Ntuṅwa 26:16 - Kishambala New Testament 2005

¹⁶ Miya inuka, uγoloke na milundi yako! Hambu ne vilekilevyo, nikikulawila, nikuliγanye, utumikile na kulongela uwona viya, uenevyo, na viya, ndivyo nezeuone!

Ntuṅwa 26:16 ပူးပေါင်းရင်းမြစ်များ

Luka 1:2

wazatongelatongela viya tivyoinkwa ni waja wavienewo wenye, viya viandiilevyo, hambu ne wai waluγojo wa mbulingwa.

Ntuṅwa 1:17

Kangi ne akitalwa haṅwe na ishwi, yohe azapangilwa unu ufuṅwa wetu.

Ntuṅwa 1:25

umshaγuleye, aγuwe unu ufuṅwa na ntuṅwa, Yuda aashizewo, kangwe ahite na haja hantu hakwe ṅwenye.

Ntuṅwa 20:24

Miya naγamba: Nkavina mbuli, ṅwenye nikibanika, ntoγo nibontoleze ntambo yangu na ija ndimangwa, niinkiγweyo ni Zumbe Yesu, nilongele ulau wedi wa mbazi ya Mulungu uwona.

Ntuṅwa 21:19

Akibinda kuluγushana nawo azawashimwela mbuli zoshe, Mulungu aγosholezo kwa wamzimu na ija ndima, atumikileyo.

Ntuṅwa 22:10

Miya nizaγamba: Zumbe, nitende zeze? Zumbe azaniti: Inuka, uhite Damasiko! Ne ndiho uγambilwe vyoshe uinkiγwevyo, uviγoshole.

Ntuṅwa 23:11

Kilo chiya chetongela Zumbe azamγolokela, azamuti: Gumba moyo! Hambu sa viyaho ulongelevyo mbuli zangu uwona kunu Yelusalemu, vivyoho shuti uzilongele uwona hata Loma!

Ntuṅwa 26:15

Imi nizaγamba: Zumbe, u ndai? Zumbe azaniti: Ni miyo Yesu, uyemγulusha.

Ntuṅwa 6:4

Ishwi tibashe ndima ya kuvika na kutumikila mbulingwa!

Waloma 1:5

Uyu ne atifileye mbazi, akitigimbika ntuṅwa, kuunga tihinye wamzimu wosheni kuitika na kutozesha, kangwe zina jakwe jigimbikwe.

Waloma 15:16

kangwe nimtumikile Kilisito Yesu ndima ya wamzimu nikibilikila kiṅazi ulaungwa wedi wa Mulungu, kangwe tulo, wamzimu wajomwiγaila, jimtamile Mulungu jikiṅazwa ni mpeho ṅazi.

2. Wakolinto 4:1

Kwa kuti tina unu uγolokezi, sa tivyofilwa mbazi, ishwi neshwi nkativotwa,

2. Wakolinto 5:18

Miya ivi vyoshe vianduka kwa Mulungu, kwa kuti azatitemeka, tiivane naye, aho akimγalusha Kilisito temo, kangi akitinka ufuṅwa wa kubilikila uja mtemeko kuti:

Wagalatiya 1:12

kangi siuhokele kwa muntu, siuhinyiγwe ni muntu, miya niufumbwilwe ni Yesu Kilisito.

Wagalatiya 2:2

miya nikwezile, kwa kuti nizalaγiliziγwa ni Zumbe; nizawaonyesha ulau wedi, niwobilikila kwa wamzimu; nizaisa kuwaonyesha waja weitangwa, kuti ni wakulu, waone, ati viya nivyoanga na viya naangavyo ni Vya bule du.

Waefeso 3:3

kuti imi nizafumbwilwa kutaila viya vishivyotailikana kale hoshe, sa nigondilevyo hadodo aho ṅwande.

Wakolose 1:23

Ntoγo mwikale na kutozesha sa wantu wena shikizi jetoγa, msheushiγwe he kialilo cha ulaungwa, mwivilewo, webilikilwa kwa woshe we moyo kunu shi, niwotumikila imi Paulo.

Wakolose 1:25

niinkiγwewo ni Mulungu, nimibontwele mbulingwa ya Mulungu.

Wakolose 1:7

kuti ni za kweli, sa viyaho mufuziγwevyo ni mtuṅwa ṅwiyangu Epafula, niyekundisha; uyu azamiγalukila muluγojo mkoolezi ywa Kilisito,

1. Watesalonike 3:2

tikimtuma mnduγu ywetu Timoteyo mwemtumikila Mulungu na kubilikila ulau wa Kilisito; tizamtuma, amigele nguvu na kumishangalaza kwa mbuli ya mitozesheze yenyu,

1. Timoteyo 1:12

Namlaviliza Zumbe ywetu Kilisito Yesu ntogolo, hambu azaninka nguvu, azanifanyanya kuti: Ni mkoolezi, ne ahonigimbika, nimγoshwele ndima,

1. Timoteyo 4:6

Ukiwafuza wanduγu izi mbuli utaγaluka mtumikizi ywa Kilisito Yesu mweiγuta ziya mbuli, tizotozesha, tizohinya kuti: Ni ntana, hambu nawe uzazitongela.

2. Timoteyo 4:5

Miya iwe nyinyihala mwe mbuli zoshe, uzizimize vibada, uγoshole ndima ya mubilikizi, ndimangwa uinkiγweyo uibontoleze!