Ntuṅwa 6:9 - Kishambala New Testament 2005

⁹ Kuzalawila kuṅwe, ni wa bumba jeitangwa ja Walibelitini na Wakilene na Waalekisando na wa Kilikiya na wa Asiya, wauzanye na Sitefano.

Ntuṅwa 6:9 ပူးပေါင်းရင်းမြစ်များ

Mateyo 10:17

Miya kiγojei kwa mbuli za wantu! Hambu watazamiinkila kwe vitala, kangi nezewakamitowe mwe mavikilo yawe.

Mateyo 23:34

Ne vyelongwa kuti: Imi natuma kwenyu wateγanyi na watalizi na walabaluwangwa, kuṅwe nemuwakome na kuwaamba mwe miti, kuṅwe mlawatowa mwe mavikilo yenyu, vikibinda mtawaγulusha mwe kila muzi,

Mateyo 27:32

Wakilawa kaya wazaona muntu ywa Kilene mweitangwa Simoni, uyu wazamkundila, amwinulile muli wakwe.

Maliko 13:9

Kiolelei inywi wenye! Hambu watazamiinkila kwa wafuṅwa, mulutwe mwe mavikilo, mulaviliziγwe kwa watoza shi na kwa wazumbe wakulu kwa mbuli ya imi, viwaγalukile uwona.

Luka 21:12

Viya vyoshe vishizati vibule, watamigwila, wamiγulushe, waleke, mshungwe mwe mafyomelo, mgelwe mwe vyumba, mwiγalwe kwa wazumbe ṅa kwa watoza shi kwa mbuli ya zina jangu.

Ntuṅwa 11:20

Miya weyae wawe kuṅwe, ni wa Kipulo na Wakilene, wazaiza Antiyokiya, wazailonga hata kwa Wagiliki, wazabilikila mbuli ya Zumbe Yesu.

Ntuṅwa 13:1

Kuja Antiyokiya mwe bumbangwa muna wateγanyi na wafuzi, ni Balinaba na Simeyoni mweitangwa Nigeli na Lukiyo ywa Kilene na Manaye akuziγweye haṅwe na Helode, na Sauli.

Ntuṅwa 13:45

Wayuda wakiona haja mabumba makulu wazaingilwa ni wizu ungi, wazakeleza nkani viya vyelongwa ni Paulo haṅwe na kukanka.

Ntuṅwa 15:23

waiiγale; shinu: Ishwi ntuṅwa na waγolokezi tamiluγusha inywi wanduγu mulawilewo kwa wamzimu uko Antiyokiya na Siliya na Kilikiya.

Ntuṅwa 15:41

Azadwisha Siliya na Kilikiya akigela mabumbangwa nguvu.

Ntuṅwa 16:6

Miya wakidwisha Fuligiya na Galatiya wazafingiziγwa ni Mpeho mṅazi, washelonge mbulingwa mwe shi ya Asiya.

Ntuṅwa 18:24

Muyuda mweitangwa Apolo, mweanduka Alekisandiliya, ni muntu mwedahisha kulonga na mwetailisha mbuli za ugondengwa, azahita Efeso.

Ntuṅwa 19:10

Vizaγenda ivyoho mavuli maili, mpaka woshe weikala mwe ziya shi za Asiya wakiiva mbuli ya Zumbe, ati ni Wayuda, ati ni Wagiliki.

Ntuṅwa 19:26

Lushe mwaona, kangi mwaiva, kuti so kunu kwetu Efeso du, miya mwe shi zoshe za Asiya yuja Paulo azavota wantu wangi na kuhitula myoyo yawe akiwati: Milungu iγosholweyo ni mikono ya wantu siyo.

Ntuṅwa 21:27

Ija mishi mfungate ikiunga kumambuka, Wayuda walawilewo Asiya wakimwona muja mwe vikilongwa wazatunya bumba joshe jiungananejo, wazamgwila na mikono yawe wakikema: Waγoshi wa Kiisilayeli, tiambizei!

Ntuṅwa 21:39

Paulo azamlandula angwe: Imi ni muntu ywa Kiyuda, nianduka Taliso mwe shi ya Kilikiya, ni ṅwenyezi mwe uja muzi wena kilango. Nakuhembeleza, unikundize kulonga na awawantu.

Ntuṅwa 22:19

Nizalandula kuti: Zumbe, ṅwenye wataila kuti: Waja wekutozesha ne nikiwagela mwe chumba na kuwatowa, tikianga mwe mavikilo;

Ntuṅwa 22:3

Azawati: Imi ni mγoshi ywa Kiyuda, mvyelwe mwe muzi wa Taliso mwe shi ya Kilikiya, miya nikuziγwe mwe unu muzi he milundi ya Gamaliyeli, nizafuziγwa utanda woshe wa mulomongwa wa wahaha zetu, ne nikikihima kwa mbuli ya Mulungu, sa inywi nyoshe muvyoγoshola mpaka lelo.

Ntuṅwa 23:34

Akibinda kufyoma ija baluwa azamwuza Paulo, ati aanduka mwe shi ya hi; akiiva, kuti aanduka Kilikiya,

Ntuṅwa 24:18

Aho ne wanieneho muja vikiloi, nikiiapulwa; nkawaniene, nikianga na wantu wangi, nkawaniene, nikitula vuzo.

Ntuṅwa 26:11

Hata mwe mavikilo yoshe nizawatumiza kangi muno nikiwakundila kukanka; maya yangu yakiisiiza kukwezwa ndiwo, nizawaγulusha mpaka kwe mizi ye hale.

Ntuṅwa 6:10

Miya nkawadahile kuikila nkani viyuγo vyakwe na mpehongwa, ayolonga nayo.

1. Wakolinto 1:20

Mkiyuγo ni yuhi? Mtalizi ni yuhi? Mnyanyi ywa kiinushi ni yuhi? Mulungu nkabunkule viyuγo vya inu shi, kuti ni udashi?

Wagalatiya 1:21

Vikibinda nizaiza mwe shi za Siliya na za Kilikiya.