Mfumbulo 6:1 - Kishambala New Testament 2005

¹ Nizaona, yuja ṅwangoto akishungula iṅwe ja yaja magongezo mfungate ya wafu, ne nihoiva, ziya nyama ṅwenga ikilonga, viya ni vuzo ja lubambala angwe: Iza!

Mfumbulo 6:1 ပူးပေါင်းရင်းမြစ်များ

Yohana 1:29

Keloi jakwe Yohana azamwona Yesu, akiiza kwakwe, ne aholonga: Shuyu ṅwangoto ywa Mulungu mweusha masa ya ngulu ngima!

Ntuṅwa 4:20

Nkatidaha kuleka kulonga viya, tienevyo, kangi tiivilevyo.

Mfumbulo 11:19

Vikibinda kuzazuγulwa vikilo ja Mulungu je mwe lwingu, mwe iji vikilo jakwe mzaoniγwa kibweta cha kilaγa chakwe; haho ne kumulika na kuγuγumuka na kubambaluka na kudidima na fula nkulu ya mawe.

Mfumbulo 13:8

Ndiwo waivike, ni woshe weikala mwe inu shi washigondiγwewo aho, shi ikiumbiγwa, mazina yawe mwe kitabu cha nkalamo cha yuja ṅwangoto akomiγweye.

Mfumbulo 14:2

Nizaiva kanwa chelawamwe lwingu, viya ni chamazi mangi, kangiviya ni cha lubambala lukulu; vituhu ichi kanwa, niivilecho, chifanana viya ni cha mafundi ya mapango wetowa mapango yawe.

Mfumbulo 19:6

Nizaiva, viya ni vuzo ja bumba kulu, kangi viya ni vuzo ja mazi mangi, kangi viya ni vuzo ja lubambala lwe nguvu, angwe: Haleluya! Hambu Zumbe Mulungu ywelu mwena nguvu zoshe azaγuwa uzumbe.

Mfumbulo 4:8

Izi nyama ne zina mawawa mtandatutandatu, ziigisize mesho cha se na cha ndai; nkazihema, zalonga kilo na mushi: Mṅazi, mṅazi, mṅazi ni Zumbe Mulungu mwena nguvu zoshe, ndiye ai haho, mwe haha, ndiye aize.

Mfumbulo 5:1

Mwe mkono wa kulume wa yuja aikaileye kitingwa nizaona kitabu chigondiγwecho uko ndai na kwe mγongo, chiigezilwe magongezo mfungate ya wafu.

Mfumbulo 5:12

Wazalonga navyanwavikuluangwe: Ṅwangoto akomiγweye vyamwagiza kuγuwa ufuṅwa na uzuli na viyuγo na nguvu na tae na utana na ntogolo!

Mfumbulo 5:8

Aho akichiγuwa icho kitabungwa, ne ziya nyama ne na waja waγolokezi milongo mili na wane wahokinila yuja ṅwangoto, waitozize kila muntu pango na ntungo ya zahabu, ziimemile uvumba, ni miviko ya waṅazi.

Mfumbulo 6:3

Akishungula gongezo ja mbili, nizaiva, nyama ya mbili ikilonga angwe: Iza!

Mfumbulo 6:5

Akishungula gongezo ja ntatu, nizaiva, nyamaya ntalu ikilonga angwe: Iza! Nikiolela nizaona falashi size, yuja aipandileye aitozize kihimo mwe mkono wakwe.

Mfumbulo 6:7

Akishungula gongezo ja ne, nizaiva, kanwa cha nyama ya ne chikilonga angwe: Iza!

Mfumbulo 8:1

Akishungula gongezo ja wafu ja mfungate, uko kwe lwingu vyoshe vizatongomala hindi gima ja saa.