Ntuṅwa 13:16 - Kishambala New Testament 2005

¹⁶ Paulo azainuka, azawakonyeza na mkono, azawati: Inywi waγoshi wa Kiisilayeli, mwemwogoha Mulungu, teγelezai!

Ntuṅwa 13:16 ပူးပေါင်းရင်းမြစ်များ

Mateyo 11:15

Mwena mashikilo yeiva neaive!

Luka 1:22

Akilawa nkadahile kulonga nawo, ne wahotaila, kuti kuna aenevyo muja vikiloi. Ṅwenye azawakonyeza, kangi azaikaia ai bubu vivyoho.

Luka 1:50

Yuja mnguvu azaniγoshwela vikulu; zina jakwe ni ṅazi.

Luka 23:40

Ṅwiyae azamlandula na kumshunda angwe: Iwenawe nkumwogoha Mulungu, kangi mlaho uinkiγwewo ni wuwo?

Ntuṅwa 10:2

ni muntu mwetozesha na kumwogoha Mulungu haṅwe na chengo chakwe kigima; wakiwa azawafila mbazi nyingi, nkadizile kumvika Mulungu.

Ntuṅwa 10:35

miya mwe mbali zoshe mwemwogoha na mweγoshola utanda amtamila.

Ntuṅwa 12:17

azawakonyeza na mkono, waleke lwashu; azawatamwila, Zumbe amlavizevyo mwe chumba, azawati: Vimwukwilei Yakobo na wanduγu woshe! Vikibinda azalawa, azahita na hatuhu.

Ntuṅwa 13:26

Waγoshi, wanduγu, mu wanangwa wa chengo cha Abulahamu, kangi wemwogoha Mulungu muna nawo, lushe inywi mzatumilwa mbuli ya uja uvunizi.

Ntuṅwa 13:46

Miya Paulo na Balinaba wazabilikila na nyemi, wakiγamba: Bosi vizaagiza inywi, mkibilikilwa mbuli ya Mulungu; miya kwa viya muvyoibenta na kukifanyanyiza wenye, kuti nkamwagiziγwa ni nkalamo ya kale na kale, kwa ivyoho tahituka na kwa wamzimu.

Ntuṅwa 19:33

Miya wantu kuṅwe wazamlavya Alekisando, azawakonyeza na mkono, azakunda kukikanila kwa wantu.

Ntuṅwa 2:14

Petelo azainuka haṅwe na waja weyae kumi na muṅwe, azainula kanwa chakwe, azawabilikila angwe: Inywi waγoshi wa Kiyuda na inywi nyoshe mweikala Yelusalemu, inu mbuli shuti mwitaile, mteγeleze mbuli zangu!

Ntuṅwa 2:22

ivai izi mbuli: Yesu ywa Nazaleti azatailikana kwenyu, kuti aanduka kwa Mulungu, kwa viya vye nguvu na viya vilozo na viya vimaka, aγosholevyo, kangi ni Mulungu ṅwenye aviγosholeye naye he mesho yenyu, sa muvyotaila wenye.

Ntuṅwa 21:40

Akimkundiza, Paulo azaγoloka haja ha kukwela na ulanga, azawakonyezawajawantu na mkono, lushe vuzo joshe jikilekwa, azalonga nawo Kiebuleyo, azawati.

Ntuṅwa 22:22

Wazamteγeleza mpaka kwe inu mbuli, ne wahoinula vyanwa vyawe angwe: Mwushei uyu kunu shi! Hambu nkavimwagiza kuikala vivyoho.

Ntuṅwa 3:12

Petelo akiwaona azawalonga waja wantu angwe: Waγoshi wa Kiisilayeli, nini mkimaka inu mbuli? Kangi nini mkitidulila, viya titeleka kwa nguvu yetu wenye ao kwa mivikile yetu, uyu akiγenda?

Mfumbulo 2:11

Mwena mashikilo aive, mpehongwa ivyolonga mabumbangwa! Ndiye avote, nkezeatungulukwe ni kifa cha mbili.

Mfumbulo 2:17

Mwena mashikilo aive, mpehongwa ivyolonga mabumbangwa! Ndiye avote, nezenimupangile ija mana ifishiγweyo, nezenimunke nyanga yeṅala, kangi mwe iyo nyanga mwigondiγwe zina hya jishijotailwa ni muntu kushima yuja mwejiγuwa.

Mfumbulo 2:29

Mwena mashikilo aive, mpehongwa avyolonga mabumbangwa!

Mfumbulo 2:7

Mwena mashikilo aive, mpehongwa ivyolonga mabumbangwa! Ndiye avote, nezenimunke muti wa nkalamo uko Paladiso kwa Mulungu, auje.