Ntuṅwa 2:22 - Kishambala New Testament 2005

²² ivai izi mbuli: Yesu ywa Nazaleti azatailikana kwenyu, kuti aanduka kwa Mulungu, kwa viya vye nguvu na viya vilozo na viya vimaka, aγosholevyo, kangi ni Mulungu ṅwenye aviγosholeye naye he mesho yenyu, sa muvyotaila wenye.

Ntuṅwa 2:22 ပူးပေါင်းရင်းမြစ်များ

Mateyo 12:28

Miya ati imi niingata mpepo kwa nguvu ya Mulungu, shivyo, uzumbe wa Mulungu uzabula kwenyu.

Mateyo 2:23

Akikubula azaikala mwe muzi weitangwa Nazaleti, kangwe ibontoke iyo mbuli ilongiγweyo ni wateγanyingwa kuti: Atazaitangwa Mnazaleti.

Mateyo 9:8

Wantu wakiviona wazabulwa ni woγa, wazamtogola Mulungu, kuti azawainka wantu ufuṅwa we ivyoho.

Luka 11:20

Miya ati niingata mpepo kwa nguvu ya chala cha Mulungu, shivyo, uzumbe wa Mulungu uzabula kwenyu.

Luka 18:37

Wazamwukwila, kuti Yesu ywa Nazaleti aomboka.

Luka 24:18

Muṅwe mweitangwa Kiliyofa azamuti: Iwe u mγeni ike muja Yelusalemu, ukishetaila viya viγosholekevyo muja mishi inu? Azawati: Vihi?

Yohana 1:45

Filipo azamwona Natanayeli, azamuti: Mose na wateγanyingwa wamteγanyeye mwe mulomongwa, tizamwona, ni Yesu, ṅwana Yosefu ywa Nazaleti.

Yohana 10:37

Ati nasheγoshola ndima za Tate, mshenitozeshe!

Yohana 11:47

Wavikizi wakulu na Mafaliseyo wazaunganyanya wafuṅwa woshe, wazaγamba: Titende zeze? Hambu uyu muntu aγoshola ntangilo nyingi.

Yohana 12:17

Waja wantu, ndiwo aina nawo, akimwitanga Lazalo, alawe mwe mbila, akimfufula kwa wafilewo, wazavibilikila.

Yohana 15:24

Ati siγoshole kwawe ziya ndima, mtuhu ashiγosholezo, anga nkawana uhuza; miya lushe wazaziona, kangi wanishuka imi, hata Tate;

Yohana 19:19

Pilato azagonda kabala, azakaika mwe uja muti, kaigondiγwe: Yesu ywa Nazaleti, zumbe ywa Wayuda.

Yohana 3:2

Uyu azahita kwa Yesu na kilo, azamuti: Mfuzi, tataila kuti: Iwe u mfuzi ulawileye kwa Mulungu; hambu nkakuna mwedaha kuγoshola ziya ntangilo, uzoγoshola iwe, ati nkaanga na Mulungu.

Yohana 4:48

Yesu azamuti: Mkisheona ntangilo na vimaka nkemtozeshe.

Yohana 5:36

Miya imi nilongelwa nwona wekula kuzinka uja wa Yohana; hambu ziya ndima, Tate aninkilezo, nizibontole, zanilongela uwona, kuti Tate azanituma.

Yohana 6:14

Wantu wakiona lwitangilo, aγosholeio, wazaγamba: Kweli uyu ni mteγanyingwa mweunga kuiza mwe inu shi.

Yohana 6:27

Tendai nkande! Miya ija yebanika siyo, ni ija yeikala mpaka kwe nkalamo ya kale na kale, ṅwanangwa ywa muntu ayominka, ija ndiyo. Hambu uyu Mulungu Tate azamshungula ivyoho.

Yohana 7:31

Miya wantu wangi wazamtozesha angwe: Kilisito ahozaizila neaγoshole ntangilo zekula kuzinka ziya, uyu azoγoshola?

Yohana 9:33

Ati uyu nkaanduke kwa Mulungu, anga nkakuna adahilecho kuγoshola.

Ntuṅwa 13:16

Paulo azainuka, azawakonyeza na mkono, azawati: Inywi waγoshi wa Kiisilayeli, mwemwogoha Mulungu, teγelezai!

Ntuṅwa 14:27

Wakibula kuja wazaunganyanya bumbangwa, wazawaukwila vyoshe, Mulungu aγosholevyo nawo, avyozuγwila wamzimu luvi, wohe wadahetozesha.

Ntuṅwa 2:19

Nezenigwishe vilozo mwe lwingu ulanga na vimaka uko shi, vye mpome, vye moto, vye moshi moshi.

Ntuṅwa 2:43

Woshe wazaingilwa ni woγa mwe myoyo yawe, hambu vimaka na vilozo vingi vizaγosholwa ni ntuṅwa.

Ntuṅwa 21:28

Uyu ni yuja muntu mwefuza wantu woshe wa ngulu ngima kubela mbali yetu na mulomongwa na aha hantu, kangi Wagiliki wohena azawaingiza na mumo mwe vikilongwa, azagela hantu aha haṅazi kisitama.

Ntuṅwa 22:8

Azaniti: Ni miyo Yesu ywa Nazaleti, uyemγulusha.

Ntuṅwa 24:5

Uyu muntu tizamwona, kuti ni mchakuzi, Wayuda woshe mwe ngulu ngima awagwishiliza nkondo, ni mkulu ywa jiya bumba ja Wanazaleti.

Ntuṅwa 26:26

Hambu uyu Zumbe, niyemubilikila na nyemi, ataila izi mbuli, hambu sidaha kufanyanya kuti: Izi mbuli zoshe kuna ashizitailaye, hambu nkaviγosholwe nkandai.

Ntuṅwa 26:9

Kweli hata imi ṅwenye nizafanyanya mwe moyo wangu: Shuti nikihime kuikila zina ja Yesu ywa Nazaleti nkani!

Ntuṅwa 3:12

Petelo akiwaona azawalonga waja wantu angwe: Waγoshi wa Kiisilayeli, nini mkimaka inu mbuli? Kangi nini mkitidulila, viya titeleka kwa nguvu yetu wenye ao kwa mivikile yetu, uyu akiγenda?

Ntuṅwa 3:6

Miya Petelo azamuti: Feza na zahabu sina, miya nivyona navyo, navikunka: Mwe zina ja Yesu Kilisito ywa Nazaleti inuka, uhite!

Ntuṅwa 4:10

tailai inywi nyosheni haṅwe na mbali ngima ya Isilayeli kuti: Viγosholwe mwe zina ja Yesu Kilisito ywa Nazaleti, mumkonteleye mwe muti, Mulungu amwinuleye kwa wafilewo! Kwa nguvu yakwe uyu aγoloka aha, muliho, ai mgima.

Ntuṅwa 5:35

Vikibinda azalonga weyae angwe: Waγoshi wa Kiisilayeli inywi, kiγojei kwa mbuli ya awa wantu, ndivyo mγoshole!

Ntuṅwa 6:14

Hambu tizamwiva, akilonga kuti: Yesu ywa Nazaleti nezeachakule aha hantu, ahitule ija misimo, Mose atinkileyo.

2. Wakolinto 12:12

Hambu viya vyemanyisha ntuṅwa vizaγosholwa kwenyu, ati ni uzizimizi ungi, ati ni ntangilo na vimaka na vya nguvu.

Waebuleyo 2:4

Kangi Mulungu azakanila uja uwona na kuγoshola vilozo na vimaka na nguvu nyingi na kuwapangila mpeho ṅazi, sa avyokunda ṅwenye.