Ntuṅwa 10:22 - Kishambala New Testament 2005

²² Wazamγamba: Kolineliyo, mkulu ywa ntimizi, muntu mtanda mwemwogoha Mulungu, mwena kilango kitana kwe mbali ngima ya Wayuda, azalaγiliziγwa ni mlau mṅazi, akutumize, uhite mwe nyumba yakwe, akuteγeleze mbuli, ndizo ulonge.

Ntuṅwa 10:22 ပူးပေါင်းရင်းမြစ်များ

Mateyo 1:19

Mulume Yosefu kwakuti ni mtanda nkakundile kumubunkula, miya azakunda kumshungula he njama.

Mateyo 2:12

Wazalaγiliziγwa mwe sozi, washeuye kwa Helode, ne wahoγotoka na sila ntuhu mwe shi yawe.

Maliko 6:20

Hambu Helode ne akimwogoha Yohana, azamtaila, kuti ni muntu mtanda kangi mṅazi, kwa ivyoho azamγolokela, kangi akikamwiva, moyo uzakamlaha, kangi azatamilwa ni kumwiva.

Maliko 8:38

Hambu ndiye atendwe ni shoni na imi ao du na mbuli zangu kuzilonga mwe inu mbali ye kilanga na uhuza, hata ṅwanangwa ywa muntu atazatendwa ni shoni naye akizaiza haṅwe na walau waṅazi na utana wa ishe.

Luka 2:25

Kuja Yelusalemu ne kwina mγoshi, zina jakwe ndiye Simeyoni; uyu ni muntu mtanda atozesheye vitana na kuafiza mhembulizo wa Waisilayeli, hata mpeho ṅazi ana nayo.

Luka 23:50

Ne kwina mγoshi, zina jakwe ndiye Yosefu, ni mfuṅwa, kangi ni muntu mtana na mtanda.

Luka 9:26

Hambu ndiye atendwe ni shoni na imi ao du na mbuli zangu, uyu ṅwanangwa ywa muntu atazatendwa ni shoni naye akizaiza na utana wakwe na wa ishe na wa walau waṅazi.

Yohana 13:20

Kweli namiti: Mwehokela ndiye nimtume, anihokela imi; kangi mwenihokela imi amhokela yuja anitumileye.

Yohana 17:20

Miya siwahembelezeza awa du, miya hata waja, ndiwo wanitozeshe wakibilikilwa ndiwo,

Yohana 17:8

Hambu ziya mbuli, uninkilezo, nizaziwainka, wazazihokela, wazataila kweli, kuti nilawile kwako, wazatozesha, kuti iwe uzanituma.

Yohana 5:24

Kweli namiti: Mweiva mbuli yangu na kumtozesha anitumileye, ana nkalamo ya kale na kale, nkaingila mwe masa, miya kwe kifa azakulawa, azabula kwe nkalamo.

Yohana 6:63

Mpehongwa ne yeinka wantu nkalamo, ṅwili siwo, nkauna bontokelo. Mbuli ziya, nimiγambilezo, ni za kimpeho, ni za nkalamo.

Yohana 6:68

Simoni Petelo azamlandula angwe: Zumbe, tihite na kwa ndai? Hambu mbuli uzolonga ni za nkalamo ya kale na kale.

Ntuṅwa 10:2

ni muntu mwetozesha na kumwogoha Mulungu haṅwe na chengo chakwe kigima; wakiwa azawafila mbazi nyingi, nkadizile kumvika Mulungu.

Ntuṅwa 10:21

Petelo azasheela, azawati waja waγoshi: Shimi, muyelonda! Ni mbuli ani yeleka, mkiiza?

Ntuṅwa 10:30

Kolineliyo azaitikila angwe: Nizaikala mishi mine, niifungile mpaka ivi lushe aha, saa kenda nizavika mwe nyumba yangu, nizaona mγoshi, aiγoloke he mesho yangu, aizwikile shuke yenamanika,

Ntuṅwa 10:33

Lushe ishwi toshe tiiunganane he mesho ya Mulungu, tileγeleze vyoshe, ulaγiliziγwevyo ni Zumbe.

Ntuṅwa 10:6

Uyu afikile kwa mnyukula mababu mweitangwa Simoni, nyumba yakwe i he bahali.

Ntuṅwa 11:14

Ne ndiye akuγambile mbuli, ndizo uhonyiγwe nazo ṅwenye na chengo chako kigima.

Ntuṅwa 22:12

Kuna muntu, ndiye Ananiya, ni muntu mwetozesha mulomongwa woshe, ana kilango kitana kwa Wayuda woshe weikala kuja.

Ntuṅwa 24:15

Kangi kwa Mulungu nina kialilo, awa wenye wachoafiza wohe, kuti nezekuoneke ufufuki wa watanda na wa wahuza.

Ntuṅwa 6:3

Wanduγu, olelai waγoshi wa kwenyu mfungate wetailikana, kuti waigisize mpehongwa na viyuγo, tiwagimbike, wamanye viya vyemiagiza!

Waloma 1:17

Hambu utanda wa Kimulungu wafumbwilwa mumo waja weiva mbuli za mtozesho, kangwe wazitozeshe sa vyagondwavyo: Mtanda nezeatende nkalamo na kutozesha.

2. Wakolinto 5:18

Miya ivi vyoshe vianduka kwa Mulungu, kwa kuti azatitemeka, tiivane naye, aho akimγalusha Kilisito temo, kangi akitinka ufuṅwa wa kubilikila uja mtemeko kuti:

1. Timoteyo 3:7

Aagiziγwa ni ntogolo ntana kwa waja we se, kangwe ashedahiγwe akishungwa vibada, hambu ne ndivyo yuja ṅwenye leba amteγele navyo.

Waebuleyo 10:38

Kangi mtanda atazatenda nkalamo na kutozesha kwakwe, miya muntu akiuya na nyuma, moyo wangu nkautamilwa ndiye.

Waebuleyo 11:2

Inu mitozesheze wakale watogolwa nayo.

Waebuleyo 12:23

he makulija na makulija ya walau, he bumba gima jiungananejo he nyemi ya wana nteluka wagondiγwewo mazina mwe lwingu; vikibinda muzamubwila Mulungu mwewalaha woshe masa na mpeho za wafanda wabindilewo kukombolwa.

2. Petelo 3:2

Fukilai mbuli zilongiγwezo kale ni wateγanyi waṅazi na ziya za mlaγilizo wa Zumbe mhonya, mulongiγwezo ni ntuṅwa zenyu!

3. Yohana 1:12

Demetiliyo atogolwa ni wantu woshe, kangi atogolwa kweli, hata ishwi tavilongela uwona, kangi wataila, kuti uwona wetu ni wa kweli.

Mfumbulo 14:10

ne ndiye anywe mvinyo wa maya ya Mulungu ugezibwewo mwe kinywelo cha maya yakwe, ushivanganyiγwewo na mazi, ne ndiye aswilimiziγwe mwe moto wa vibilitibiliti, aiolelwe ni wantu waṅazi na yuja ṅwangoto.