Waebuleyo 10:1 - Kishambala New Testament 2005

¹ Mulomongwa ufanana, viya ni kizuli cha viya vitana, ndivyo vilawile, kangi viya ṅwenyeṅwenye siwo, utafanana du navyo; ṅombe za mviko, wazokaiγala kila vuli, ni zizo kale na kale, kangi nkazidaha kuzifya waja weiza nazo.

Waebuleyo 10:1 ပူးပေါင်းရင်းမြစ်များ

Waloma 8:3

Viya mulomongwa ushidahilevyo kubontola kwa mbuli ya unyonge wa ṅwili wa kimuntu, Mulungu azavibontola akimtuma ṅwanae ṅwenye mwe shula ya ṅwili wa kihuza kwa mbuli ya uhuza, ne avyo, laha uhuza kunu shi,

Wakolose 2:17

Hambu ichi ni kizuli du cha viya, ndivyo vikiunga kulawila, miya ṅwili ṅwenye ni wa Kilisito.

Waebuleyo 10:22

Netimtimile na myoyo ye kweli, yeisiiza kutozesha, ihoziγweyo na mpomengwa, kuti nkaitaila mbuli mbada vituhu, kangi mili iihakiγwe na mazi yeengemala.

Waebuleyo 7:11

Ati ndimangwa izadaha kubontoleziγwa ni uvikizi wa wana Lewi — kangi ija mishi yawe mbalingwa izainkwa milomongwa — anga vyalongwa vyai: Shuti kulawile mvikizi mtuhu, sa ndivyo Melikisedeki ailivyo? Vyangashelongwa: Sa ndivyo Aloni ailivyo?

Waebuleyo 8:5

Awa watumikila viya vyefanana, viya ni kizuli cha viya vye mwe lwingu, sa Mose alaγilizevyo akiunga kuγoshola hemangwa; hambu azaγangwa: Olelesha, uγoshole vyoshe, sa ija fanyanyi ilivyo, ndiyo ukionyeshiγwa mwe mulima!

Waebuleyo 9:11

Miya Kilisito azaiza, aγaluke mvikizi ywa viya vitana, ndivyo vilawile, azaingila mwe hema jishiγosholwejo na mikono ya wantu, jekula, kangi jetamisha kuzinka jiya, kwa kuti nkajianduka kunu shi.

Waebuleyo 9:23

Ivyoho vyefanana na viya vya kilwingu shuti vihoziγwe ivyoho; miya viya vya kilwingu ṅwenye shuti vihoziγwe na mpoza zezinka, zena nguvu kuzinka ziya.

Waebuleyo 9:25

Vikibinda nkatekiinkila kangi, sa yuja mvikizi mkulu avyokaingila haṅazi kila vuli na mpome ishiyo yakwe; anga vizamtala kulumizwa kangi muno,