Waebuleyo 2:11 - Kishambala New Testament 2005

¹¹ Hambu yuja mweṅaza na waja weṅazwa waanduka kwa muṅwe, ne vyeleka, yuja akisheona shoni kuwaitanga wanduγu,

Waebuleyo 2:11 ပူးပေါင်းရင်းမြစ်များ

Mateyo 25:40

Zumbe atawahitwila, atawati: Kweli namiti: Awa wanduγu wangu wadodo, vyoshe mumγoshwelevyo ṅwiyae ywawe muṅwe, mzaviniγoshwela imi.

Mateyo 28:10

Ne Yesu ahowati: Msheogohe! Hitai, muvibilikile wanduγu wangu, kangwe wahite Galileya! Ne ndiko wamone.

Maliko 3:34

Akibinda azawaolela waja waikalewo na kumdenganila, azaγamba: Shawa wamlala na wenetu!

Maliko 8:38

Hambu ndiye atendwe ni shoni na imi ao du na mbuli zangu kuzilonga mwe inu mbali ye kilanga na uhuza, hata ṅwanangwa ywa muntu atazatendwa ni shoni naye akizaiza haṅwe na walau waṅazi na utana wa ishe.

Luka 9:26

Hambu ndiye atendwe ni shoni na imi ao du na mbuli zangu, uyu ṅwanangwa ywa muntu atazatendwa ni shoni naye akizaiza na utana wakwe na wa ishe na wa walau waṅazi.

Yohana 17:19

Kwa mbuli yawe nakiṅaza ṅwenye, kangwe waikale, waiṅaziγwe ni viya vye kweli.

Yohana 17:21

kangwe woshe waγaluke muṅwe, sa iwe Tate uvyoikala na imi, nami nivyoikala na iwe, kangwe wohe waikale na ishwi, kangwe inu shi itozeshe, kuti uzanituma!

Yohana 20:17

Yesu amuti: Ushenidowe! Hambu sizati nikwele kwa Tate. Miya hita kwa wanduγu wangu, uwaγambile kuti: Nakwela kwa Tate na kwa ishe ywenyu, kwa Mulungu ywangu na kwa Mulungu ywenyu!

Ntuṅwa 17:26

Azaleka, mwa muntu muṅwe mulawe mbali zoshe za wantu, zigise kuikala shi zoshe kunu shi, azawafanyanyiza aho kale mishi yawe, ndiyo waje, na mihaka ya maikailo yawe,

Ntuṅwa 17:28

Hambu mwe uyu ne timo moyo, ne timovuviγwa, ne tilimo, sa wenyu kuṅwe watuzilevyo maimbo wakiγamba: Ti mbah yakwe.

Waloma 8:29

Hambu ndiwo akiwataila kale, ne azangilewo kale, wafanane na shula ya pwanae, kangwe ṅwenye aγalukile wanduγuze wangi ṅwana ywa nteluka.

Wagalatiya 4:4

miya mishi ikitimiza, Mulungu azamtuma ṅwanae, akivyalwa ni mvyele, akiitika mulomongwa,

Waebuleyo 10:10

Kwa kikundile ichi tizabinda kuṅazwa kamkaṅwe, aho ṅwili wa Kilisito Yesu ukiinkilwa.

Waebuleyo 10:14

Hambu na ija ṅombe yakwe ṅwenga ya mviko azabinda kuzifya kale na kale weṅaziγwa.

Waebuleyo 11:16

Miya aho wana nkwiṅa na kaya chetama kuzinka chiya, ni kaya cha kilwingu; nevyeleka, Mulungu akisheona shoni nawo akiitangwa Mulungu ywawe; hambu azawaliγanyiza muzi.

Waebuleyo 13:12

Kwa ivyoho hata Yesu azalumiziγwa he nkili cha se, kangwe ahoze mbalingwa na mpome yakwe ṅwenye.

Waebuleyo 2:14

Kwa kuti awa wana woshe wana mili ye mpome na nyama, yohena azaγuwa ṅwili we ivyoho, kangwe na kufa kwakwe amubushe yuja mwena nguvu ya kifa, ni Satani,

Waebuleyo 3:1

Kwa ivyoho, wanduγu waṅazi, mweitangwa haṅwe na imi na mwitango wa kilwingu, mtongonyezei Yesu, kuti ni ntuṅwa na mvikizi mkulu, tiyemtogola!