Ntuṅwa 22:1 - Kishambala New Testament 2005

¹ Waγoshi, wanduγu na watate, niteγelezai lushe, nikikikanila kwenyu!

Ntuṅwa 22:1 ပူးပေါင်းရင်းမြစ်များ

Luka 12:11

Aho ndiho wamiingize mwe mavikilo na mwe vitala na bomani, msheone sungu kwa mbuli ya mikanile na ya milandwile!

Luka 21:14

Msheandiile kuja sungu kwa viya, ndivyo mkikanile navyo!

Ntuṅwa 13:26

Waγoshi, wanduγu, mu wanangwa wa chengo cha Abulahamu, kangi wemwogoha Mulungu muna nawo, lushe inywi mzatumilwa mbuli ya uja uvunizi.

Ntuṅwa 19:33

Miya wantu kuṅwe wazamlavya Alekisando, azawakonyeza na mkono, azakunda kukikanila kwa wantu.

Ntuṅwa 23:1

Paulo azadulila waja wafuṅwa, azalonga angwe: Wanduγu wangu! Mpaka unu mushi wa lelo nizaanga na moyo woshe uṅazilewo kangi na kumwolela Mulungu.

Ntuṅwa 23:6

Paulo akitaila, kuti waja bumba iṅwe ni ja Masadukeyo, bumba tuhu ni ja Mafaliseyo, azawalonga waja wafuṅwa na kuinula kanwa: Wanduγu, imi ni Faliseyo, kangi ni ṅwana Faliseyo; nifyalimilwa kialilo cha ufufuki wa wafilewo.

Ntuṅwa 24:10

Mtoza shi akimkonyeza, kangwe alonge, Paulo azalandula, azaγamba: Kwa kuti nataila, kuti iwe u mlaha masa ywa inu mbali mavuli mangi, nitakikanila aya masa yangu kishiwoγa.

Ntuṅwa 25:16

Waja nizawalandula kuti: So msimo wa Kiloma kuhainkila muntu mwefyaliṅwa, ashizati akintanyiγwe na weyae wemfyalima, kangwe aone lukanile kwa ziya mbuli, azofyaliṅwa.

Ntuṅwa 25:8

Hambu Paulo azakikanila angwe: Sitendile uhuza wa kubela mulomongwa wa Wayuda na vikilongwa jawe na mbuli ya Kaiza.

Ntuṅwa 26:24

Akikikanila ivyoho, Fesito azalonga na kanwa kikulu angwe: Paulo, utalaluka! Utalizi wako ungi wakulalusha.

Ntuṅwa 28:17

Mishi mitatu ikizinka, azaunganyanya wakulu wa Wayuda; wakiliγanila, azawati: Wanduγu wangu, imi siγoshole mbuli ishiyoivana na mbali yetu ao du na misimo ya watate zeshu; uko Yelusalemu nizashungwa, nizainkilwa mwe niikono ya Waloma;

Waloma 2:15

awa ne webunkula kuti: Miγoshwele ya mulomongwa iigondiγwe mwe myoyo yawe, kangi walongwa uwona ni viya, wavyotaila, ntongonyezi zawe zikibuiiza kuifyana, kangi kukanilana.

1. Wakolinto 9:3

Ulu ni lukanilo lwangu kwa waja welahana na imi.

2. Wakolinto 12:19

Mwaγamba vituhu kuti: Takikanila kwenyu? Tamlanga Mulungu na Kilisito; kangi wanduγu, tiwokundisha, ivi vyoshe tivilonga, kangwe timizifye.

2. Wakolinto 7:11

kuti mzaonyiγwa ukiwa wa Kimulungu, izaleka, mkikihima vyekuinga haja, mkikikanila haṅwe na kuihilwa na kuogoha, kangi mkitendwa ni kihelehele cha kufikalaha ija mbuli; mzakibunkula na ivi vyoshe kuti: Ayo masa nkayamiteγane.

Wafilipi 1:17

Waja wemubilikila Kilisito, kangwe wanishongeleze, nkawazifya, hambu wenye wagomba, wanionye ukiwa mwe mazolo yangu.

Wafilipi 1:7

Ne vyeniagiza kumitongonyeza nyosheni ivyoho, hambu inywi nkamuniuka mwe moyo, ati nashungwa, ati nakanila ulaungwa wedi nikiuukula na nguvu kuti: Inywi nyoshe na imi toshe tipangilwe mbazi ṅwenga. Mwona ywangu ni Mulungu,

2. Timoteyo 4:16

Aho nikilahwa bosi bomani, nkakuna anikanileye, woshe wazaniasha; ne washetalwe inu mbuli!

1. Petelo 3:15

Mgimbikei Kilisito Zumbe mwe myoyo yenyu! Kiteγei hosheni mdahemlandula na uhozu na woγa kila mwemiuza kwa mbuli ya kialilo chenyu, muchona nacho!