Ntuṅwa 16:5 - Kishambala New Testament 2005

⁵ Yaja mabumbangwa yazatenda nguvu ya kutozesha, kangi yazakula kila mushi.

Ntuṅwa 16:5 ပူးပေါင်းရင်းမြစ်များ

Ntuṅwa 11:21

Mkono wa Zumbe uzaanga nawo; watozeshewo na kuhituka na kwa Zumbe wazaγelemuka talo kulu.

Ntuṅwa 12:24

Miya mbuli ya Zumbe izaγenda, izagisa kosheni.

Ntuṅwa 15:41

Azadwisha Siliya na Kilikiya akigela mabumbangwa nguvu.

Ntuṅwa 2:47

wazaja nkande zawe na nyemi na myoyo yeṅala; ivyoho wazamtogola Mulungu, kangi wazakundwa ni wantu woshe. Zumbe azakuza jiya bumba akiingiza kila mushi wekunda kuvunilwa.

Ntuṅwa 4:4

Miya wangi waivilewo ija mbuli wazatozesha, waγoshi du wazaγelemuka makulija mashano.

Ntuṅwa 5:14

Miya wemtozesha Zumbe wazaingila vivyoho, ni bumba kulu ja waγoshi na ja wavyele.

Ntuṅwa 6:7

Miya mbulingwa ya Mulungu izaγenda, kangi kuja Yelusalemu wahina wazafikaisiiza kuγenela, hata bumba kulu ja wavikizi jizatozesha na kuitika.

Ntuṅwa 9:31

Mwe shi ngima ya Yudeya na ya Galileya na ya Samaliya bumbangwa jizaja mpolele, wazaanga na kumwogoha Zumbe, wazagisa kishangalazo cha Mpeho mṅazi.

Waloma 16:25

Mulungu ne mwedaha kumishikiza kwa nguvu ya ubilikizi wedi wa Yesu Kilisito, niwobilikila, kwa kuti nizafumbwilwa viya vishivyolongwa kale hoshe,

1. Wakolinto 15:58

Kwa ivyoho, wanduγu wangu, niwokundisha, toγai vitana, mshevuwanike! Isiizai kukihima ndimaugwa ya Zumbe mishi yoshe! Hambu mwataila kuti: Lulah, muloona kwa mbuli ya Zumbe, so lwa bule.

Wagalatiya 5:1

Kilisito azatikombola, tilawe mwe utuṅwa. Lushe toγai, mshozakundilwa vituhu uwo utuṅwa welumiza!

Wakolose 2:6

Lushe sa mumhokelevyo Zumbe Kilisito Yesu, angai naye!

1. Watesalonike 3:13

kangwe myoyo yenyu itoγe vitana, ishowe masa, imtamile Mulungu, Tate yweshu, na kuṅala aho, Zumbe ywetu Yesu akiuya haṅwe na waṅazi wakwe woshe.

1. Watesalonike 3:2

tikimtuma mnduγu ywetu Timoteyo mwemtumikila Mulungu na kubilikila ulau wa Kilisito; tizamtuma, amigele nguvu na kumishangalaza kwa mbuli ya mitozesheze yenyu,

2. Watesalonike 2:16

Miya Zumbe Yesu Kilisito ṅwenye na Mulungu, Tate yweshu, mwetikundisha, mwetinka kwa mbazi du mhembulizo wa kale na kale na kialilo kitana,

Waebuleyo 13:9

Msheazaγanyiγwe mkihinyiγwa mbuli nyingi ngeni! Hambu vyatamisha, moyo ukitenda nguvu kwa mbazi, so kwa miko ya nkande, hambu waja waibashizewo nkawana waonelevyo navyo.

1. Petelo 5:10

Mulungu rawena mbazi zoshe, ndiye akimiitangila utanawakwe wekalama, we mwe Kilisito, ṅwenye neamizifye, mkilumila hadodo, neamigeele, neaminke nguvu, neamishikize!