Mfumbulo 6:12 - Kishambala New Testament 2005

¹² Nizaona, akishungula gongezo ja mtandatu, ne kuhooneka mdidimo mkulu, zuwa jizachuta, viya ni guniya ja ukonge, ṅwezi woshe uzalungulika, viya ni mpome,

Mfumbulo 6:12 ပူးပေါင်းရင်းမြစ်များ

Mateyo 11:21

Ukatabanika, Kolazini! Ukatabanika, Betisayida! Hambu ati kuja Tilo na Sidoni kuzaγosholwa viya vilozo viγosholwevyo kwenyu, anga wavoteka kale na kukanta maguniya na kukigela zelu.

Mateyo 24:29

Ukiwa wa mishi ija ukizinka, haho du zuwa jitagwa lwiza, hata ṅwezi utaleka kuaka, hata ntondwe zitauka mwe lwingu, hata nguvu za lwingu zitavuwanika.

Mateyo 24:7

Hambu mbali na mbali zitainukilana, hata wazumbe na wazumbe weyae wawe, hantu haṅwe na haṅwe hatagwa sala, hata mididimo neizinke.

Mateyo 27:45

Saa mtandatu kuzagwa lwiza mwe shi ngima mpaka saa kenda.

Mateyo 27:54

Mγolokezi ywa washilikali na waja, awona nawo, wakimγoja Yesu, wakiona uja mdidimo na viya vituhu vionekevyo, wazaingiiwa ni woγa ukulu, wazaγamba: Kweli uyu ne al ṅwana Mulungu.

Mateyo 28:2

Wakiolela, kuzazinka mdidimo mkulu, mlau ywa Zumbe azalawa mwe lwingu, azasheela, azabuia, azashindika jiya iwe, akibinda azajiikaila.

Maliko 15:33

Saa mtandatu ikibula, kuzagwa lwiza mwe shi ngima mpaka saa kenda.

Mfumbulo 11:13

Ija minga kuzaoneka mdidimo mkulu, uja muzi uzachakuka fungu ja kumi, wantu wakomiγwewo ni uwo mdidimo ni mazina makulija mfungate, waja washiγalewo wazaingilwa ni woγa, wazamlaviliza Mulungu ywa lwingu ntogolo.

Mfumbulo 16:18

Ne kuhomulika na kuγuγumuka na kubambaluka, kangi mdidimo mkulu uzazinka; aho kale wantu waandileho kuikala kunu shi, nkakwaoneke mdidimo wekula ivyoho.

Mfumbulo 16:8

Yuja ywa ne azaitila lushe ntungo yakwe na mwe zuwa, ne jihoshungulwa kukasa wantu na moto.

Mfumbulo 8:12

Mlau ywa ne azatowa gunda, ne kuhotowiγwa fungu ja ntatu ja zuwa na fungu ja ntatu ja ṅwezi na fungu ja ntatu ja ntondwe, aya mafungu yawe ya ntatu yazagwa lwiza, aya mafungu yawe nkayaakile mushii, hata kilo ni vivyoho.

Mfumbulo 8:5

Vikibinda yuja mlau azaγuwa chiya kitasa cha vunkiziza, azachimemeza moto weanduka mwe jiya okelo ja ṅombe za mviko, azachitambika na shi; ne kuholawila lubambala na lukuwa na lumuli na mdidimo.