Mfumbulo 8:7 - Kishambala New Testament 2005

⁷ Mlau ywa bosi azatowa gunda, ne kuholawila fula ya mawe na moto, viivangane na mpome, vizagwa na shi; kuzahya fungu ja ntatu ja ngulu ngima, hata fungu ja ntatu ja miti jizahya, hata mani yoshe maishi yazahya.

Mfumbulo 8:7 ပူးပေါင်းရင်းမြစ်များ

Yakobo 1:11

Zuwa jikicha, jikiaka na nguvu, janyulusha matundu, lushe luwa jitagwa, utana wa shula yakwe utabanika, vivyoho hata mzuli atazanyulukila mwe ntambo zakwe.

1. Petelo 1:24

Kwa kuti vyoshe vye moyo vifanana na mani, utana wawe woshe ufanana na maluwa ya tunduwi, mani yakalaγala, maluwa yadahuka,

Mfumbulo 12:4

lunga lwakwe luzahuna fungu ja ntatu ja ntondwe ze mwe lwingu, luzazitambika na shi. Iji zoka jizamγolokela yuja mvyele mweunga kuvyala, kangwe aho, ndiho avyale, jimumeze ṅwanae.

Mfumbulo 16:2

Yuja ywa bosi azahita, azaitila ntungo yakwe na mwe shi; ne vilonda vibada vyeifya viholawa kwa waja wantu wena nyindi ja ija nyama, ndiyo wakivika kinyuwa chakwe.

Mfumbulo 16:21

Vikibinda mawe makulu ya fula yeinga sa nkonde yazalawa mwe lwingu, yazagwela wantu. Wantu wazamkanka Mulungu kwa mbuli ya unu mlaho wa fula ya mawe, hambu nkondo yakwe ni nkulu muno.

Mfumbulo 6:8

Nikiolela nizaona falashi ye zeluzelu, yuja aipandileye zina jakwe ndiye kifa, kuzimu kumtongela, wazainkwa ufuṅwa wa fungu ja ne ja shi, wakome na shime ao na sala ao na kifa ao na makaka ya shi.

Mfumbulo 7:1

Vikibinda nizaona walau wane, waiγoloke he maheta mane ya shi, wakitoza ziya mpeho ne za shi, kangwe mpeho ishekunte mwe shi na mwe bahali na he muli muṅwe du.

Mfumbulo 9:15

Waja walau wane wazashungulwa; ne waiikilwe inu saa ya unu mushi wa unu ṅwezi wa iji vuli, kangwe wakome fungu ja ntatu ja wantu.

Mfumbulo 9:18

Fungu ja ntatu ja wantu jizakoṅwa ni izo nkondo ntatu, ni uja moto na moshi na vibilitibiliti vilawilevyo mwe vyanwa vyawe.

Mfumbulo 9:4

Zizalaγiliziγwa, zishezabana mani ya shi na mgina woshe na miti yoshe komo wantu washinawo lunyindi lwa Mulungu mwe vyeni.