Tito 2:10 - Kishambala New Testament 2005

¹⁰ washelandule na nkani, washehakiγwila vyaugwa, miya wamanyike, kuti waγolokela viya vyangwa vitana, kangwe mwe mbuli zoshe wagimbike mbulingwa ya mhonya ywetu Mulungu, wafuziγweyo.

Tito 2:10 ပူးပေါင်းရင်းမြစ်များ

Mateyo 24:45

Ni ndai mweγaluka mupuna mkweli mwena viyuγo, baba yakwe akimgimbika mγolokezi ywa nyumba yakwe, ainke wabwanga wakwe nkande, zihokateγana naho?

Mateyo 5:16

Vivyoho lekai, hata langaila jenyu jimulikile wantu, waone ndima zenyu ntana, wakamtogole ishe ywenyu mweikala mwe lwingu!

Luka 1:47

kuti ni mkulu, mpeho zangu zamtowela Mulungu, mhonya ywangu, zumo.

Luka 1:80

Kaja kazana kazakula, kazatenda nguvu ya kimpeho, kazaikala mwe nyika mpaka uja mushi, kakizalawila Waisilayeli.

Luka 16:10

Mwena utanda na viya viγeke, haia viya vingi ana utanda navyo; kangi mwena uhuza na viya viγeke, hata viya vingi ana uhuza navyo.

Yohana 12:6

Nkalongile ivyoho, kuti atapikila wakiwa, miya ni mubavi, aitozize mfuko wa senti, aiinule wavyokainkwa.

1. Wakolinto 4:2

Kangi kwa waγolokezi nkakulondiγwa mbuli ntuhu, komo muntu amanyike, kuti ni mkoolezi.

Waefeso 4:1

Imi nishungiγweye kwa mbuli ya Zumbe namihimila, mtende myangile yeivana na uja mwitango, mwitangwewo nawo,

Wafilipi 1:27

Ntoγo mtende myangile yeivana na ulau wedi wa Kilisito, kangwe ati nazaiza, nimione, ati ni kunu hale, nimiive kuti: Mwaγolokelana na mpeho ṅwenga, kuti: Mwaambizanya nkondo na moyo muṅwe kwa mbuli ya kutozesha ulaungwa wedi.

Wafilipi 4:8

Vikibinda, wanduγu, tongonyezai viya vya kweli, viya vya tae, viya vya utanda, viya vya uṅazi, viya vye mulile, vyetama kulongwa, vyezifya mbuli, vyeagiza kutogolwa!

1. Timoteyo 1:1

Imi Paulo nigimbikweye ntuṅwa ya Kilisito Yesu kwa mlaγilizo wa mhonya ywetu Mulungu na Kilisito Yesu mwe kialilo chetu,

1. Timoteyo 5:17

Waγolokezi weγolokela vyedi bumbangwa wagimbikwe kaili, kuisiiza waja wena ndima ya ubilikizi na ya ufuzi!

1. Timoteyo 6:1

Watuṅwa weγoshoziγwa ndima za upuna washimile wabaha zawe, sa vivyoagiza, kangwe zina ja Mulungu na mbuli tizofuziγwa zishefyulilwe.

1. Timoteyo 6:3

Ati muntu ahinya mbuli ntuhu ntuhu, ati ashetozesha mbuli za Zumbe ywetu Yesu Kilisito zetinka ugima na ija mifuzize yeagiza waja wemwitika Mulungu,

Tito 1:3

miya mishi ikitimiza, azalaviliza mbuli yakwe mwe uja ulau, nigimbikilwewo mubilikizi kwa mulomo wa Mulungu mwetihonya.

Tito 3:4

Ne uhozu na ukuwi wa mhonya ywetu Mulungu utilawileho,

1. Petelo 2:12

Tendai myangile mitana kwa wamzimu, kangwe waja wemishinga kuti: Mu wahambanyi, waone na mesho yawe ndima zenyu ntana, kangwe nezewamtogole Mulungu mushi uja, ahozalawila.

1. Petelo 3:16

Msheikale na myoyo mibada! Hambu na viya muvyoshingwa kuti: Mu wahambanyi, watazabunkuka waja wemieza, kwa kuti mwatenda myangile mitana ya Kikilisito.

2. Yohana 1:9

Kila mwezisa, ashiyeanga sa viya, Kilisito ahinyizevyo, uyu Mulungu nkana naye; miya mweanga sa viya, Kilisito ahinyizevyo, uyu Tate ana naye, hata Ṅwanae.