Mfumbulo 9:4 - Kishambala New Testament 2005

⁴ Zizalaγiliziγwa, zishezabana mani ya shi na mgina woshe na miti yoshe komo wantu washinawo lunyindi lwa Mulungu mwe vyeni.

Mfumbulo 9:4 ပူးပေါင်းရင်းမြစ်များ

Mateyo 24:24

Hambu Wakilisito wa ulongo na wateγanyi wa ulongo watazainuka, watazaγoshola vilozo na vimaka vikulu, waazaγanye, ati vyadahikana, hata waja washaγulwewo.

Waefeso 4:30

Mpeho mṅazi ywa Mulungu mshemwonye ukiwa! Hambu ne mwinkiγweye, amiγalukile lwitangilo mushiwa ukombozi.

Mfumbulo 14:1

Nikiolela nizaona yuja ṅwangoto, aiγoloke mwe mulima wa Siyoni, ana wantu makulija gana na milongo mine na mane, waigondiγwe zina jakwe na zina ja ishe kwe vyeni vyawe.

Mfumbulo 6:6

Ne nihoiva, viya ni kanwa che mwe ziya nyama ne gati, angwe: Katezu ka ngano ni lobo, vitezu vitatu vya mshele ni lobo, miya mavuta na mvinyo ushezavibana!

Mfumbulo 7:1

Vikibinda nizaona walau wane, waiγoloke he maheta mane ya shi, wakitoza ziya mpeho ne za shi, kangwe mpeho ishekunte mwe shi na mwe bahali na he muli muṅwe du.

Mfumbulo 8:7

Mlau ywa bosi azatowa gunda, ne kuholawila fula ya mawe na moto, viivangane na mpome, vizagwa na shi; kuzahya fungu ja ntatu ja ngulu ngima, hata fungu ja ntatu ja miti jizahya, hata mani yoshe maishi yazahya.