeze vyoshe vyemiagiza kwa uzuli wakwe weanduka mwe utana wa Kilisito Yesu!

Wakolose 1:14

Mwe uyu ne timoonela ukombozi, ne timoushiliziγwa mahuza.

Wakolose 1:27

Hambu ne Mulungu akundilewo kuwaonyesha, utana uvyokula wa chiya kihili, akundilecho kuγoshola kwa wamzimu; chizabontoka, Kilisito akiingila mwenyu, uyu ne utana wealilwa.

Wakolose 2:13

Inywi ne mwifile kwa mbuli ya kubana, mili yenyu ne iishishengiγwe ivyoho, miya yuja azamiuza moyo haṅwe naye, azamifa mbazi na masa yoshe.

Wakolose 2:2

kangwe myoyo yawe ishangalaziγwe, igelwe nguvu na lukundisho, wamote uja uzuli woshe, muntu awona nawo akiγenyeza viyuγo, wataile icho kihili cha Mulungu na cha Kilisito.

1. Timoteyo 2:6

ndiye akikiinkila, akombole woshe; ne uwona wekabilikilwa, mishi ihokatimiziza.

Tito 2:14

uyu azakiinkila kwa mbuli ya ishwi, atikombole mwe upuna woshe ushiwoagiza, akihozeze mbali yakwe ṅwenye yekihima ndima utana.

Tito 3:6

inu azaitigisa na kuitiitilila akititumila mhonya ywetu Yesu Kilisito, kangwe tiγaluke watanda kwa mbazi za uyu,

Waebuleyo 9:22

Kangi kwa uwo mulomongwa vyoshe vye kisitama vyahoziγwa na mpome; hashihoitilwa mpome, uhuza nkauhaushiγwa.

1. Petelo 2:24

Mahuza yetu azayakweza ṅwenye na ṅwili wakwe mwe muti, kangwe ishwi kwa viya tivyokombolwa tiikaile utanda; uyu vilonda vyakwe ne honelo jenyu.

1. Petelo 3:18

Hambu Kilisito yohena azalumiziγwa kaṅwe kwa mbuli ya uhuza wetu, mtanda kwa mbuli ya wahuza, kangwe atiiγale kwa Mulungu; azakoṅwa kiṅwili, miya azafufuka kimpeho.

1. Yohana 2:12

Namigondela inywi wana, kwa kuti mzaushiliziγwa uhuza na zina jakwe.

1. Yohana 2:2

Uyu ni mpoza ya uhuza wetu, kangi so ya wetu du, hata ya uja wa ngulu ngima.

1. Yohana 4:10

Shulu lukundisho lwakwe, so kwa kuγamba: Ishwi tizamkundisha Mulungu, miya yuja azatikundisha ishwi, ahoze uhuza wetu.

Mfumbulo 14:4

Awa ni waja washikandanyiγwewo ni mwangilano na wavyele; ni wabweni; awa ne wemtongela yuja ṅwangoto, ndiko ahite nako; awa wazakombolwa kwa wantu, ni mulimbulo wemtala Mulungu na yuja ṅwangoto.

Mfumbulo 5:9

Wazaimba imbo hya angwe: Iwe waagiziγwa ni kuγuwa kitabungwa na kushungula magongezo yakwe! Hambu waakoṅwa, waamkombwela Mulungu na mpome yako wantu wa makolwa yoshe na wa vilosi vyoshe na wa mbali zoshe na wa wamzimu woshe, uzaleka,