Ntuṅwa 13:30 - Kishambala New Testament 2005

³⁰ Miya Mulungu azamfufula kwa wafilewo.

Ntuṅwa 13:30 ပူးပေါင်းရင်းမြစ်များ

Mateyo 28:6

Nkaho aha, hambu azafufuka, sa alongilevyo; izai, mwolele aha hantu, ndiho ailele!

Yohana 10:17

Ne vyeleka, Tate akinikundisha, kwa kuti nakiinkila, kangwe niuye moyo vituhu.

Yohana 2:19

Yesu azawahitula, azawati: Chakulai iji vikilongwa! Nenijizenge mishi mitatu!

Ntuṅwa 10:40

miya Mulungu azamfufula mushi wa ntatu, azaleka, alawile,

Ntuṅwa 13:33

Mulungu azachibontwela wana wenyu aho akimfufula Yesu, sa vigondiγwevyo mwe zumo ja mbili kuγamba: Iwe u ṅwanangu, imi nizakuvyala lelo.

Ntuṅwa 13:34

Iyo mbuli ya kumfufula kwa wafilewo, kangwe ashezahita kwa banika, aailonga kuγamba: Nezeniminke viya viṅazi vya Dawidi vye kweli.

Ntuṅwa 13:37

Miya yuja, Mulungu amfufuleye, nkabanike.

Ntuṅwa 17:31

Kwa viya aikilevyo mushi, awounga kulaha nawo shi ngima na utanda kwa nguvu ya muntu muṅwe, amunkileye imu ufuṅwa, bosi azanawahimilawoshe, wamtozeshe, kuti azamfufula kwa wafilewo.

Ntuṅwa 2:24

Miya Mulungu azamfufula, akiusha milumilwe ya kifa, hambu nkavidahikane, yuja akitoziγwa ndicho.

Ntuṅwa 2:32

Uyu Yesu Mulungu azamfufula, kangi ishwi toshe ti waona wa inu mbuli.

Ntuṅwa 3:13

Mulungu ywa Abulahamu na ywa Isaka na ywa Yakobo, Mulungu ywa wababa zetu azamgimbika ṅwanae Yesu; kweli inywi mzamwinkila, muzamtowa hulu kwa Pilato, yuja akikunda kumshungula.

Ntuṅwa 3:15

Zumbe ywa nkalamo muzamkoma; Mulungu azamfufula uyu kwa wafilewo, waona ni shwiyo.

Ntuṅwa 3:26

Bosi ni nywiyo, Mulungu afufwilewo ṅwanae, azamtuma, amiṅaze mesho, kangwe kila muntu ahiluke, akileka mbuli zakwe mbada.

Ntuṅwa 4:10

tailai inywi nyosheni haṅwe na mbali ngima ya Isilayeli kuti: Viγosholwe mwe zina ja Yesu Kilisito ywa Nazaleti, mumkonteleye mwe muti, Mulungu amwinuleye kwa wafilewo! Kwa nguvu yakwe uyu aγoloka aha, muliho, ai mgima.

Waebuleyo 13:20

Zumbe ywetu Yesu Kilisito, yuja mulishi mkulu ywa ngoto, Mulungu ṅwenye utondolo azamlavya ha wafilewo kwa nguvu ya mpome ya kilaγa chekalama.