Ntuṅwa 2:23 - Kishambala New Testament 2005

²³ Uyu Mulungu azamfanyanyiza aho kale ndimayakwe na kumshengela mhaka kwaviya, avyotaila mbuli zoshe; kwa ivyoho muzamγuwa mkimwinkwa ni mikono ya wahambanyi, muzamkontela mwe muti, muzamkoma.

Ntuṅwa 2:23 ပူးပေါင်းရင်းမြစ်များ

Mateyo 20:19

wamwinkile kwa wamzimu, wamfyulile, wamtowe, vikibinda wamkome na kumwamba mwe muti, miya mushi wa ntatu atafufulwa.

Mateyo 26:24

Ṅwanangwa ywa muntu ahita sila yakwe sa viyaho, mbuli yakwe igondiγwevyo, miya yuja muntu mwemwinkila ṅwanangwa ywa muntu nezeaone ukiwa; ati yuja muntu nkavyelwe, anga ni vitana vyakwe.

Mateyo 27:35

Wakibinda kumwamba mwe muti wazapangilana shuke zakwe na kuzitowela lusolo, kangwe ibontoke ija mbuli ilongiγweyo ni mteγanyingwa kuγamba: Wazapangilana shuke zangu, guni jangu wazajitowela lusolo.

Maliko 15:24

Wakibinda kumkontela mwe muti wazapangilana shuke zakwe na kuzitowela lusolo, kila muntu ndizo aγuwe.

Luka 22:22

Kweli ṅwanangwa ywa muntu ahita sila yakwe, sa afanyanyiziγwevyo, miya yuja muntu mwemwinkila nezeaone ukiwa.

Luka 22:37

Hambu namiti: Viya vigondiγwevyo shuti vinibontokele, viya vya kuγamba: Azatalwa mwe wahambanyi; hambu mbuli yenitala yabontoka.

Luka 23:33

Wakibula haja hantu heitangwa He mazutwi wazamkontela haja mwe muti, hata waja wahambanyi muṅwe kulume, muṅwe kumosho kwakwe.

Luka 24:20

Yuja azainkilwa ni wavikizi wakulu na wafuṅwa wetu, alahwe masa ya kukoṅwa, azakontelwa mwe muti.

Yohana 19:18

Haja wazamkontela mwe muti haṅwe na watuhu waili, muṅwe kulume, muṅwe kumosho, Yesu gati.

Yohana 19:24

Wazaγambilana: Tisheipange! Miya tiitowele lusolo, ati neiγaluke ya ndai! Kangwe ugondengwa ubontoke uja wa kuγamba: Wazapangilana shuke zangu, nkazu yangu wazaitowela lusolo. Ne waja washilikali waγosholevyo.

Ntuṅwa 13:27

Hambu waja weikala Yelusalemu na wazumbe wawe nkawamtaila yuja, kangi mbuli za wateγanyi zefyomiγwa kila sikunkulu wazazibontola na ija milahile yawe.

Ntuṅwa 15:18

Ne avyolonga Zumbe alekileye, ivi vikitailikana aho kale hoshe.

Ntuṅwa 2:36

Lushe chengo kigima cha Isilayeli chitailishe kuti: Yuja Yesu, mumkonteleye mwe muti, ne Mulungu amγalusheye Zumbe na Kilisito.

Ntuṅwa 3:18

Mulungu azabontola viya, abilikilavyo aho kale na vyanwa vya wateγanyi woshe, kuti Kilisito ywakwe nezealumiziγwe.

Ntuṅwa 4:28

waγoshole viya vyoshe, mkono wako na ntongonyezi zako ziteγanyevyo aho kale kuti: Nezevibontoke.

Ntuṅwa 5:28

Tizamilaγiliza uwo mulomo wa kuγamba: Mshezabilikila mbuli za iji zina! Kangi shivyo, muzi wa Yelusalemu uzagisa ubilikizi wenyu, mwakunda kutigela masa ya uyu muntu!

Ntuṅwa 5:30

Mulungu ywa watate zeshu azamfufula Yesu, inywi mumkomileye na kumholeza mwe muti.

Ntuṅwa 7:52

Ni mteγanyingwa yuhi, walate zenyu washimγulusheye? Wazawakoma waja wabilikilewo aho kale, mbuli ya uyu mtanda ndivyo ibontoke; ne yuja, mumwinkileye mishi inu, mumkomileye;

Waloma 2:12

Woshe wabanilewo na kushetaila mulomongwa wahekiaγila kishi mulomongwa, woshe wabanilewo na kutaila mulomongwa watazalahwa na mulomongwa.

Waloma 4:17

Nizakuγalusha ishe ja mbali nyingi; uyu ne akimtozesha Mulungu mweuza wafilewo moyo, mweitanga vishivyo haho, viya vi haho.

1. Watesalonike 2:15

awa ne wamkomilewo Zumbe Yesu na wateγanyingwa, ne wetishukiza hata ishwi, nkawamtaila Mulungu, waifyana na wantu woshe,

1. Petelo 1:2

Kwa viya, Mulungu Tate avyomitaila kale, azamiṅaza na mpeho yakwe, mdaheitika, kangi mumyaγilwe mpome ya Yesu Kilisito. Mbazi na mpolele ziisiize kuγenela kwenyu!

1. Petelo 1:20

Kweli aivifanyanyiziγwe viya, ngulu ngima ishizati iumbiγwe, miya alawile mishi inu ya nyuma kwa mbuli ya inywi.

1. Petelo 2:8

wazengo wabentilejo, ni jijo jewaγalukila shikamilo ja heta na iwe ja kukikwila na kungu ja kuihilwa; wakikwila mumo, kwa kuti nkawaitika mbuiingwa, kangi ne waikilwevyo.

Yuda 1:4

Hambu kuna wantu kuṅwe waingilewo kinjamanjama, wagondelwawo kale mlaho wawe, kuti wamweza Mulungu, wakitenda uhambanyi waγamba: Mulungu ywetu ana mbazi, hata tikitenda mijiile mibada; kangi yuja Zumbe ike, Zumbe ywetu Yesu Kilisito, wamwikila nkani.

Mfumbulo 13:8

Ndiwo waivike, ni woshe weikala mwe inu shi washigondiγwewo aho, shi ikiumbiγwa, mazina yawe mwe kitabu cha nkalamo cha yuja ṅwangoto akomiγweye.