Ntuṅwa 1:11 - Kishambala New Testament 2005

¹¹ wazawati: Waγoshi wa Galileya inywi, nini mkiγoloka na kuolela na kwe lwingu? Uyu Yesu sa iviho avyoinulwa na mwe lwingu akiushiγwa kwenyu, ne ndivyo nezeaize, sa iviho mumwenevyo, akihita na mwe lwingu.

Ntuṅwa 1:11 ပူးပေါင်းရင်းမြစ်များ

Mateyo 16:27

Hambu muntu alavye makombo ani, ndiyo akikombole nayo? Hambu ṅwanangwa ywa muntu atazalawila na utana wa ishe haṅwe na walau wakwe, ne ndiho amwuzize kila muntu kwa miγoshwele yakwe.

Mateyo 16:28

Kweli namiti: Awa weγoloka aha weyae wawe kuṅwe nkewaone kifa, shuti wanemwona ṅwanangwa ywa muntu, akiiza mwe uzumbe wakwe.

Mateyo 24:30

Ne ndiho lwitangilo lwa ṅwanangwa ywa muntu lulawile he lwingu, ne ndiho mbali zoshe za shi zitule ndilo zikimwona ṅwanangwa ywa muntu, avyoiza mwe mazunde ya lwingu na nguvu nyingi na utana ungi.

Mateyo 25:31

Aho ndiho ṅwanangwa ywa muntu nezeaizile na utana wakwe haṅwe na walau wosheni, ne ndiho aikale mwe kiti cha utana wakwe.

Maliko 13:26

Ne ndiho wamwone ṅwanangwa ywa muntu, avyoiza mwe mazunde ya lwingu na nguvu nyingi na utana ungi.

Maliko 14:70

Miya azakela nkani vituhu. Kafunda kadodo kakizinka, vituhu waja waγolokewo haja wazamuti Petelo: Kweli u ṅwiyae ywawe, hambu u Mgalileya.

Maliko 16:19

Zumbe Yesu akibinda kuwalonga ivyoho azainulwa na mwe lwingu, azaikala kulume kwa Mulungu. Miya waja wazalawa, wazabilikila koshe koshe;

Luka 21:27

Ne ndiho wamwone ṅwanangwa ywa muntu, avyoiza mwe zunde na nguvu nyingi na utana ungi.

Luka 24:5

wakishentuka, wazaoleza vyeni na shi; waja wazawati: Nini mkimlonda yuja mwe moyo kwa wafilewo?

Yohana 14:3

Kangi aho, ndiho nihitile kwa miliγanyiza henyu, neniuye vituhu, nimiγuwe na kwangu, kangwe niliho imi, hata inywi muhaikale.

Ntuṅwa 1:2

mpaka uja mushi, ahoinulwa na mwe lwingu; ne abindileho kulaγiliza ziya ntuṅwa, ashaγulezo, viya vya mpeho ṅazi.

Ntuṅwa 1:22

kuandiila akibatizwa ni Yohana mpaka uja mushi akiinulwa, akiushiγwa kwetu, waja vyaagiza, ṅwiyae ywawe muṅwe alongele ufufuki wakwe uwona haṅwe na ishwi.

Ntuṅwa 1:9

Akiwaγambila izi mbuli, wakiolela, azainulwa, zunde jizamγuwa, jizamwusha, waiolele.

Ntuṅwa 13:31

Lushe azakalawila waja wakwezilewo haṅwe naye Yelusalemu, wakilawa Galileya, awa ni waona wakwe mwe mbali yetu.

Ntuṅwa 2:7

Wazashentuka, wazamaka angwe: Kaulai! Awa woshe welonga siwo Wagalileya?

Ntuṅwa 3:12

Petelo akiwaona azawalonga waja wantu angwe: Waγoshi wa Kiisilayeli, nini mkimaka inu mbuli? Kangi nini mkitidulila, viya titeleka kwa nguvu yetu wenye ao kwa mivikile yetu, uyu akiγenda?

Ntuṅwa 3:21

Uyu vyamtala kunaγuwa uzumbe wa lwingu mpaka mishi ija, vintu vyoshe vihozauya kwe chandusho chawe, sa Mulungu alongilevyo kale hoshe na vyanwa vya wateγanyi wakwe waṅazi.

1. Watesalonike 1:10

kangwe mdahe kumwafiza ṅwanae Yesu, amwinuleye kwa wafilewo, alawe mwe lwingu, ativunile mwe maya yeunga kuiza.

1. Watesalonike 4:16

Hambu Zumbe ṅwenye ndiho nezeasheele akilawa mwe lwingu, nkolo zitatowiγwa, kanwa cha mlau mkulu chitaivika, gundangwa ja Mulungu jitakema, lushe bosi wafilewo mwe Kilisito watandafufuka,

Waebuleyo 9:28

vivyoho hata Kilisito azainkilwa kaṅwe, aushe uhuza wa wangi; miya ka mbili atazalawila kishiuhuza waja wemwafiza, awavunile.

Mfumbulo 1:7

Shuyuja, aiza mwe mazunde, mesho yoshe nezeyamwone, hata waja, ndiwo wakimshoma, mbali zoshe za shi nezezimlilile. Ivi ni kweli. Amini.