Ntuṅwa 18:12 - Kishambala New Testament 2005

¹² Galiyoni akitoza shi ya Akeya, Wayuda wazaivana kumgela Paulo masa, wazamwiγala kitala, wazamshinga kuti:

Ntuṅwa 18:12 ပူးပေါင်းရင်းမြစ်များ

Mateyo 27:19

Miya akiikala mwe kiti chakwe cha lahila masa, muke azamtumila angwe: Ushezakigela mwe mbuli ya yuja mtanda! Hambu kilo cha lelo nizapishiγwa vikulu mwe sozi kwa mbuli yakwe.

Yohana 19:13

Pilato akiiva izi mbuli azamlavya Yesu na chengoi, azahita kwa ikala he kiti cha lahila masa hantu heitangwa Lukontelo lwa mawe, Kiebuleyo ndiho Gabata.

Ntuṅwa 13:12

Yuja mtoza shi akiona viya viγosholekevyo, azatozesha, hambu azashentuka mifuzize ya Zumbe.

Ntuṅwa 13:50

Miya Wayuda wazatunya wavyele waγoh watozeshewo mivikile yawe na wakulu wa uja muzi, wazamwinwila Paulo na Balinaba nkondo, wazawaγulusha mwe shi yawe.

Ntuṅwa 13:7

Azaanga na mtoza shi Seligiyo Paulo, ni mγoshi mwena viyuγo. Uyu azamwitanga Balinaba na Sauli, azakundisha kuiva mbuli ya Mulungu.

Ntuṅwa 13:8

Mγanga Elima — ne zina jakwe jivyohitulwa — azawakeleza nkani, azaγeza kumfingiza mtoza shi, ashetozeshe.

Ntuṅwa 14:19

Miya kuzaiza Wayuda walawilewo Antiyokiya na Ikoniyo, wazatunya waja wantu, vikibinda wazamhomela Paulo mawe, wazamlavya mwe muzi na kumhuna, wazafanyanya kuti: Azafa.

Ntuṅwa 14:2

Miya Wayuda waja walemelewo kutozesha wazatunya na kushongeleza myoyo ya wamzimu, waomane na wanduγu wawe.

Ntuṅwa 17:13

Miya waja Wayuda kuja Tesalonike wakitaila, kuti Beloya kohena kwabilikilwa ni Paulo mbuli ya Mulungu, wazahita na kuja, wazatunya kuja kohe wantu wangi.

Ntuṅwa 17:5

Mayuda wazaingilwa ni wizu, wazakilondela kabumba ka wantu wabada washinawo ndima; wakibinda kutunya wantu wangi ivyoho wazagwisha nkondo, wazatimila nyumba ya Yasoni, wawalonde, kangwe wawaiγale kwa wajawantu.

Ntuṅwa 18:11

Azaikala vuli gima na myezi mtandatu akiwafuza mbuli ya Mulungu.

Ntuṅwa 18:27

Akikunda kuhita Akeya, wanduγu wazazumila, wazagondela wahina wa kuja baluwa, wamhokele. Akikubula azawaambiza vikulu waja watozeshewo kwa mbazi.

Ntuṅwa 19:21

Izi mbuli zikibontoka, Paulo azafanyanya mwe moyo wakwe, kuangaanga kuja Makedoniya na Akeya, na kuhita Yelusalemu, akiγamba: Nikibontola inu ntambo, shuti hata kuja Loma nikuone!

Ntuṅwa 25:10

Angwe ni Paulo: Niiγoloke he lahilo ja masa ja Kaiza, ne heniagiza, nilahiγwe. Wayuda sina niwabanilevyo, sa iwe ṅwenye uvyotailisha.

Waloma 15:26

Hambu Wamakedoniya na Waakeya wazakunda kuwapangila wakiwa wa bumbangwa je uko Yelusalemu;

Waloma 16:5

Niluγushizai hata jiya bumba je mwe nyumba yawe! Niluγushizai Epeneto, niyemkundisha! Uyu ne aandiileye kumtozesha Kilisito mwe shi ya Asiya.

1. Wakolinto 16:15

Wanduγu, mbuli myokunda, shinu: Mwataila chengo cha Sitefana, kuti ni mulimbulo wa shi ya Akeya, kuti wazaγuwa wenye iyo ndima ya kutumikila waṅazi.

2. Wakolinto 1:1

Imi Paulo nigimbikweye ntuṅwa ya Kilisito Yesu kwa viya, Mulungu akundilevyo, na mnduγu Timoteyo, tamigondela baluwa inywi wa humbangwa ja Mulungu je uko Kolinto haṅwe na waṅazi woshe we mwe shi ngima ya Akeya.

2. Wakolinto 11:10

Ati kweli ya Kilisito nina nayo, inu ntogolo yangu nkeibanike mwe shi za Akeya. Nini ivyoho? Kuti

2. Wakolinto 11:26

Nizatambisha, nizaona nkondo na mito, nkondo na wampoko, nkondo na mbalingwa, nkondo na wamzimu, nkondo na mizi, nkondo ṅa nyika, nkondo na bahali, nkondo na wanduγu wa ulongo;

2. Wakolinto 9:2

hambu nataila kuti: Mwakunda, kangi ne nikimitogola kwa Wamakedoniya kuγamba: Waakeya hata vuli ja zuzi waikundile; kunu kukihiina kwenyu kuzahimila wangi watuhu.

1. Watesalonike 2:14

Hambu inywi, wanduγu, mzatongela mabumbangwa ya Mulungu yeanga na Kilisito Yesu mwe shi ya Yudeya, kwa kuti hata inywi ne mkilumiziγwa ni mbali yenyu, sa viyaho waja wavyolumiziγwa ni Wayuda;

1. Watesalonike 2:16

waγeza kutifingiza, tishebilikile wamzimu, wakivunilwa; ne wavyobontoleza uhuza wawe koshe koshe; miya maya ya Mulungu yazabinda kuwalawila, washile.

Yakobo 2:6

Wazuli siwo wemitunguluka, wekamihuna na bomani?