Waebuleyo 7:26 - Kishambala New Testament 2005

²⁶ Hambu mvikizi mkulu mwetiagiza ni yuja ashiye mhuza, ashiye mubada, ashiye mumasa, ashiyeangilana na wahuza, mwekula kuzinka lwingu,

Waebuleyo 7:26 ပူးပေါင်းရင်းမြစ်များ

Mateyo 27:18

Hambu aitaile, kuti wazamwinkila kwa wizu.

Maliko 16:19

Zumbe Yesu akibinda kuwalonga ivyoho azainulwa na mwe lwingu, azaikala kulume kwa Mulungu. Miya waja wazalawa, wazabilikila koshe koshe;

Luka 1:35

Hambu sitaila mγoshi? Yuja mlau azamlandula angwe: Mpeho mṅazi atakuizila, nguvu ya yuja mwe uko ulanga itakuγubika, viya ni zunde; kwa ivyoho yuja, ndiye avyalwe ni weyo, ataitangwa mṅazi, kangi ṅwana Mulungu.

Luka 23:22

Azawalonga ka ntatu: Uyu abanilei? Siene, kuti azaγoshola vyeagiza, akikoṅwa; nenimtowe, nimshungule!

Luka 23:41

Kangi ishwi watitala, hambu titahokela vyeagiza viya, tiγosholevyo, miya uyu nkana abanilevyo.

Luka 23:47

Yuja mγolokezi ywa washilikali akiona viya vibontokevyo, azamtogola Mulungu angwe: Kweli uyu muntu ne ai mtanda.

Luka 24:26

Viya vyoshe nkavimtazile Kilisito, avilumiziγwe adaheingila mwe utana wakwe?

Luka 24:46

azawati: Ivyoho ne vigondiγwevyo, kangi ivyoho vizamtala Kilisito kulumiziγwa na kufufuka mushi wa ntatu kwa wafilewo,

Yohana 14:30

Senilonge na inywi mbuli nyingi, hambu zumbe ywa inu shi aiza, kangi nkana nguvu na imi,

Yohana 8:29

Yuja anitumileye a haṅwe na imi, nkaniashize ike, hambu mishi yoshe naγoshola vyemtamila.

Ntuṅwa 3:14

Miya inywi muzamhetela leba yuja mṅazi na mtanda, mzahembeleza, mwinkwe mkoma wantu.

Ntuṅwa 4:27

Hambu wazaunganana kweli mwe unu muzi kwa mbuli ya ṅwanawo mṅazi Yesu, ugimbikeye; Helode na Pontiyo Pilato, wamzimu na wa mbali ya Isilayeli wazaivana,

2. Wakolinto 5:21

Ashitailaye uhuza azamγalusha mhuza kwa mbuli ya ishwi, kangwe ishwi tiγalushiγwe ndiye watanda wa Kimulungu.

Waebuleyo 1:3

Uyu atilangazishiza utana wakwe, kangi a vivyoho, sa ṅwenye alivyo, vituhu vyoshe avitoγesha na mbuli yakwe ye nguvu, akibinda kutihozeza mabano azahita kwa ikala kulume kwa ṅwenye nguvu uko ulanga.

Waebuleyo 12:2

timwolele Yesu, kuti ne mweandiila, kangi mwebontola viya, tivyotozesha! Uyu azaasha nyemi, aliγanyiziγweyo, azakunda kukoṅwa mwe muti, kangi nkaene shoni navyo, akibontola, azahita kwa ikala kulume kwe kiti cha Mulungu.

Waebuleyo 2:10

Ni kwa mbuli ya uyu, kuti vyoshe vi haha, kangi ivi vyoshe vizaumbiγwa ndiye; uyu azaiγala wangi kwe utana, viya ni wanangwa; miya kwa kuti ni mulongezi ywa uhonya wawe, vizanamtala, abontole ndimangwa na kulumiziγwa.

Waebuleyo 2:17

Kwa inu mbuli vizamtala kulanana na wanduγu wakwe mwe mbuli zoshe, kangwe awaγalukile mvikizi mkulu kwa Mulungu mwena utungu mwekoolela, adahehoza uhuza wa wantu.

Waebuleyo 3:1

Kwa ivyoho, wanduγu waṅazi, mweitangwa haṅwe na imi na mwitango wa kilwingu, mtongonyezei Yesu, kuti ni ntuṅwa na mvikizi mkulu, tiyemtogola!

Waebuleyo 7:11

Ati ndimangwa izadaha kubontoleziγwa ni uvikizi wa wana Lewi — kangi ija mishi yawe mbalingwa izainkwa milomongwa — anga vyalongwa vyai: Shuti kulawile mvikizi mtuhu, sa ndivyo Melikisedeki ailivyo? Vyangashelongwa: Sa ndivyo Aloni ailivyo?

Waebuleyo 8:1

Miya mbuli yekula kuzinka ziya, tilongilezo, ni inu kuti: Tina mvikizi mkulu ahitileye kwa ikala kulume kwe kitingwa cha ukulu uko kwe lwingu,

Waebuleyo 9:14

lushe mpome ya Kilisito isheisiize kuhoza myoyo yelu? Hambu ne yeleka, titowe hulu izo mbuli zekoma, timtumikile Mulungu mwe moyo.

1. Petelo 1:19

miya mkombolwe na mpome yena kima, ni ya Kilisito, kwa viya avyo ṅwangolongwa ishiyo masa, ishiyo kilema.

1. Petelo 2:22

Ṅwenye nkaγoshole uhuza, mambeza du nkayaoneke mwe kanwa chakwe;

1. Petelo 3:22

Hambu uyu ahitilevyo mwe lwingu kulume kwa Mulungu, aitikwa ni walan na ufuṅwa na nguvu zoshe.

1. Yohana 2:2

Uyu ni mpoza ya uhuza wetu, kangi so ya wetu du, hata ya uja wa ngulu ngima.

1. Yohana 3:5

Kangi mwataila, kuti yuja azalawila, kangwe aushe uhuza, ṅwenye uhuza nkana nawo.

Mfumbulo 3:7

Mlau ywa bumbangwa ja Filadelifiya umgondele kuγamba: Ne avyolonga yuja mṅazi, yuja mkweli mweloza funguwo ya Dawidi, mwezuγula, kangi nkakuna ndiye azuγale, mwezuγala, kangi nkakuna ndiye azuγule: