Waefeso 1:18 - Kishambala New Testament 2005

¹⁸ Kangi aṅaze mesho ya myoyo yenyu, kangwe mtaile, mwitango wakwe tiwoalila ulivyo, utana wa kifu uvyokula, aikilacho waṅazi, mtaile,

Waefeso 1:18 ပူးပေါင်းရင်းမြစ်များ

Mateyo 13:15

Hambu myoyo ya inu mbali ni mibada, mashikilo yawe yana ntoγo za kuiva, mesho yawe waiyasisize, kangwe washezaona na mesho yawe, kangwe washezaiva na mashikilo yawe, washezataila mwe myoyo yawe wakihituka na kwangu, nikiwahonya.

Maliko 10:17

Akilawa kuja, akibula silai, kuna mwemγulukila, azamgintila mazwi, azamwuza: Mfuzi mtana, nitende zeze, kangwe nezenipale nkalamo ya kale na kale?

Luka 24:45

Haja ne awafumbwileho mitailile ya kutaila ugondengwa,

Ntuṅwa 16:14

Kuna mvyele, zina jakwe ndiye Lidiya, ni mchuluzi ywa shuke ntana, aanduka mwe muzi wa Tiyatila, amwogoha Mulungu; azateγeleza, hambu Mulungu aimzuγwile moyo, atozeshe viya vyelongwa ni Paulo.

Ntuṅwa 26:18

uwaγubwile mesho, walawe kwe lwiza, wahituke na kwe langaila, walawe kwe ufuṅwa wa Satani, wahituke na kwa Mulungu, waushiliziγwe mahuza yawe, wohe wapangilwe kifu cha waṅazi, wakinitozesha.

Waloma 11:29

hambu Mulungu nkadaha kuihilwa ni mbazi, afilezo wantu akiwaitanga.

Waloma 2:4

Hambu utabela mbazi na uzizimizi na uhozu wakwe ungi? Nkutaila kuti: Uhozu wa Mulungu wakuonyesha luvotekele?

2. Wakolinto 4:4

hambu Mulungu ywa inu shi azachusha myoyo ya waja washiwotozesha, kangwe washemuhilikilwe ni langaila jelawa kwe uja ulau wedi wa Kilisito mwefahana na Mulungu.

2. Wakolinto 4:6

Hambu Mulungu alongileye: Hena lwiza hapwinkuke langaila!, ne apwinkuleye myoyo yetu, kangwe timulikile waja washiwotaila utana wa Mulungu ulawilewo kwa Kilisito.

Wagalatiya 5:5

Miya ishwi kwa nguvu ya mpehongwa taafiza na kutozesha uwo utanda, tiwoalila.

Waefeso 1:11

Kwa mbuli ya uyu tapangilwa kifu hata ishwi chifanyanyiγwecho kale kwa viya, aikilevyo uko kale, hambu vyoshe avihontoleza, sa avyokunda ṅwenye.

Waefeso 1:7

Hambu mwe mpome yakwe ne timoonela ukombozi, tidsheushiliziγwa tibanilevyo.

Waefeso 2:12

Kumbukai: Mishi ija ne mwishina Kilisito, ne mkilemeziγwa kuγaluka wenyezi kwa Waisilayeli, ne mwi waγeni na vilaγa wainkiγwevyo, ne mwishina kialilo, ne mwishina Mulungu mwe inu shi!

Waefeso 3:16

amife mbazi kwa uzuli wa ulana wakwe, kangwe muntu ywenyu ywa ndai atende nguvu, atintimazwe ni mpeho yakwe,

Waefeso 3:8

Imi ni mdodo ṅwenye kuzinka waṅazi woshe, kangi nizafilwa mbazi, nibilikile wamzimu uzuli wa Kilisito ushiwodosekana,

Waefeso 4:1

Imi nishungiγweye kwa mbuli ya Zumbe namihimila, mtende myangile yeivana na uja mwitango, mwitangwewo nawo,

Waefeso 4:4

Nwilingwa ni muṅwe, mpehongwa id ṅwenga, kangi kialilo muchoitangilwa ni chicho kiṅwe.

Waefeso 5:8

Angai vivyoagiza wana wa langaila!

Wafilipi 3:14

viya nitaγulukila tuvo, kangwe niinkwe chiya kitumulo cha uja mwitango ulawilewo kwa Mulungu na kwa Kilisito Yesu.

Wakolose 1:12

kwa kuti azamiliγanya, mdahepangilwa kifu cha waṅazi che mwe langaila!

Wakolose 1:23

Ntoγo mwikale na kutozesha sa wantu wena shikizi jetoγa, msheushiγwe he kialilo cha ulaungwa, mwivilewo, webilikilwa kwa woshe we moyo kunu shi, niwotumikila imi Paulo.

Wakolose 1:27

Hambu ne Mulungu akundilewo kuwaonyesha, utana uvyokula wa chiya kihili, akundilecho kuγoshola kwa wamzimu; chizabontoka, Kilisito akiingila mwenyu, uyu ne utana wealilwa.

Wakolose 1:5

Hambu mwatozesha kialilo cha viya, muvyoikilwa mwe lwingu; mzaiva kale mkibilikilwa mbulingwa ye kweli, muyona nayo mishi inu.

Wakolose 2:2

kangwe myoyo yawe ishangalaziγwe, igelwe nguvu na lukundisho, wamote uja uzuli woshe, muntu awona nawo akiγenyeza viyuγo, wataile icho kihili cha Mulungu na cha Kilisito.

Wakolose 3:15

Mpolele ya Kilisito ifanyanyize myoyo yenyu! Hambu ne mwitangilweyo na uja ṅwili muṅwe, mγaluke wantu welavya ntogolo.

1. Watesalonike 2:12

tizamishunda, tizamihembeleza, tizamiγambila uwona, kangwe mtende myangile yeivana na Mulungu mwemiitangila uzumbe na utana wakwe.

1. Watesalonike 5:8

Ishwi wa mushi tizile vyetengeza tiitozize mata ya kutozesha na ya kukundishana, tiizwikile nkofiya ya nkondo, ni kialilo cha uvunizi.

2. Watesalonike 1:11

Kwa inu mbuli tamihembelezeza mishi yoshe, kangwe Mulungu ywetu aleke, myangile yenyu iivane na mwitango, niwisiize kutamilwa ni vitana vyoshe, mγoshole ndima zoshe zeanduka mwe kutozesha kwe nguvu,

2. Watesalonike 2:16

Miya Zumbe Yesu Kilisito ṅwenye na Mulungu, Tate yweshu, mwetikundisha, mwetinka kwa mbazi du mhembulizo wa kale na kale na kialilo kitana,

1. Timoteyo 6:12

Gomba iyo nkondo ntana ya kutozesha! Gwila sila ya nkalamo ya kale na kale! Hambu ne uitangilweyo, kangi uzaijiila malape matana, waona wangi wai haho.

Tito 2:13

tiafize kialilo chetu cha nyemi, chibontoke, kukizalawila utana wa Mulungu ywetu mkulu na wa mhouya ywetu Kilisito Yesu;

Tito 3:7

vikibinda tiγaluke wapazi wa nkalamo ya kale na kale, sa tivyoalila. Inu mbuli ni ya kweli.

Waebuleyo 10:32

Fukilai mishi izinkileyo! Aho mkianda kulangazishiγwa mzazizimiza nkondo nyingi za kulumiziγwa.

Waebuleyo 6:4

Hambu waja wabindilewo kulangazwa myoyo na kudomela viya vya kilwingu, tivyoinkwa na kupangilwa mpeho ṅazi, na kudomela mbuli ya Mulungu,

1. Petelo 1:3

Atogolwe Mulungu, ishe ja Zumbe ywetu Yesu Kilisito! Hambu kwa ungi wa utungu wakwe azativyala ka mbili, titende kialilo che moyo, kwa kuti Yesu Kilisito azafufuka kwa wafilewo,

1. Petelo 3:9

Vibada msheviuzize vibada! Lukanko msheluuzize na lukanko! Miya ṅazai mesho, kwa kuti mzaitangwa, mupale mṅazo wa mesho!

1. Petelo 5:10

Mulungu rawena mbazi zoshe, ndiye akimiitangila utanawakwe wekalama, we mwe Kilisito, ṅwenye neamizifye, mkilumila hadodo, neamigeele, neaminke nguvu, neamishikize!