Ntuṅwa 11:13 - Kishambala New Testament 2005

¹³ Azatiukwila, aenevyo mlau, aiγoloke mwe nyumba yakwe, akimuti: Tuma na Yope, umtumize Simoni mweitangwa Petelo!

Ntuṅwa 11:13 ပူးပေါင်းရင်းမြစ်များ

Ntuṅwa 10:22

Wazamγamba: Kolineliyo, mkulu ywa ntimizi, muntu mtanda mwemwogoha Mulungu, mwena kilango kitana kwe mbali ngima ya Wayuda, azalaγiliziγwa ni mlau mṅazi, akutumize, uhite mwe nyumba yakwe, akuteγeleze mbuli, ndizo ulonge.

Ntuṅwa 11:12

Miya mpehongwa izaniγamba, nihite nawo, nishezakalakasha. Awa wanduγu mtandatu wazahita haṅwe na imi, tizangila mwe nyumba ya yuja mγoshingwa.

Ntuṅwa 11:14

Ne ndiye akuγambile mbuli, ndizo uhonyiγwe nazo ṅwenye na chengo chako kigima.

Ntuṅwa 12:11

Petelo akiviluka vyedi azaγamba: Lushe nataila kweli, kuti Zumbe azamtuma mlau ywakwe, azanivunila mwe mikono ya Helode na kwe ziya ngojo zoshe za Wayuda.

Ntuṅwa 9:36

Yope ne kwina mvyele mweitangwa Tabita, ni mhina; bontokelo ja iji zina ni kuγamba Mpala; uyu azaγenyeza ndima ntana na kufila weyae mbazi.

Ntuṅwa 9:38

Kwa kuti Lida ni hehi na Yope, wahina wazaiva, kuti Petelo a γuko, wazatuma waγoshi waili na kwakwe wakimhembeleza kuγamba: Ushekawe kuiza kwetu!

Ntuṅwa 9:42

Inu mbuli izatailikana mwe muzi mgima wa Yope, ne wangi wahomtozesha Zumbe,

Ntuṅwa 9:43

Azaikala mishi mingi kuja Yope kwa mnyukula mababu mweitangwa Simoni.

Waebuleyo 1:14

Awa woshe so mpeho du zemutumikila, zekatuṅwa, ziolele waja, ndiwo nezewapale uhonya?