Ntuṅwa 27:1 - Kishambala New Testament 2005

¹ Mbuli ikidumulwa na kuγamba, tihite Itahya, wazamwinkila Paulo na watuhu washungiγwewo kwa mkulu ywa washilikali mweitangwa Yuliyo, ni ywa humba jemγolokela Kaiza.

Ntuṅwa 27:1 ပူးပေါင်းရင်းမြစ်များ

Mateyo 27:54

Mγolokezi ywa washilikali na waja, awona nawo, wakimγoja Yesu, wakiona uja mdidimo na viya vituhu vionekevyo, wazaingiiwa ni woγa ukulu, wazaγamba: Kweli uyu ne al ṅwana Mulungu.

Luka 23:47

Yuja mγolokezi ywa washilikali akiona viya vibontokevyo, azamtogola Mulungu angwe: Kweli uyu muntu ne ai mtanda.

Luka 7:2

Kuna mkulu ywa washilikali, mupuna ywakwe azahuma, azabuza kufa, kangi ṅwenye aamkundisha.

Ntuṅwa 10:1

Kesaliya kuna mγoshi, zina jakwe ndiye Kolineliyo, ni mkulu ywa ntimizi yeitangwa ya Italiya,

Ntuṅwa 10:22

Wazamγamba: Kolineliyo, mkulu ywa ntimizi, muntu mtanda mwemwogoha Mulungu, mwena kilango kitana kwe mbali ngima ya Wayuda, azalaγiliziγwa ni mlau mṅazi, akutumize, uhite mwe nyumba yakwe, akuteγeleze mbuli, ndizo ulonge.

Ntuṅwa 16:10

Akibinda kuona inu sozi, ne tihouzanya, kangwe tikulawe kuja, tihite Makedoniya, hambu tizatailisha, kuti Mulungu ṅwenye azatiitanga, kangwe tibilikile waja wantu.

Ntuṅwa 18:2

Kuja azaona Muyuda, zina jakwe ndiye Akila, aanduka Ponto, mishi ija azalawila Italiya, muke ndiye Pulisikila; hambu Kaiza Kalaudiyo azalavya mulomo wa kuγamba: Wayuda woshe walawe Loma! Awa azawatimila.

Ntuṅwa 19:21

Izi mbuli zikibontoka, Paulo azafanyanya mwe moyo wakwe, kuangaanga kuja Makedoniya na Akeya, na kuhita Yelusalemu, akiγamba: Nikibontola inu ntambo, shuti hata kuja Loma nikuone!

Ntuṅwa 21:32

Uyu azafikaγuwa washilikali na wakulu wawe, azawaγulukila. Waja wakimwona yuja zumbe na washilikali wazaleka kumtowa Paulo.

Ntuṅwa 22:26

Yuja mkulu ywa washilikali akiviiva azahita kwa mfuṅwa mkulu azavimwukwila na kumwuza: Lushe inga utende zeze? Hambu yuja muntu ni ywa Kiloma.

Ntuṅwa 23:11

Kilo chiya chetongela Zumbe azamγolokela, azamuti: Gumba moyo! Hambu sa viyaho ulongelevyo mbuli zangu uwona kunu Yelusalemu, vivyoho shuti uzilongele uwona hata Loma!

Ntuṅwa 23:17

Paulo azaitanga mkulu muṅwe, azamuti: Uyu mubwanga mwiγale kwa mfuṅwa mkulu ywa washilikah!

Ntuṅwa 24:23

Azamlaγiliza mkulu, Paulo agelwe mwe chumba, miya ashemwonye sungu, kangi weyae ashewafingize, wekunda kumγoshwela ndima.

Ntuṅwa 25:12

Ne Fesito aholonga njama na wafuṅwa, akibinda azamwitikila angwe: Uzakunda masa kwa Kaiza, neuhite kwa Kaiza.

Ntuṅwa 25:25

Miya imi siene mbuli, abanileyo, yeagiza kufa, kangi ṅwenye azaγamba: Shuti masa yangu yabontoke kwa zumbe mkulu ṅwenye, ne nikundilevyo kumtuma.

Ntuṅwa 27:11

Miya yuja mkulu ywa washilikali azamwitikila mγolokezi na ṅwenye chombo kuzinka viya vyelongwa ni Paulo.

Ntuṅwa 27:43

Miya yuja mkulu ywawe azakunda kumhonya Paulo, ne ahowalemeza inu mbuli, wakundileyo, azalaγiliza waja wedaha kutwela, walongole kulumbila na mwe bahali, watimile kuja mpwai;

Ntuṅwa 27:6

Kuja mkulu ywa washilikali akiolela azaona chombo cha Alekisandiliya chehita Italiya, azatiingiza na mumo.

Ntuṅwa 28:1

Tikibinda kubula kuja mpwai, tii wagima, tizaiva, kuti chiya kisiwa chiitangwa Melite.

Ntuṅwa 28:16

Tikiingiia Loma, yuja mkulu ywa washilikali azainkila waja washungiγwewo kwa ṅwiyae mkulu, miya Paulo azashungulwa kuikala akokunda ṅwenye haṅwe na yuja mshilikali mwemγoja.

Waebuleyo 13:24

Niluγushizai wafuzi wenyu woshe na waṅazi woshe! Awa wa Italiya wamiluγusha.