Mfumbulo 5:11 - Kishambala New Testament 2005

¹¹ Nikiolela vituhu nizaiva vyanwa vya walau wangi wadenganilewo icho kitingwa na ziya nyama ne na waja waγolokezi; nikiwatala, wazaγelemuka makulija na makulija na makulija.

Mfumbulo 5:11 ပူးပေါင်းရင်းမြစ်များ

Waebuleyo 12:22

Miya mzabula he mulima wa Siyoni, he muzi wa Mulungu mwe moyo, ni uja wa Yelusalemu wa kilwingu,

Yuda 1:14

Hata awa kuna ateγanyeye mbuli yawe, ni Henoki, muntu ywa mfungate, ukianda kutala kwa Adamu, aγamba: Zumbe aiza na makulija ya waṅazi wakwe kwa longa

Mfumbulo 19:6

Nizaiva, viya ni vuzo ja bumba kulu, kangi viya ni vuzo ja mazi mangi, kangi viya ni vuzo ja lubambala lwe nguvu, angwe: Haleluya! Hambu Zumbe Mulungu ywelu mwena nguvu zoshe azaγuwa uzumbe.

Mfumbulo 4:4

Vikibinda kuna viti milongo mili na vine videnganilevyo icho kitingwa, mwe ivi viti mwiikale waγolokezi milongo mili nawane, waizwikile shuke zeṅala, mwe mitwi yawe waizwikile mabunduya zahabu.

Mfumbulo 4:6

Vituhu kamazu he icho kitingwa hana, viya ni bahali ya kilolo yefanana na kilisitalo. Kangi he icho kiti gati haidenganile nyama ne, zigisizezo mesho mwe vyeni, hata nyuma.

Mfumbulo 5:14

Ziya nyama ne zizaitikila: Amini, ne waja waγolokezi wahogwa na kumvika yuja mwekalama kale na kale.

Mfumbulo 5:6

Ne nihoona: Gatigati he chiya kitingwa na he ziya nyama ne na he waja waγolokezi hazaγoloka ṅwangoto sa vivyoho, akomiγwevyo, ana feya mfungate na mesho mfungate, ne ziya mpeho mfungate za Mulungu, zitumiγwezo na mwe shi zoshe.

Mfumbulo 5:8

Aho akichiγuwa icho kitabungwa, ne ziya nyama ne na waja waγolokezi milongo mili na wane wahokinila yuja ṅwangoto, waitozize kila muntu pango na ntungo ya zahabu, ziimemile uvumba, ni miviko ya waṅazi.

Mfumbulo 7:11

Ne walau woshe weγolokela icho kitingwa na kuchidenganila na waja watawa na ziya nyama ne wahokinila funi icho kitingwa na kumvika Mulungu,

Mfumbulo 9:16

Talo ja wankondo wapandilewo mafalashi ni makulija na makulija; nizaiva, talo jawe jikilongwa.