Waefeso 1:4 - Kishambala New Testament 2005

⁴ Hambu ngulu ngima ishizati itulwe, azatishaγula, tiγaluke wakwe, kangwe tiγaluke waṅazi weanga kishimasa, akiwaolela;

Waefeso 1:4 ပူးပေါင်းရင်းမြစ်များ

Mateyo 24:22

Ati mishi ija nkaidwishiγwa, anga nkakuna muntu mwehona; miya kwa mbuli ya waja washaγulwewo ija mishi yadwishiγwa.

Mateyo 24:24

Hambu Wakilisito wa ulongo na wateγanyi wa ulongo watazainuka, watazaγoshola vilozo na vimaka vikulu, waazaγanye, ati vyadahikana, hata waja washaγulwewo.

Mateyo 24:31

Ne atatuma walau wakwe, waitozize magunda makulu, waunganyanye waja washaγulwewo ndiye wakiwalavya kwe nyazu zoshe, mpeho ihokalawa, kuandiila lwingu lukoandiila mpaka kuja lukohelela.

Mateyo 25:34

Vikibinda Zumbe atalonga waja we kulume kwakwe kuγamba: Izai, inywi waṅazi wa Tate, mupale uzumbe mwikilwewo inywi aho, shi ikiumbiγwa!

Yohana 10:16

Kangi nina ngoto ntuhu zishizo za iji dewa, zoshe shuti nizilete, ziive kanwa changu, ziγaluke ifyo iṅwe, mulishi muṅwe.

Yohana 15:16

Si nywiyo munishaγulewo, ni miyo nimishaγulewo, nizamiika, muhite, mulavye kuwo jingi, kuwo jenyu jiikale, kangwe ndivyo mumlombeze Tate mwe zina jangu, aviminke.

Yohana 17:24

Tate, nakunda, waja uninkilewo, wohe waikale haṅwe na imi haja, niliho, kangwe waone utana wangu, uninkilewo, hambu uzanikundisha, ngulu ngima ishizati itulwe.

Ntuṅwa 13:48

Wamzimu wakiviiva, wazatamilwa, wazatogola mbuli ya Zumbe; kuzatozesha woshe waikilwewo nkalamo ya kale na kale.

Ntuṅwa 15:18

Ne avyolonga Zumbe alekileye, ivi vikitailikana aho kale hoshe.

Ntuṅwa 18:10

Hambu imi ni haṅwe na iwe, nkakuna ndiye akutimile akikuγoshwela vihada, kwa kuti mbali yangu mwe unu muzi ni nkulu.

Waloma 8:33

Ndiye afyalime wazangiγwewo ni Mulungu, ni ndai? Mulungu ne mwewakanila.

1. Wakolinto 1:8

Uyu ne mwekamigela nguvu mpaka kwe bindilizo, mulawile mushingwa wa Zumbe ywetu Yesu Kilisito kishimasa.

Wagalatiya 5:13

Hambu inywi, wanduγu, mwaitangilwa, mγaluke wanavyale, komo kuja kuγaluka wana vyale mshekugwize na kwe kihelehele cha mili yenyu, miya mtumikilane na kukundishana!

Wagalatiya 5:22

Kuwo ja mpehongwa shiji: Kukundishana, kutamilana, kuivana, kuzizimiza, kulonga na ukuwi, kufilana mbazi, kutozesha,

Wagalatiya 5:6

Hambu tikianga na Kilisito, vyetinka nguvu so kushengwa, so kusheshengwa, miya ni mitozesheze yebontoka na kukundishana.

Waefeso 2:10

Hambu ishwi ti ndima yakwe; Kilisito Yesu azaleka, tikiumbiγwa, kangwe tizifye ndima, Mulungu atifanyanyizezo, tiange nazo.

Waefeso 3:17

kangwe Kilisito aikale mwe myoyo yenyu kwa viya muvyotozesha, kwa kuti mzakundishiγwa, msheleze mazindo, mshikiziγwe ndiyo,

Waefeso 4:2

mγenyeze ukuwi na uhozu na uzizimizi, mzizimizizanye na kukundishana, mkihime kutozesha,

Waefeso 5:2

Angai na kukundishana! Hambu hata Kilisito azamikundisha,

Waefeso 5:27

Ne akundilevyo kukiliγanyiza ṅwenye bumba jetogolwa kuti: Nkajina danko ao nkunyankunya ao vyefanana na ivi, kuti: Ni bumba ṅazi kishimasa.

Wafilipi 2:15

kangwe mwange sa wana Mulungu wa kweli kishimasa na kishishundwe, kwa kuti mwikala gati kwe mbali ya wantu wabada weifya myangile.

Wakolose 1:22

Miya ivi lushe azabinda kumikombola, na ṅwili wakwe wa kimuntu aho akifa, kangwe aleke, mγaluke waṅazi washinawo danko, washinawo masa, hata ṅwenye akimiolela.

Wakolose 2:2

kangwe myoyo yawe ishangalaziγwe, igelwe nguvu na lukundisho, wamote uja uzuli woshe, muntu awona nawo akiγenyeza viyuγo, wataile icho kihili cha Mulungu na cha Kilisito.

Wakolose 3:12

Inywi waṅazi, mshaγulwewo ni Mulungu, mwekundishiγwa ndiye, tendai utungu wena mbazi, ukuwi,

1. Watesalonike 3:12

Inywi, Zumbe amiγenyezeze mbazi zena mpaγatishi, mkundishane wenye na wenye, kangi mkundishe woshe watuhu, sa ishwi tivyomikundisha inywi,

1. Watesalonike 4:7

Hambu Mulungu nkatatiitangila ukandanyi, miya atiitangila uṅazi.

2. Timoteyo 1:9

Hambu ne atibonyizeye, ne atiitangeye na mwitango mṅazi, so kwa kuti tizazifya ndima, miya kwa kuti ṅwenye azakunda ivyoho kwa mbazi; izo mbazi sho kale ṅwenye tizaziikilwa mwe Kilisito Yesu,

2. Timoteyo 2:10

Ne nihozizimiza vyoshe kwa mbuli ya waja washaγulwewo, kangwe nezewaonele wohena uja uhonya we mwe Kilisito Yesu na utana wa kale na kale.

2. Timoteyo 2:19

Miya shikizi, Mulungu aikilejo, jiitoγile vivyoho, lwitangilo lwakwe shulu: Zumbe ataila wantu wakwe; kangi: Kila mwelanga zina ja Zumbe atowe ubada woshe hulu!

Yakobo 2:5

Teγelezai, wanduγu wangu, niwokundisha! Waja wakiwa kunu shi Mulungu nkawazangile, waγaluke wazuli na kutozesha kwawe, kangi wapale uzumbe, awokunda kuinka waja wemkundisha? Miya inywi mzamubela mkiwa.

1. Petelo 1:2

Kwa viya, Mulungu Tate avyomitaila kale, azamiṅaza na mpeho yakwe, mdaheitika, kangi mumyaγilwe mpome ya Yesu Kilisito. Mbazi na mpolele ziisiize kuγenela kwenyu!

1. Petelo 1:20

Kweli aivifanyanyiziγwe viya, ngulu ngima ishizati iumbiγwe, miya alawile mishi inu ya nyuma kwa mbuli ya inywi.

1. Petelo 2:9

Miya inywi mu chengo chishaγulwecho, mu wavikizi wa kizumbe, mu bumba ṅazi, mu mbalingwa yena ṅwenye, kangwe muhilikile viya vitana vya yuja, ndiye akimiitanga, mulawe mwe lwiza, mwingile mwe langaila jakwe jemasha.

2. Petelo 3:14

Lushe wanduγu, ati mwaalila ivyoho, kihimei, kangwe nezemumumanyikile, kuti mwaanga kishiuhuza na kishimasa, kuti muna utondolo!

1. Yohana 4:16

Ishwi tizataila, tizatozesha lukundisho, Mulungu alotikundisha nalo; Mulungu ni lukundisho, lushe muntu mwe lukundisho aikala na Mulungu, kangi Mulungu aikala naye.

Mfumbulo 13:8

Ndiwo waivike, ni woshe weikala mwe inu shi washigondiγwewo aho, shi ikiumbiγwa, mazina yawe mwe kitabu cha nkalamo cha yuja ṅwangoto akomiγweye.

Mfumbulo 17:8

Ija nyama, ueneyo, ndiyo ii haha, nkaiho, miya inga ikwele ikilawa uko kuzimu, ihite kwa banika. Uko nezewashentuke weikala uko shi, washigondiγwewo mazina yawe aho, shi ikiumbiγwa, wakizaona iyo nyama, ndiyo ii haho, kuti nkaiho, kuti nezeilawile.