Ntuṅwa 26:18 - Kishambala New Testament 2005

¹⁸ uwaγubwile mesho, walawe kwe lwiza, wahituke na kwe langaila, walawe kwe ufuṅwa wa Satani, wahituke na kwa Mulungu, waushiliziγwe mahuza yawe, wohe wapangilwe kifu cha waṅazi, wakinitozesha.

Ntuṅwa 26:18 ပူးပေါင်းရင်းမြစ်များ

Mateyo 4:10

Ne Yesu ahomlonga: Uka aha, Satani! Hambu kuigondiγwe: Umvike Zumbe, Mulungu ywako, na kumtumikila yuja ike!

Mateyo 4:16

uko wantu weikala mwe lwiza waona langaila kulu, weikala mwe kizuli cha kifa langaila jawalawila.

Luka 1:77

ulamlongwela Zumbe na kumlulila sila yakwe; nezeuleke, wantu wa mbali yakwe wataile kuti: Uvunizi wawe uanduka mwe kuushiliziγwa uhuza wawe.

Luka 1:79

tikilawilwa ni langaila jeanduka uko ulanga, jimulikile waja weikala mwe lwiza na mwe kizuli cha kifa, jigwize milundi yetu sila ya utondolo.

Luka 2:32

ni langaila jemulikila wamzimu, kangwe mbali yako ya Isilayeli itogolwe.

Luka 24:45

Haja ne awafumbwileho mitailile ya kutaila ugondengwa,

Luka 24:47

kuunga mwe zina jakwe mbali zoshe zibilikilwe, wahitule ntongonyezi zawe, kangwe masa yawe yadaheushiγwa; inu ndima iandiilwe Yelusalemu!

Luka 4:18

Mpeho ya Zumbe yaniikaiia, ne ilekileyo, akiniambwila mavula, kangwe nibilikile wakiwa nyem!; azanituma, niukwile washungiγwewo, kuti newashungwilwe, wafilewo mesho, kuti newaone, kangi ndashe, nizilohole,

Yohana 17:17

Uwaṅaze, watende wakweli! Mbuli yako ni ya kweli.

Yohana 3:19

Mlaho ni unu kuti: Langaila jizaingila mwe inu shi, miya wantu wazakundisha lwiza kuzinka langaila, hambu miγoshwele yawe ni mibada.

Yohana 4:10

Yesu azamhitula, azamuti: Ati wataila, Mulungu avyowainka wantu, ati wataila, kuti ni ndai uyu mwekuti: Ninka vya nywa!, wangamlombeza iwe, akakunka mazi ye moyo.

Yohana 4:14

Ndiye anywe mazi, niyomunka imi, nkezeaone nkilu kale na kale, miya yaja mazi, niyomunka, yataγaluka mwe ṅwili wakwe shoko ya mazi yehita kwa bula kwe nkaiamo ya kale na kale.

Yohana 8:12

Yesu azawalonga vituhu angwe: Imi ni langaila ja inu shi. Mwenitongela nkeaange mve lwiza, miya ataona langaila ja nkalamo.

Yohana 9:39

Yesu azalonga: Ṅiizile mwe inu shi kwa gwisha masa, kangwe washionawo waone, kangi waja weona waγaluke matuntu.

Yohana 9:5

Nike mwe inu shi, ni langaila ja inu shi.

Ntuṅwa 10:43

Uyu wateγanyi woshe wamlongela uwona kuti: Kila ndiye nezeamtozeshe, ataushiliziγwa uhuza kwa mbuli ya zina jakwe.

Ntuṅwa 13:47

Hambu ivyoho Zumbe azatilaγiliza angwe: Nizakuika, nγaluke langaila ja wamzimu, uγaluke mhonya mpaka kwe mihelo ya shi.

Ntuṅwa 15:9

kangi nkakundile, tikizinkana nawo kwa viya, aṅazizevyo myoyo yawe kwa mbuliya kutozesha kwawe.

Ntuṅwa 2:38

Petelo azawati: Hitulai ntongonyezi zenyu! Kila ṅwenyu abatizwe mwe zina ja Yesu Kilisito, masa yenyu yaushiγwe, mdaheinkwa Mpeho mṅazi kwa mbazi du!

Ntuṅwa 20:21

Wayuda na Wagiliki nizawaγambila uwona, wahituke na kwa Mulungu, wamtozeshe Zumbe ywetu Yesu.

Ntuṅwa 20:32

Ivi lushe namiinkila na kwa Zumbe kwa mbuli ya mbazi yakwe yedaha kumizifya na kuminka chiya kifu haṅwe na waja woshe waṅaziγwewo.

Ntuṅwa 26:19

Aho, zumbe Agilipa, silemele kuitika viya vya kilwingu, nienevyo.

Ntuṅwa 26:23

Kilisito azatalwa ni kulumiziγwa, kuti: Kilisito ni mulimbulo wa ufufuki wa wafilewo, kuti: Ne ndiye abilikile mbalingwa na wamzimu, wabule be langaila.

Ntuṅwa 3:19

Lushe hitulai ntongonyezi zenyu, kangi hitukai, uhuza wenyu uushiγwe, kangwe mishi idahekinta, wantu wahohemela he cheni cha Zumbe!

Ntuṅwa 5:31

Uyu Mulungu azamgimbika, aγaluke zumbe na mhonya, ainke Waisilayeli luvotekele, waushiliziγwe mahuza.

Waloma 8:17

Miya ati ti wana, ti wapazi, kweli ti wapazi wa Mulungu wepala haṅwe na Kilisito; ati talumizwa haṅwe naye, nezetigimbikwe haṅwe naye.

1. Wakolinto 1:2

inywiwa bumbangwa ja Mulungu uko Kolinto; inywi mzaṅaziγwa ni Kilisito Yesu, mzaitangwa, mγaluke waṅazi haṅwe na waja woshe wekemela zina ja Zumbe ywetu Yesu Kilisito kuntu koshe, uko kwawe hata kunu kwetu.

1. Wakolinto 1:30

Kwakwe ne mkoanduka nako hata inywi mwena Kilisito Yesu. Uyu ne viyuγo vyetu vya Kimulungu na utanda na uṅazi na ukombozi, kangwe vigondiγwevyo vibontoke kuti:

2. Wakolinto 4:4

hambu Mulungu ywa inu shi azachusha myoyo ya waja washiwotozesha, kangwe washemuhilikilwe ni langaila jelawa kwe uja ulau wedi wa Kilisito mwefahana na Mulungu.

2. Wakolinto 4:6

Hambu Mulungu alongileye: Hena lwiza hapwinkuke langaila!, ne apwinkuleye myoyo yetu, kangwe timulikile waja washiwotaila utana wa Mulungu ulawilewo kwa Kilisito.

2. Wakolinto 6:14

Mshekigele mwe upuna wa mtuhu haṅwe na waja washiwotozesha! Hambu utanda una mwangilano ani na uhuza? Hambu langaila jina mwangilano ani na lwiza?

Wagalatiya 2:20

kangi ni moyo, miya si miyo ṅwenye, Kilisito ne mwe moyo mwe ṅwili wangu; ivyo nivyoaugila lushe kunu shi, niviangila na kumtozesha ṅwanangwa ywa Mulungu, ndiye akinikundisha, ndiye akikiinkila ṅwenye kwa mbuli ya bui.

Wagalatiya 3:14

Kwa ivyoho mṅazo wa mesho wa Abulahamu uzahita kwa wamzimu aho, Yesu Kilisito akilawila, kangwe tihokele na kutozesha uja msuhi wa mpehongwa.

Wagalatiya 3:2

Inu mbuli ṅwenga nakunda, mwiniγambile: Mpehongwa mwihokele, kwa kuti mzaγoshola mulomongwa, hambu kwa kuti mzatozesha mwivilevyo? Lushe mtendile zeze ubabashi?

Waefeso 1:11

Kwa mbuli ya uyu tapangilwa kifu hata ishwi chifanyanyiγwecho kale kwa viya, aikilevyo uko kale, hambu vyoshe avihontoleza, sa avyokunda ṅwenye.

Waefeso 1:14

uyu ni mulimbulo wa chiya kifu, titaile kuti: Tiikombolwe, ti wakwe, kangwe nezetitogole utana wakwe.

Waefeso 1:18

Kangi aṅaze mesho ya myoyo yenyu, kangwe mtaile, mwitango wakwe tiwoalila ulivyo, utana wa kifu uvyokula, aikilacho waṅazi, mtaile,

Waefeso 1:7

Hambu mwe mpome yakwe ne timoonela ukombozi, tidsheushiliziγwa tibanilevyo.

Waefeso 2:8

Hambu ni mbazi, kuti mwivunilwe aho mkitozesha, kangi nkavianduka kwenyu, mteviinkwa ni Mulungu vivyoho;

Waefeso 4:18

hambu ntongonyezi zawe ni za lwiza, wenye ni waγeni na nkalamo ya Mulungu kwa mbuli ya tumala, wayoikala nayo, na kwa mbuli ya kuti watoγesha myoyo yawe.

Waefeso 5:11

Miya mshekigele mwe ndima za lwiza zishinazo kuwo, shuti mzibunkule.

Waefeso 5:14

Ne viholongwa: Viluka, iwe wesisila! Inuka kwa wafilewo! Ne ndivyo Kilisito akumulikile. Oleleshai, ndivyo mwange!

Waefeso 5:8

Angai vivyoagiza wana wa langaila!

Waefeso 6:12

Hanibu nkondo, tiyona nayo, so ya vye mpome na nyama, miya ni nkondo ya wazumbe na wafuṅwa na wanguvu wetoza inu shi, iikale na lwiza, na ziya mpehompeho mbada zoshe ze ulanga.

2. Timoteyo 2:26

wanyinyihale vituhu wakikilavya mwe mteγo wa Satani, hambu waigwizilwe ndiye, wamγoshwele, ndivyo akunde.

Waebuleyo 10:10

Kwa kikundile ichi tizabinda kuṅazwa kamkaṅwe, aho ṅwili wa Kilisito Yesu ukiinkilwa.

Waebuleyo 10:14

Hambu na ija ṅombe yakwe ṅwenga ya mviko azabinda kuzifya kale na kale weṅaziγwa.

Waebuleyo 11:6

Miya nkavidahikana kumtamila Mulungu na kushetozesha; hambu mwemwizila Mulungu, shuti atozeshe kuti: A haho, kuti: Waja wemlonda awainka upokezi wawe.

Waebuleyo 9:15

Hambu kilisito azakiγalusha ṅombe ya mviko ya Mulungu, ishiyo masa, kwa nguvu ya mpeho ya ukalami. Ne vilekilevyo, akitiletela kilaγa kihya, kangwe waja waitangwawo wainkwe msuhi wa upazi wekalama, kwa kuti kufa kuzaoneka kwekombola mwe ayo masa yabaniγweyo mishi ya kilaγa cha bosi.

Yakobo 2:5

Teγelezai, wanduγu wangu, niwokundisha! Waja wakiwa kunu shi Mulungu nkawazangile, waγaluke wazuli na kutozesha kwawe, kangi wapale uzumbe, awokunda kuinka waja wemkundisha? Miya inywi mzamubela mkiwa.

1. Petelo 1:4

kangwe nezetipale chiya kifu chishichobanika, chishichoshuzuka, chishichonyuluka, muchoikilwa mwe lwingu inywi,

1. Petelo 2:25

Hambu ne mkifanana na ngoto ziaγilezo, miya lushe mzahitulwa na kwa mulishi na mwolezi ywa myoyo yenyu.

1. Petelo 2:9

Miya inywi mu chengo chishaγulwecho, mu wavikizi wa kizumbe, mu bumba ṅazi, mu mbalingwa yena ṅwenye, kangwe muhilikile viya vitana vya yuja, ndiye akimiitanga, mulawe mwe lwiza, mwingile mwe langaila jakwe jemasha.

1. Yohana 1:9

miya tikilaviliza uhuza wetu, ṅwenye ni mkweli na mtanda, atatiushihza uhuza, atatiṅaziza vyoshe vishivyoagiza.

1. Yohana 2:12

Namigondela inywi wana, kwa kuti mzaushiliziγwa uhuza na zina jakwe.

1. Yohana 3:8

Mweγoshola uhuza aanduka kwa Satani, hambu uyu Satani abana nko kivoko koshe. Ne Ṅwanangwa ywa Mulungu alawilevyo, kangwe achakule ndima za Satani.

1. Yohana 5:19

Tataila, kuti tianduka kwa Mulungu, miya inu shi ngima ni ya kubanika.

Yuda 1:1

Yuda, mtuṅwa ywa Yesu Kilisito, nduγuye ja Yakobo, nagondela weyangu baluwa waitangwawo, niwokundisha kwa viya, wavyoanga na Mulungu Tate, kangi wavyokiγoja kwa mbuli ya Yesu Kilisito.

Mfumbulo 21:27

Miya nkezemwingile vibada hata, hata muntu mweγoshola vye useli na vye mambeza, ni waja wagondiγwewo mwe kitabu cha nkalamo cha yuja ṅwangoto.