Mfumbulo 8:12 - Kishambala New Testament 2005

¹² Mlau ywa ne azatowa gunda, ne kuhotowiγwa fungu ja ntatu ja zuwa na fungu ja ntatu ja ṅwezi na fungu ja ntatu ja ntondwe, aya mafungu yawe ya ntatu yazagwa lwiza, aya mafungu yawe nkayaakile mushii, hata kilo ni vivyoho.

Mfumbulo 8:12 ပူးပေါင်းရင်းမြစ်များ

Mateyo 24:29

Ukiwa wa mishi ija ukizinka, haho du zuwa jitagwa lwiza, hata ṅwezi utaleka kuaka, hata ntondwe zitauka mwe lwingu, hata nguvu za lwingu zitavuwanika.

Mateyo 27:45

Saa mtandatu kuzagwa lwiza mwe shi ngima mpaka saa kenda.

Maliko 13:24

Mishi ija, uja ukiwa ukibinda kuzinka, zuwa jitagwa lwiza, hata ṅwezi utaleka kuaka,

Maliko 15:33

Saa mtandatu ikibula, kuzagwa lwiza mwe shi ngima mpaka saa kenda.

Luka 21:25

Kutazaoneka ntangilo he zuwa na he ṅwezi na he ntondwe; kunu shi wantu watavivilwa wakishetaila, ndivyo vibontoke, hambu hata bahali itavumila na kuvuwanika.

Ntuṅwa 2:20

Zuwa jiγalamuke lwiza, ṅwezi uγalamuke mpome, kushizati kulawile uja mushi mkulu wa Zumbe weafiziγwa.

2. Wakolinto 4:4

hambu Mulungu ywa inu shi azachusha myoyo ya waja washiwotozesha, kangwe washemuhilikilwe ni langaila jelawa kwe uja ulau wedi wa Kilisito mwefahana na Mulungu.

Mfumbulo 12:4

lunga lwakwe luzahuna fungu ja ntatu ja ntondwe ze mwe lwingu, luzazitambika na shi. Iji zoka jizamγolokela yuja mvyele mweunga kuvyala, kangwe aho, ndiho avyale, jimumeze ṅwanae.

Mfumbulo 16:10

Yuja ywa shano azaitila ntungo yakwe na mwe kiti cha ija nyama, ne uzumbe wakwe uhogwa lwiza, wazaluma wenye nyimi zawe kwa kulumilwa,

Mfumbulo 6:12

Nizaona, akishungula gongezo ja mtandatu, ne kuhooneka mdidimo mkulu, zuwa jizachuta, viya ni guniya ja ukonge, ṅwezi woshe uzalungulika, viya ni mpome,

Mfumbulo 9:15

Waja walau wane wazashungulwa; ne waiikilwe inu saa ya unu mushi wa unu ṅwezi wa iji vuli, kangwe wakome fungu ja ntatu ja wantu.

Mfumbulo 9:18

Fungu ja ntatu ja wantu jizakoṅwa ni izo nkondo ntatu, ni uja moto na moshi na vibilitibiliti vilawilevyo mwe vyanwa vyawe.