Ntuṅwa 6:5 - Kishambala New Testament 2005

⁵ Inu mbuli izawatamila woshe, wazamshaγula Sitefano, ni muntu mweisiiza kutozesha, agisizeye mpeho ṅazi, na Filipo na Pulokolo na Nikanolo na Timoni na Palimena na Nikolawo aangileye na Wayuda uko Antiyokiya;

Ntuṅwa 6:5 ပူးပေါင်းရင်းမြစ်များ

Mateyo 23:15

We ukiwa ni nywiyo watabaluwangwa na Mafaliseyo! Mwahemba inywi, kwa kuti mwaanga na kuomboka bahali na shi, kangwe mγalushe muntu muṅwe mhina; kangi akioneka, mwamγalusha ṅwana ywa kuzimu mwemizinka kaili!

Ntuṅwa 11:19

Waja waasakanewo kwa mbuli ya uja ukiwa wa kukoṅwa kwa Sitefano, wazaangisha, wazabula Fonike na Kipulo na Antiyokiya, miya nkawaγambile muntu mtuhu mbulingwa kushima Wayuda.

Ntuṅwa 11:20

Miya weyae wawe kuṅwe, ni wa Kipulo na Wakilene, wazaiza Antiyokiya, wazailonga hata kwa Wagiliki, wazabilikila mbuli ya Zumbe Yesu.

Ntuṅwa 11:22

Inu mbuli yawe izaivika mwe mashikilo ya bumbangwa je nko Yelusalemu, wazamtuma Balinaba, ahite Antiyokiya.

Ntuṅwa 11:24

Hambu ni muntu mtana agisizeye mpeho ṅazi, mwetozesha vyedi. Bumba kulu muno jizaiγalwa kwa Zumbe.

Ntuṅwa 11:26

Akimwona azamwiγala Antiyokiya. Vuli gima wazaangilana na jiya bumbangwa, wazafuza wantu wangi, kwa ivyoho uko Antiyokiya wantu wazaandiila kuitanga wahina: Wakilisito.

Ntuṅwa 11:27

Mishi ija wateγanyi walawilewo Yelusalemu wazahita Antiyokiya.

Ntuṅwa 13:1

Kuja Antiyokiya mwe bumbangwa muna wateγanyi na wafuzi, ni Balinaba na Simeyoni mweitangwa Nigeli na Lukiyo ywa Kilene na Manaye akuziγweye haṅwe na Helode, na Sauli.

Ntuṅwa 15:22

Ne ntuṅwa na waγolokezi wahoivana na bumba joshe kushaγula weyae wawe kuṅwe na kuwatuma Antiyokiya haṅwe na Paulo na Balinaba, ni Yuda mweitangwa Balisaba na Sila, ni waγoshi wena kilango kitana kwa wanduγu. Wazagonda baluwa,

Ntuṅwa 2:4

Woshe wazagisa mpeho ṅazi, wazaandiila kulonga na vilosi viγeni, kila sa Mpehongwa ivyomshungula kubilikila.

Ntuṅwa 21:8

Mhitu wakwe tizakulawa, tizabula Kesaliya, tizabula mwe nyumba ya mubilikizi Filipo, waja mfungate uyu ni ṅwiyae ywawe muṅwe, tizaikala kwakwe.

Ntuṅwa 22:20

hata haja mpome ya mwona ywako Sitefano ikiitilwa, imi niiγoloke haho nikitamilwa, kangi ne nikiγoja shuke za waja wamkomilewo.

Ntuṅwa 6:10

Miya nkawadahile kuikila nkani viyuγo vyakwe na mpehongwa, ayolonga nayo.

Ntuṅwa 6:3

Wanduγu, olelai waγoshi wa kwenyu mfungate wetailikana, kuti waigisize mpehongwa na viyuγo, tiwagimbike, wamanye viya vyemiagiza!

Ntuṅwa 6:8

Sitefano kwa viya, avyogisa mbazingwa na kutenda nguvu, azaγoshola vimaka na vilozo vikulu kwa wantu.

Ntuṅwa 7:1

Mvikizi mkulu azaγamba: Ni ivyoho? Yuja azahitula angwe: Waγoshi inywi, wanduγu na watate, teγelezai! Mulungu mwe utana azamlawila Tate yweshu Abulahamu, ake Mesopotamiya, ashizati aikale Halani,

Mfumbulo 2:15

Ivyoho hata iwe una nawo wetozesha mihinyize ya Wanikolayi yefanana na ija.

Mfumbulo 2:6

Miya inu mbuli una nayo kuti: Nkukunda miγoshwele ya Wanikolayi, nishiyokunda nami.