Waebuleyo 8:5 - Kishambala New Testament 2005

⁵ Awa watumikila viya vyefanana, viya ni kizuli cha viya vye mwe lwingu, sa Mose alaγilizevyo akiunga kuγoshola hemangwa; hambu azaγangwa: Olelesha, uγoshole vyoshe, sa ija fanyanyi ilivyo, ndiyo ukionyeshiγwa mwe mulima!

Waebuleyo 8:5 ပူးပေါင်းရင်းမြစ်များ

Mateyo 2:12

Wazalaγiliziγwa mwe sozi, washeuye kwa Helode, ne wahoγotoka na sila ntuhu mwe shi yawe.

Ntuṅwa 7:44

Hemangwa ja uwona watate zeshu ne waina najo uko nyika, sa viyaho yuja mtakulonga amlaγilizevyo Mose, ajiγoshole, ija fanyanyi aeneyo ilivyo.

Wakolose 2:17

Hambu ichi ni kizuli du cha viya, ndivyo vikiunga kulawila, miya ṅwili ṅwenye ni wa Kilisito.

Waebuleyo 10:1

Mulomongwa ufanana, viya ni kizuli cha viya vitana, ndivyo vilawile, kangi viya ṅwenyeṅwenye siwo, utafanana du navyo; ṅombe za mviko, wazokaiγala kila vuli, ni zizo kale na kale, kangi nkazidaha kuzifya waja weiza nazo.

Waebuleyo 11:7

Nowa kwa mitozesheze yakwe azaγambilwa mbuli zishizatizo zilawile, azaitika, azazenga kibweta, ahonye we nyumbai mwakwe; ne agezilevyo inu shi masa, miya ṅwenye azaγalkua mupazi ywa uja utanda weanduka mwe kutozesha.

Waebuleyo 12:25

Oleleshai, kangwe mshezamshwika yuja mwelonga! Hambu wajawakishedaha kumnyilika, ndiwo wakimshwika kunu shi, akiwalonga, lushe ishwi titadaha vivihi tikimtowa hulu, akitilonga ai mwe lwingu?

Waebuleyo 13:10

Tina okelo ja ṅombe za mviko jena ṅwiko kujiilwa ni waja weγoshola ndima mwe hemangwa.

Waebuleyo 9:9

Ijo ne jii fanyanyi ya mishi inu ya ivi lushe; umo ndai Mulungu ne akiiγailwa matulongwa na ṅombe za mviko zishizodaha kumunka yuja mwezilavya moyo weivana na Mulungu.

Mfumbulo 15:5

Vikibinda nizaona kuti: Vikilo ja hema ja uwona uko kwe lwingu jizazuγulwa,