Mfumbulo 7:9 - Kishambala New Testament 2005

⁹ Vikibinda nizaolela, nizaona bumba kulu, muntu ashijodaha kutala, jianduka kwa wamzimu na kwe makolwa na kwe mbali na kwe vilosi vyoshe, wazaγoloka kamazu he chiya kitingwa na he yuja ṅwangoto, waizwikile nkazu zeṅala;

Mfumbulo 7:9 ပူးပေါင်းရင်းမြစ်များ

Luka 12:1

Wantu wangi muno, makulija na makulija, wakiunganana wazabuza kujatilana; azaandiila kulonga na wahina wakwe angwe: Kiγojeshei kwa mbuli ya shimbi ja Mafaliseyo, ni kuhemba kwawe!

Luka 21:36

Gonai mesho, muvike na kushedila, kangwe nezemdahe kunyilika viya vyoshe vyeunga kulawila, kangi mdaheγoloka he mesho ya ṅwanangwa ywa muntu!

Yohana 12:13

wazaγuwa masala, wazamγendela nayo singili wakiimba: Hoziyana! Atogolwe mweiza mwe zina ja Zumbe! Ni Zumbe ywa Isilayeli!

Waloma 11:25

Hambu sikunda, wanduγu, mkishetaila ichi kihili, kangwe mshehikuke, kuti: Waisilayeli kuṅwe wazatoγeshiγwa myoyo, mpaka ungi wa wamzimu ukibinda kuingila.

Waefeso 6:13

Kwa ivyobo tozai mata yoshe ya Kimulungu, kangwe mdaheomana, mushi mubada ukibula, mdahevota viya vibada vyoshe mwiγoloke!

Waebuleyo 11:12

hambu azamfanyanya yuja amunkileye unu msuhi kuti: Ni mkweli. Kwa ivyoho waja wavyelwewo ni uyu muṅwe, ṅwili wakwe ukibinda kufa, wazaγenela sa ntondwe za lwingu, ao sa mshangalaγala we nkandai ya bahali ushiwodahikana kutalwa.

Waebuleyo 12:22

Miya mzabula he mulima wa Siyoni, he muzi wa Mulungu mwe moyo, ni uja wa Yelusalemu wa kilwingu,

Mfumbulo 11:15

Mlau ywa mfungate azatowa gunda, ne kuhoiviγwa mwe lwingu vyanwa vikulu angwe: Uzumbe wa ngulu ngima uzaγaluka wa Zumbe ywetu na Kilisito ywakwe, ne ndiye atoze uzumbe kale na kale.

Mfumbulo 22:3

Vye kisitama vyoshe nkezevimwoneke. Kitingwa cha Mulungu na yuja ṅwangoto chitaikala mumo, wapuna wakwe watamtumikila,

Mfumbulo 3:18

Nakunka viyuγo nikikuti: Γula zahabu kwangu iokiγweyo na moto, uγaluke mzuli, na shuke zeṅala, uzwike, viya vye shoni vya ulushi wako vishemanyike, na mavuta, ushishe mesho yako, kangwe uone.

Mfumbulo 4:4

Vikibinda kuna viti milongo mili na vine videnganilevyo icho kitingwa, mwe ivi viti mwiikale waγolokezi milongo mili nawane, waizwikile shuke zeṅala, mwe mitwi yawe waizwikile mabunduya zahabu.

Mfumbulo 5:11

Nikiolela vituhu nizaiva vyanwa vya walau wangi wadenganilewo icho kitingwa na ziya nyama ne na waja waγolokezi; nikiwatala, wazaγelemuka makulija na makulija na makulija.

Mfumbulo 5:9

Wazaimba imbo hya angwe: Iwe waagiziγwa ni kuγuwa kitabungwa na kushungula magongezo yakwe! Hambu waakoṅwa, waamkombwela Mulungu na mpome yako wantu wa makolwa yoshe na wa vilosi vyoshe na wa mbali zoshe na wa wamzimu woshe, uzaleka,

Mfumbulo 6:11

Kila ṅwiyae ywawe azainkwa nkazu yeṅala, wazaγangwa, watongomale hadodo ani, mpaka ibontoke mbuli ya wapuna weyae wawe na ya wanduγu wawe weunga kukoṅwa wohe sa awa wenye.

Mfumbulo 7:8

wa kolwa ja Sebuluni ni makulija kumi na maili, wa kolwa ja Yosefu ni makulija kumi na maili, wa kolwa ja Benyamini ni makulija kumi na maili waokiγwewo lunyindi.