20 Mishi kuṅwe azaikala na wahina kuja Damasiko; haho azabilikila mwe mavikilo mbuli ya Yesu kuti: Uyu ni ṅwanangwa ywa Mulungu.
Ne akimtozesha Mulungu, neamvunile lushe, ati amkunda! Hambu aakalonga kuti: Imi ni ṅwana Mulungu.
Mγolokezi ywa washilikali na waja, awona nawo, wakimγoja Yesu, wakiona uja mdidimo na viya vituhu vionekevyo, wazaingiiwa ni woγa ukulu, wazaγamba: Kweli uyu ne al ṅwana Mulungu.
Ne mtakuγeza ahomwizila angwe: Ati u ṅwana Mulungu, longa, aya mawe yaγaluke nkande!
Angwe ni Natanayeli: Mkulu, iwe u ṅwana Mulungu, iwe u Zumbe ywa Isilayeli!
Wayuda wazamlandula: Ishwi tina kitigo chetu, kwa ichi kitigo shuti akoṅwe, hambu azakiγalusha ṅwana Mulungu.
Toma azahitula angwe: Zumbe ywangu na Mulungu ywangu!
Izi zigondiγwe, kangwe mtozeshe kuti: Yesu ni Kilisito, ṅwana Mulungu, kangwe kuja kutozesha kwenyu mwonele nako nkalamo ye mwe zina jakwe.
Waja wazalawa Pelige, wazabula Antiyokiya mwe shi ya Pisidiya, wazaingila vikiloi mushi wa sabato, wazaikala.
Mulungu azachibontwela wana wenyu aho akimfufula Yesu, sa vigondiγwevyo mwe zumo ja mbili kuγamba: Iwe u ṅwanangu, imi nizakuvyala lelo.
Miya Paulo na Balinaba wazabilikila na nyemi, wakiγamba: Bosi vizaagiza inywi, mkibilikilwa mbuli ya Mulungu; miya kwa viya muvyoibenta na kukifanyanyiza wenye, kuti nkamwagiziγwa ni nkalamo ya kale na kale, kwa ivyoho tahituka na kwa wamzimu.
wakibula Salami wazabilikila mbuli ya Mulungu mwe mavikilo ya Wayuda; yuja Yohana wana naye, awaγoshwela ndima.
Kuja Ikoniyo wantu wakiunganana mwe vikilo ja Wayuda, wazawahilikila sa viyaho, humba kulu ja Wayuda na ja Wagiliki jizatozesha.
Mushi wa sabato tizalawa nkilii, tizahita mtoi, ne tifanyanyeho, kuti wantu wavika haho; tizaikala, tizalonga na wavyele waungananewo.
Waja wanduγu wazawalohola Paulo na Sila na chiya kilo, wahite Beloya; wakikubula wazaingila mwe vikilo ja Wayuda.
Vikiloi azashimwelana na Wayuda na watuhu wemwogoha Mulungu, hata kwe γulilo azawabilikila kila mushi, awokintana nawo.
Sa Paulo avyozwela, azawabasha na muino, sabato ntatu azashimwelana nawo mbuli za ugondengwa.
Wakibula Efeso, azawaasha kuja, azaingila ṅwenye du vikiloi, atamwilane na Wayuda.
Azahilikila vikiloi kila mushi wa sabato, azavota Wayuda na Wagiliki.
Vikibinda aakaingila vikiloi, akibilikila muja myezi mitatu, akitamwilana na wantu na kuwashunda na mbuli ya uzumbe wa Mulungu.
Wakihita sila du, wazabula he mazi, ne yuja mfuṅwa ahomγamba: Kaula, aha hana mazii Vyefingiza, nishebatizwe, ni mbwai?
Filipo azamuti: Ati watozesha kwa moyo wako woshe, vitadahikana. Yuja azaitikila angwe: Natozesha kuti: Yesu Kilisito ni ṅwanangwa ywa Mulungu.
Miya Sauli azaisiiza kutenda nguvu, azaleka, Wayuda weikala Damasiko wakiaγilwa, azaonyesha kuti: Yuja Yesu ne Kilisito.
azalesiγwa na nguvu kimpeho mṅazi kuti: Ni ṅwana Mulungu, aho akifufuka mwe wafilewo.
aho akundileho kumnifumbwila ṅwanae, kangwe nimubilikile kwa wamzimu, viya du lushe nizadumula, sishindilefanyanya na ṅwili wangu we nyama na mpome;
kangi ni moyo, miya si miyo ṅwenye, Kilisito ne mwe moyo mwe ṅwili wangu; ivyo nivyoaugila lushe kunu shi, niviangila na kumtozesha ṅwanangwa ywa Mulungu, ndiye akinikundisha, ndiye akikiinkila ṅwenye kwa mbuli ya bui.
Mlau ywa bumbangwa ja Tiyatila umgondele kuγamba: Ne avyolonga Ṅwanangwa ywa Mulungu, mwena mesho yakwe yefanana na bilibili ja moto, kangi milundi yakwe ifanana na ṅandu: