Waebuleyo 4:2 - Kishambala New Testament 2005

² Hambu hata ishwi tizabilikilwa sa waja; miya waja iyo mbuli, waivileyo, nkaiwahonyize, hambu waja waivilewo nkawaitozeshe.

Waebuleyo 4:2 ပူးပေါင်းရင်းမြစ်များ

Ntuṅwa 13:46

Miya Paulo na Balinaba wazabilikila na nyemi, wakiγamba: Bosi vizaagiza inywi, mkibilikilwa mbuli ya Mulungu; miya kwa viya muvyoibenta na kukifanyanyiza wenye, kuti nkamwagiziγwa ni nkalamo ya kale na kale, kwa ivyoho tahituka na kwa wamzimu.

Ntuṅwa 3:26

Bosi ni nywiyo, Mulungu afufwilewo ṅwanae, azamtuma, amiṅaze mesho, kangwe kila muntu ahiluke, akileka mbuli zakwe mbada.

Waloma 2:25

Kushengwa kwatama, ati waγoshola mulomongwa, miya ati wazinkana na mulomongwa, kushengwa kutakuγalukila viya nkushengiγwe.

Waloma 3:3

Hambu muγambai? Ati kuṅwe nkawatozesha, lushe kuja kushetozesha kwawe kuushe kutozesha kwa Mulungu?

1. Wakolinto 13:3

Ati napangila wakiwa vyoshe, nivyona navyo, hata nikiinkila ṅwili wangu ṅwenye, uokwe, miya ati nashowa lukundisho, sina nivyomota.

Wagalatiya 3:2

Inu mbuli ṅwenga nakunda, mwiniγambile: Mpehongwa mwihokele, kwa kuti mzaγoshola mulomongwa, hambu kwa kuti mzatozesha mwivilevyo? Lushe mtendile zeze ubabashi?

Wagalatiya 3:8

Ugondengwa iṅviene kale kuti: Mulungu ainka wamzimu utanda kwa mitozesheze yawe, ne vilekilevyo, akimγambila Abulahamu kale unu ulau wedi wa kuγamba: Mwako zitazaṅazwa mesho mbali zoshe.

Wagalatiya 4:13

Nkamuniγoshwele mbuli mbada. Mwataila kuti: Kuja kuvoka nizamibilikila na unyonge wa ṅwili, kangi ne nikiγezwa ni viya vya ṅwili wangu,

1. Watesalonike 1:5

hambu kwenyu ulau wetu nkaufile kulongwa du, miya uzatenda nguvu ukiminka mpeho ṅazi, mkialila vikulu na kushekalakasha hata; kangi mwataila, tiangilevyo kwenyu kwa mbuli ya inywi.

1. Watesalonike 2:13

Kwa inu mbuli nkatidila kumlaviliza Mulungu ntogolo kuti: Mzaiva mbulingwa ya Mulungu, tikiibilikila, mzaihokela, viya so mbuli ya muntu, miya ivyo kweli mbulingwa ya Mulungu mwetenda nguvu kwenyu, mkitozesha.

1. Timoteyo 4:8

Hambu kuja kuzweza ṅwili kwazifya mbuli ngeke du, miya kumtumikila Mulungu kwazifya mbuli zoshe; kangi kuna msuhi wa nkalamo ya ivi lushe na wa ija yealilwa.

Waebuleyo 11:6

Miya nkavidahikana kumtamila Mulungu na kushetozesha; hambu mwemwizila Mulungu, shuti atozeshe kuti: A haho, kuti: Waja wemlonda awainka upokezi wawe.

Waebuleyo 3:12

Wakashetaingila kwe hemelo jangu! Wanduγu, olelai, kwenyu kusheoneke muntu mwena moyo mubada ushiwotozesha, weuka kwa Mulungu mwe moyo!

Waebuleyo 4:6

ivyoho vyamanyika kuti: Hana ndiwo nezewajiingile; miya waja waandiilewo kubilikilwa nkewajiingile kwa mbuli ya kushetozesha kwawe.

Yakobo 1:21

Kwa ivyoho ushai kwenyu vyoshe vye shoni na ubada woshe weγenela kwenyu! Hokelai na uhozu mbulingwa ihandiγweyo kwenyu! Hambu ne yedaha kuhonya myoyo yenyu.

1. Petelo 1:12

Waja waitaile, kuti nkawakiγoshwele wenye ndima na izo mbuli, miya waitiγoshwele ishwi; hambu lushe hata inywi mzabilikilwa izi mbuli ni waja wamibilikilewo kwa mpeho ṅazi yeanduka mwe lwingu. Ivi hata walau wana futofuto ya kuviolela.