Mfumbulo 8:5 - Kishambala New Testament 2005

⁵ Vikibinda yuja mlau azaγuwa chiya kitasa cha vunkiziza, azachimemeza moto weanduka mwe jiya okelo ja ṅombe za mviko, azachitambika na shi; ne kuholawila lubambala na lukuwa na lumuli na mdidimo.

Mfumbulo 8:5 ပူးပေါင်းရင်းမြစ်များ

Mateyo 24:7

Hambu mbali na mbali zitainukilana, hata wazumbe na wazumbe weyae wawe, hantu haṅwe na haṅwe hatagwa sala, hata mididimo neizinke.

Luka 12:49

Niizile, nitunge moto mwe inu shi, kangi sina nivyokundisha kuzinka ukifikabililika.

Ntuṅwa 16:26

Haho mdidimo mkulu uzaoneka, hata mashikamilo ya nyumba yazakuchanika; viya du lushe nyuvi zoshe zizazuγuka, hata mazolo yoshe yazadwika.

Ntuṅwa 4:31

Wakivika ivyoho, haja hantu waungananeho hazavuwanika, wosheni wazagisa Mpeho mṅazi, wazalonga mbuli ya Mulungu na nyemi.

Mfumbulo 11:13

Ija minga kuzaoneka mdidimo mkulu, uja muzi uzachakuka fungu ja kumi, wantu wakomiγwewo ni uwo mdidimo ni mazina makulija mfungate, waja washiγalewo wazaingilwa ni woγa, wazamlaviliza Mulungu ywa lwingu ntogolo.

Mfumbulo 11:19

Vikibinda kuzazuγulwa vikilo ja Mulungu je mwe lwingu, mwe iji vikilo jakwe mzaoniγwa kibweta cha kilaγa chakwe; haho ne kumulika na kuγuγumuka na kubambaluka na kudidima na fula nkulu ya mawe.

Mfumbulo 4:5

He icho kitingwa hazamulika na kuγuγumuka na kubambaluka, kangi he icho kitingwa kamazu hadodo hana taa za moto mfungate zeaka, ne ziya mpeho mfungate za Mulungu.

Mfumbulo 6:12

Nizaona, akishungula gongezo ja mtandatu, ne kuhooneka mdidimo mkulu, zuwa jizachuta, viya ni guniya ja ukonge, ṅwezi woshe uzalungulika, viya ni mpome,

Mfumbulo 8:3

Vikibinda kuzalawila mlau mtuhu, azaγolokela okelo ja ṅombe za mviko aitozize kitasa cha zahabu cha vunkiziza, azainkwa uvumba ungi, anoke, waṅazi woshe wakivika mwe okelo ja ṅombe za mviko je he kitingwa kamazu.