Waebuleyo 3:5 - Kishambala New Testament 2005

⁵ Kweli Mose azakoolela na chengo chakwe choshe, kuti ni mupuna; ne avyolonga uwona wa viya, ndivyo vilongwe.

Waebuleyo 3:5 ပူးပေါင်းရင်းမြစ်များ

Mateyo 24:45

Ni ndai mweγaluka mupuna mkweli mwena viyuγo, baba yakwe akimgimbika mγolokezi ywa nyumba yakwe, ainke wabwanga wakwe nkande, zihokateγana naho?

Mateyo 25:21

Baba yakwe azamuti: U mupuna mtana mkoolezi, uzaγolokela viya viγeke, nenikugimbike, uγolokele vingi. Ingila kwe nyemi ya baba yako!

Luka 12:42

Angwe ni Zumbe: Mγolokezi mkweli mwena viyuγo, baba yakwe akimgimbika mγolokezi ywa wandima wakwe, awainke nkande, zihokateγana naho ni yuhi?

Luka 24:27

Azaandusha kwa Mose na kwa wateγanyingwa wosheni kuwafumbwila mbuli zoshe, agondelwezo mwe baluwangwa zoshe.

Luka 24:44

Azawati: Izi ne ziya mbuli, nimilongilezo nike kwenyu kuti: Shuti zibontoke mbuli zoshe zigondiγwezo za imi mwe mulomongwa wa Mose na mwe baluwa za wateγanyingwa na mwe mazumongwa.

Yohana 5:39

Londezai mwe vitabungwa! Hambu inywi wenye mwafanyanya, kuti nkalamo muna nayo muja, kangi viya ne vyenilongela uwona.

Ntuṅwa 28:23

Wakibinda kulaγana naye mushi, wangi wazaiza na kwakwe akofikila, waja azawalaviliza mbuli ya uzumbe wa Mulungu na kuulongela uwona, azaγeza kuwavota kwa mbuli ya Yesu na kuwafumbwila mbuli za mulomongwa na za wateγanyi, kuandiila makelo mpaka ushwelo.

Ntuṅwa 7:37

Uyu Mose ne alongileye wana Isilayeli kuti: Mulungu nezeamifufwile mwe wanduγu wenyu mubilikizi mweinga sa imi.

Waloma 3:21

Miya lushe hashiho mulomongwa, utanda wa Kimulungu uzalawila, kangi walongwa uwona ni mulomongwa haṅwe na wateγanyingwa.

1. Wakolinto 4:2

Kangi kwa waγolokezi nkakulondiγwa mbuli ntuhu, komo muntu amanyike, kuti ni mkoolezi.

1. Timoteyo 1:12

Namlaviliza Zumbe ywetu Kilisito Yesu ntogolo, hambu azaninka nguvu, azanifanyanya kuti: Ni mkoolezi, ne ahonigimbika, nimγoshwele ndima,

Waebuleyo 1:1

Wahaba zetu Mulungu azawalonga kale kangi muno na milongele mingi ya vyanwa vya wateγanyi.

Waebuleyo 3:2

Azamkoolela yuja amteγileye sa viyaho vya Mose na chengo chakwe choshe.

Waebuleyo 3:4

Hambu kila nyumba izengwa ni muntu, miya mweteγa vyoshe ni Mulungu.

Waebuleyo 8:5

Awa watumikila viya vyefanana, viya ni kizuli cha viya vye mwe lwingu, sa Mose alaγilizevyo akiunga kuγoshola hemangwa; hambu azaγangwa: Olelesha, uγoshole vyoshe, sa ija fanyanyi ilivyo, ndiyo ukionyeshiγwa mwe mulima!

Waebuleyo 9:24

Kangi Kilisito nkaingile haṅazi haγosholweho na mikono, hefanana du na haja ha kweli, miya aingile mwe lwingu ṅwenye, kangwe ivi lushe alawile cheni cha Mulungu kwa mbuli ya ishwi.

Mfumbulo 15:3

Waimba imbo ja Mose, ndiye ai mtuṅwa ywa Mulungu, na imbo ja yuja ṅwangoto angwe: Zumbe Mulungu, wena nguvu zoshe, miγoshwele yako ni mikulu, yamasha, sila zako ni za utanda na za kweli, iwe Zumbe ywa wamzimu.