Waebuleyo 3:12 - Kishambala New Testament 2005

¹² Wakashetaingila kwe hemelo jangu! Wanduγu, olelai, kwenyu kusheoneke muntu mwena moyo mubada ushiwotozesha, weuka kwa Mulungu mwe moyo!

Waebuleyo 3:12 ပူးပေါင်းရင်းမြစ်များ

Mateyo 16:16

Simoni Petelo azahitula angwe: Iwe u Kilisito, ṅwana Mulungu mwe moyo.

Mateyo 24:4

Yesu azawahitula, azawati: Oleleshai, muntu ashezamiazaγanya!

Maliko 13:23

Miya inywi kiolelei! Shivyo, nizavimiγambila vyoshe, vishizati vikinte.

Maliko 13:33

Kiolelei, mgone mesho na kuvika! Hambu nkamtaila, mishi ndiho nezeitimize.

Maliko 13:9

Kiolelei inywi wenye! Hambu watazamiinkila kwa wafuṅwa, mulutwe mwe mavikilo, mulaviliziγwe kwa watoza shi na kwa wazumbe wakulu kwa mbuli ya imi, viwaγalukile uwona.

Luka 21:8

Azawati: Oleleshai, mshezaazaγanyiγwa! Hambu wantu wangi watazalawila mwe zina jangu wakiγamba: Imi ndiye; vituhu wataγamba: Mishi izatimiza; miya mshewatongele!

Waloma 11:21

Hambu Mulungu akishelimbika yaja matambi ya cha mumo, hata iwe nkeakulimbike!

1. Wakolinto 10:12

Kwa inu mbuli mweγamba: Naγoloka, aoleleshe, ashezakina!

Wakolose 2:8

Olelai, kusheoneke mwemitaha na mbuli za utalizi na za ushimolezi wa wantu zena lwufyo lwa bule du! Hambu ni za kiinushi, so za Kikilisito.

1. Watesalonike 1:9

Hambu wenye watamwilana, mutihokelevyo, muhitukevyo kwa Mulungu, mwashizevyo vinyuwa vya kuvika, kangwe mumtumikile Mulungu mwe moyo na mwe kweli,

Waebuleyo 10:31

Vyagwiza woγa kukina mwe mikono ya Mulungu mwe moyo!

Waebuleyo 10:38

Kangi mtanda atazatenda nkalamo na kutozesha kwakwe, miya muntu akiuya na nyuma, moyo wangu nkautamilwa ndiye.

Waebuleyo 12:15

Oleleshai kusheoneke kwenyu ashiyebwila mbazi ya Mulungu kwa kuzuzulika! Kusheoneke mwefanana na nkolo ya muti wekavyala vye ushungu, akizamionya lulali, wangi wakigisiγwa vibada ndiye!

Waebuleyo 12:22

Miya mzabula he mulima wa Siyoni, he muzi wa Mulungu mwe moyo, ni uja wa Yelusalemu wa kilwingu,

Waebuleyo 12:25

Oleleshai, kangwe mshezamshwika yuja mwelonga! Hambu wajawakishedaha kumnyilika, ndiwo wakimshwika kunu shi, akiwalonga, lushe ishwi titadaha vivihi tikimtowa hulu, akitilonga ai mwe lwingu?

Waebuleyo 3:1

Kwa ivyoho, wanduγu waṅazi, mweitangwa haṅwe na imi na mwitango wa kilwingu, mtongonyezei Yesu, kuti ni ntuṅwa na mvikizi mkulu, tiyemtogola!

Waebuleyo 3:10

Ne vilekilevyo, iyo mbali ikikanikweza maya, nikiγamba: Kale na kale waazaγanyiγwa ni myoyo yawe, washetaile, sila zangu.

Waebuleyo 3:19

Kangi taona, kuti nkawadahile kuingila kwa mbuli ya kushetozesha kwawe.

Waebuleyo 9:14

lushe mpome ya Kilisito isheisiize kuhoza myoyo yelu? Hambu ne yeleka, titowe hulu izo mbuli zekoma, timtumikile Mulungu mwe moyo.