Mfumbulo 7:15 - Kishambala New Testament 2005

¹⁵ Kwa ivyoho, waγolokela kitiugwa cha Mulungu, wamtumikila kilo na mushi mwe vikilo jakwe, kangi yuja mweikaila kitingwa nezeaikale kwawe.

Mfumbulo 7:15 ပူးပေါင်းရင်းမြစ်များ

Yohana 1:14

Mbulingwa izaγaluka muntu, izaikala kwetu; tizaona utana wakwe, ni utana viya wa ṅwana avyelweye ike ni ishe, hambu aigisize mbazi na kweli.

1. Wakolinto 3:16

Nkamtaila kuti: Inywi mu vikilo ja Mulungu, kuti: Mpehongwa ya Mulungu iikala mwenyu?

2. Wakolinto 6:16

Kangi ishwi ti vikilo ja Mulungu mwe moyo, sa Mulungu alongilevyo: Nezeniikale mwawe, niangilane nawo, nezeniwaγalukile Mulungu ywawe, wohe nezewaniγalukile mbali yangu.

Waebuleyo 12:2

timwolele Yesu, kuti ne mweandiila, kangi mwebontola viya, tivyotozesha! Uyu azaasha nyemi, aliγanyiziγweyo, azakunda kukoṅwa mwe muti, kangi nkaene shoni navyo, akibontola, azahita kwa ikala kulume kwe kiti cha Mulungu.

Waebuleyo 8:1

Miya mbuli yekula kuzinka ziya, tilongilezo, ni inu kuti: Tina mvikizi mkulu ahitileye kwa ikala kulume kwe kitingwa cha ukulu uko kwe lwingu,

Mfumbulo 11:19

Vikibinda kuzazuγulwa vikilo ja Mulungu je mwe lwingu, mwe iji vikilo jakwe mzaoniγwa kibweta cha kilaγa chakwe; haho ne kumulika na kuγuγumuka na kubambaluka na kudidima na fula nkulu ya mawe.

Mfumbulo 13:6

Izazuγula kanwa chakwe, imkanke Mulungu, izakanka zina jakwe na ikaile jakwe na waja weikala mwe lwingu.

Mfumbulo 20:10

Yuja ṅwenye leba, ndiye akiwaazaγanya, azatambikwa na mwe jiya ziwa ja moto wa vihilitibiliti, ija nyama na yuja mubilikizi ywa ulongo walimo, wataswilimiziγwa haho kilo na mushi kale na kale.

Mfumbulo 21:22

Vikilo siene mumo, hambu Zumbe Mulungu mwena nguvu zoshe ni vikilo jakwe haṅwe na yuja ṅwangoto.

Mfumbulo 22:3

Vye kisitama vyoshe nkezevimwoneke. Kitingwa cha Mulungu na yuja ṅwangoto chitaikala mumo, wapuna wakwe watamtumikila,

Mfumbulo 22:5

Kilo nkezemugwe, nkawaagiziγwa ni langaila ja taa ao langaila ja zuwa, hambu Zumbe Mulungu atawapwinkukila, watatoza uzumbe kale na kale.

Mfumbulo 4:4

Vikibinda kuna viti milongo mili na vine videnganilevyo icho kitingwa, mwe ivi viti mwiikale waγolokezi milongo mili nawane, waizwikile shuke zeṅala, mwe mitwi yawe waizwikile mabunduya zahabu.

Mfumbulo 4:8

Izi nyama ne zina mawawa mtandatutandatu, ziigisize mesho cha se na cha ndai; nkazihema, zalonga kilo na mushi: Mṅazi, mṅazi, mṅazi ni Zumbe Mulungu mwena nguvu zoshe, ndiye ai haho, mwe haha, ndiye aize.

Mfumbulo 4:9

Kangi izi nyama ziyamgimbika na kumshimila na kumtogola yuja mweikaila kitingwa, mwe moyo kale na kale.

Mfumbulo 7:9

Vikibinda nizaolela, nizaona bumba kulu, muntu ashijodaha kutala, jianduka kwa wamzimu na kwe makolwa na kwe mbali na kwe vilosi vyoshe, wazaγoloka kamazu he chiya kitingwa na he yuja ṅwangoto, waizwikile nkazu zeṅala;