Waebuleyo 9:9 - Kishambala New Testament 2005

⁹ Ijo ne jii fanyanyi ya mishi inu ya ivi lushe; umo ndai Mulungu ne akiiγailwa matulongwa na ṅombe za mviko zishizodaha kumunka yuja mwezilavya moyo weivana na Mulungu.

Waebuleyo 9:9 ပူးပေါင်းရင်းမြစ်များ

Waloma 5:14

Miya hata vivyo, vikiandiila kwa Adamu, vikihita kwa Mose, kifa chiitozize uzumbe hata kwa waja washibanilewo wakizinka mulomongwa, sa Adamu abanavyo; uyu ne fanyanyi ya yuja, ndiye akiunga kuiza.

Wagalatiya 3:21

Lushe mulomongwa nkauivana na misuhi ya Mulungu? Sivyo! Hambu ati kuzalawa mulomo wedahainka nkalamo, anga utanda uanduka kweli mwe mulomongwa;

Waebuleyo 10:11

Kila mvikizi aγoloka mushi kwa mushi akibinda mviko, kangi ṅombe za mviko, azoiγala kangi muno, ni zizo zishizodaha hata kuusha uhuza.

Waebuleyo 11:19

miya azatongonyeza, kuti Mulungu hata kwa wafilewo adaha kumwinulila mbeleko. Kwa ivyoho azamwuziziγwa aho akimwinkila.

Waebuleyo 5:1

Hambu kila mvikizi mkulu mweγwiγwa kwa wantu agimbikwa kwa mbuli ya wantu, awabindile viya vya Mulungu, ahoze uhuza wawe na kumwiγaila Mulungu ṅombe za mviko, wantu wazolavya.

Waebuleyo 7:11

Ati ndimangwa izadaha kubontoleziγwa ni uvikizi wa wana Lewi — kangi ija mishi yawe mbalingwa izainkwa milomongwa — anga vyalongwa vyai: Shuti kulawile mvikizi mtuhu, sa ndivyo Melikisedeki ailivyo? Vyangashelongwa: Sa ndivyo Aloni ailivyo?

Waebuleyo 8:4

Ati a kunu shi, anga so mvikizi, kwa kuti kunu kuna weiγala matulongwa, sa wavyolaγiliziγwa.

Waebuleyo 9:24

Kangi Kilisito nkaingile haṅazi haγosholweho na mikono, hefanana du na haja ha kweli, miya aingile mwe lwingu ṅwenye, kangwe ivi lushe alawile cheni cha Mulungu kwa mbuli ya ishwi.

1. Petelo 3:21

Aya mazi yafanana, viya ni mazi ya ubatizi, yatihonya mishi inu, tikibatizwa nayo, so kwa kuγamba: Yausha nongo ya ṅwili, miya ni aho tikidaha kumlanga Mulungu na moyo ukombolwewo vitana kwa mbuli ya ufufuki wa Yesu Kilisito.